منقذي ذو النجوم

بارت 9

تفاجأت من كلامها جدااا شلون هيج تسوي وهو طفل بريء لو صايرله شي اني شجنت اسوي كتلها...

رزان هذا الحقد الي بكلبج مو من جواتج طالع اكو احد محشي براسج واتمنه ماتعيديها اني اجيت يمج من ذئاب الي بره ومابقيت يم بيت عمي ..طلعتي انتي هم مثلهم والله جان استحيتي من سويتي هذا الشي بس قسما بالله العضيم اذا عدتيها اعوفلج البيت...

عفتها واخذت علي وخليته بلغرفه وحطيت كدامه العاب يلعب بيهن ...يعني شلون هسه اني ماارتاح من المصايب كل يوم وتطلعلي سالفه جديده بس لازم احط حد لهذا الشي ....

كومتني رزان الصبح ورحنه للسوك اشترتلي فد شي بسيط بس لحد الان اني مانازعه الاسود ابدااا رزلن نزعت بس تلبس الوان غامقه...

اخذتلي فستان مخصر ع الجسم اسود وردناته تور بسيط جدا ...صار باجر وعقدنه عادي ودخل احمد يريد بس ياخذ مني حجايه ماكدر ولااني الي انطيت مجال...

رجعت للبيت هلكانه من التعب نومت علي واني ضليت العب بلكلاده واباوع باادي الحلقه ...كلت الي الله كاتبه يصير ...ونمت ...

كعدت ثاني يوم سمعت الشي الي خلاني احس انه سويت شي غلط زين ليش ماانتضرت.... انه حسام خاطبني من عمامي يعني احساسي جان بمحله زين شلون وشوكت...

راسي بده يوجعني كولش من كد مافكرت ورزان تريد تحجي وياي اني ماانطيها مجال مو فد شي سهل الي سوته خلي تحس بغلطها....

عفت كلشي وراي وكلت لكرار يودينه لبيتنه القديم اريد اخذ كتبي اضافة الى عندي ذكريات هناك اريد اجيبهن وياي وفد مره نسوي النقل ..

طلعنه واخذت علي ويانه ورزان هم اجت ...

وصلنه لفرعنه واني اتذكرت كلشي بهذا المكان ودموعي وحده امسحها وعشره تنزل ونوب علي يباوع مستغرب ....كلشي هنانه اتذكرته بيوم طلعنه للسوك ويه امي لو من جنه اصغار وبابا ياخذنه للمحل لو ولو ...كمت ابجي حيل ورزان همين ...

فتح كرار الباب ودخلنه وهناك تركت دموعي براحته كرار اخذ علي وطلع .....اول شي اتذكرته من جنه ندخل للبيت وماما تتلكانا ....

هنانه نسوي اكل ونكعد يم ماما ونحجي وياها وهنانه غرفة ماما وبابا جانت وهنانه وكعت وهنانه ....كلشي صار وياي اتذكرته ابددد موو سهله ع واحد يكعد بيوم وليله ومايلكه ابو وامه يمه جددا صعب ....

يعني هسه اذا مصاير شي من الصار علي جان يعيش هنانه وعنده اب وام واخوات ...بس هسه اني حاسبني امه .....تكومت بلكاع واني ابجي بحركه اجتي رزان يمي وحضنتني ضلينه نبجي لحدما نشفت دموعنا..

كمنه اخذنه كلشي جنه محتاجي ...رزان اتصلت بكرار وكالتلي جان رايح يجيب فايل النقل مالتج ..طلعنه وطول الطريق اني راسي يوجعني من وصلنه للبيت راأسا بدلت لعلي والي نمنه ماكمت اله العصر جنت كولش جوعانه بس علاوي مو يمي كمت ماشفت احد بلبيت اتصلت ع رزان كالتلي بيت جدو ادز واحد يجيبج كتلها لايمعوده شدزين مااريد اجي ...

طلعتلي اكل سخنته واكلت اندكت الباب خليت شال ع راسي وطلعت اشوف منو ...

ريم:منو؟

حسام:افتحي اني

ريم:ماادري شبي كلبي كام يدك سريع فتحت الباب ..

حسام:وين علي اريد اخذه..

ريم:اتفاجأت شلون حجه هيج لاسلام ولاكلام ...كتله بيت جدو كلهم....رفع راسه جان مدنكها واني ايدي الي بي الحلقه ع زاوية الباب شافه ورفع راسه وباوعلي ماادري ماكدرت افسر هاي النضرات هل هو عتب حزن حب ...

حسام:مبروك يبنت كلبي بس اتذكري كلامي زين هذا اختيارج راح تندمين علي بوكتها منو يكول اني اكون موجود يالله مع السلامه.....

صعدت سيارتي واني فاير رأسا اتصلت ع محمد وكتله باجر اني التحق ... سديته منه

واني بلطريق وافكر بيها وسرعتي تجاوزت عن كل مره جنت اسوق بيها ... وماحسيت اله سياره ثانيه طلعت كدامي..

يتبع .