حضرو الحفله وريان مركزه مع فادي "لن تنالي" هججو تماام واي وحده مشت بيتهم، ما كان في شي جديد في حياه سحر غير أنها من الشغل للبيت ومن البيت للشغل وفي الفتره دي أتعرفت علي واحد أسمو أمجد جنا بالله التقول واقع من الجنه 🐸💔 أتعرفو عند حليمه ست الشاي 😹"عاد حليمه طلع منها فايده 😹"
كانت قاعده وبتشرب في شاييها كالعاده وعينها علي الجكس النضيف ألا هي قاعده براها 😑💔 جاء واحد ماشي بي جمبها وكاش التربيزه بالغلط والشاي أتكشح، رفعت راسها عشان تردح بس سكتت لما شافتو وبقت متنحه فيهو وبتقول بي جواها " وب علي دا مالو سمح كدا ،ولا عاين اللون أقسم بالله أنا مُحرته عديل بالودك البتمسح بيهو دا 🐸" قطع شرودها صوتو وهو بقول ليها يا أنسه قاطعتو سريع وقالت ليهو سحر أبتسم أبتسامه خفيفه وقال ليها أسف أنتي كويسه؟ ما يكون جا فيك؟ قالت ليهو ههه لالا مافي شي انا تمام، قال ليها طيب عشان أتاكد انك ما زعلانه حأعتزر ليك بي طريقتي قالت ليهو هو أنت الزيك دا بزعلو منو عليك الله 🐸 قال ليها قتي شنو؟ قالت ليهو لالا ياخ مافي داعي يا... قال ليها أمجد قالت ليهو طيب ما تزعج نفسك أنا تمام، قال ليها عارف أنك تمام بس عايز أعزمك شاي بدل الأتكشح ممكن، سحر وشها بقي قلوب قلوب 😹 قالت ليهو طيب " عاد ياسحر دي بتجي مره في السنه" مشي جاب الشاي وختاهو ليها قال ليها أقعد ولا بضايقك قالت ليهو لااااااااااا بي صوت عالي تاني لمن حست بي نفسها قالت ليهو أتفضل تضايقني شنو أصلا قاعده براي، قعد وبدو يتونسو، قالت ليهو أنا اول مره أشوفك هنا ااي صح أنا ما بعرف الموظفين بس ما حصل شفتك، قال ليها أيوه فعلا أنا ما بجي كتير، قالت ليهو متسييب 😒 قال ليها ههه لالا أنا وضعي مختلف ما موظف دائم مشرف بس علي الشركه لاني شريك فيها 😹💛سحر بينها وبين نفسها "أنتي أصلو قدومك دا ما بتقدري عليهو مالك مالو متسيب ولا بتاع هدا طلع صاحب ملك ممكن عادي يخليك تتشرشحي بالشارع" 🐸 طقطق ليها بي أصابعو وقال ليها أنتي علي طول سرحانه كدا؟ قالت ليهو ههه لالا بس أتذكرت حاجه قال ليها طيب انا أقوم بعد دا عندي مشاوير لازم أقضيها ممكن أخد رقمك ونبقي أصحاب" رقمي بس والله أديك التلفون زاتو خلي الرقم 🐸💔"ملتو الرقم وعمل ليها مكالمه فايته وبكدا رقمو بقي عندها شال مفاتيحو ومشي، قضت باقي اليوم وهي تتبسم براها وتشيل وتردد في أسم أمجد، طلعت من الشركه ومشت عشان تركب المواصلات مركبه سماعاتها وبتنضم براها في نفس الوقت 😹" امممممم اسمك أمجد قت لي، يخ ولد زي طلقه العقد سممح كدا مالك أنت، هووي يا سحر ما تتعشمي ساي يعني حيخلي كل الجكس الجامد دا ويعاين ليك انتي بي وشك العامل زي عقاب الضلع دا 🐸💔" سكتت شويه المواصلات جات بعد دفر وزحمه كالعاده ركبت كانت قاعده في المقعد الجمب السواق داك هي علي الشباك وهو في مقعد النص، عاينت ليهو بي لمحه سريعه كدا وهمست "الليله قصه الناس الطاعمين ديل شنو معاي 🐸💔" عاين ليها وابتسم وبقي مركز معاها هي تشيل وتتململ وتفتح في التلفون وتقفلو أساسا ما متعوده زول يركز معاها قاعده زي فتيل الدواء الفي الثلاجه ومدتو منتهيه داك" عرفتوهو؟بااس ياهو" المهم وصلو نزلو بحري قطعت الظلط وهو كان علي الجهه التانيه بقو ماشيين موازيين لي بعض بعد شويه قطع الظلط وبقي ماشي قدامها، بعد كانت عايزه تشتري حاجات لما لقت طريقهم واحد خلتها 😹💔"شكيتك علي الله" وهو كل مره يتلفت عليها ويتبسم ولما يتلفت ترفع راسها تعاين ليهو 😹"العشق الممنوع" لحدما قرربو يصلو موقف الحاج يوسف خشو في محلات التلفونات والخضار وزحممه وعولاق لمن مرقت من الزحمه لقتو مافي 😹💔"كُررر" بقت ماشه وتتلفت لحدما وصلت الموقف كانت بتفوت المواصلات علي أمل أنها تلمحو بس تاني قالت لي روحها "أجي ياسحر أنتي جنيتي بتعرفي من وين والله أنتي وصلتي مراحل بعيده خلاص 😒 لكن هو لي حلو كدا؟ احلحل راسك دا أخير تركبي تاني الوقت بتأخر وحتبيتي هنا بي ظرافتك دي 🐸" بعد صراع مع نفسها ركبت بص والي ومشت علي بيتهم 😹 نزلها في الزلط، في كان بتاع كارلو خاشي بي نفس شارع بيتهم ولا كذبت طوالي نطت ركبت معاهو 😹💔 نزلت منو جمب البيت، دخلتا كدا جاتها أمها قالت ليها هوي الستاير دي قاعده راجياك كل يوم تقولي لي بكره وبعد بكره تغسليها أسي دي بعد الغداء شنو كل الشغل موقعنو علي أنا 😒قالت ليها هي يا أمي كدي باركيها أنتي أسي زعلانه مالك قالت ليها يبركو فيك خنق يا بعيده 😒المهم أنا وريتك الستاير دي تتغسل ولو كترتي كلامك معاي حأخليك تكويها زاتو "أجي يخواني الحجه دي الليله مالا 😹 اخير تمشي تغسلي ساي ياسحر قبل ما يجيك شبشب طاير في نص راسك 🐸" قمت أغسل في الستاير زي الحبشيه أنتهيت منهم الساعه حداااشر قمت جسمي دا كلو واجعني وضهري دا التقول حيتشقي ،نطيت فوووق وجيت واقعه لمن سمعت صوت تلفوني بضرب "عاد مافي زول بضرب لي زي الوقت دا ألا مصيبه وريتكم أنا تلفوني دا يا مصيبه يا مصيبه يا مرسال🐸 أتوكلت وغسلت يديني من الصابون ومسافه ما أصلو كان قطع 🐸التقول أنا عندي رصيد ألعب بيهو 😒 عاينت للشاشه ولقيتو..
يتبع....
