منقذي ذو النجوم

بارت 8

كتله لا واني اكح مدااكدر اوكف الى ان كمت من يمه وامشي اروح اغسل عسى ولعلى يخف لانه اختنكت مدااكدر اخذ النفس وحته خطواتي بعد مدااكدر اسيطر عليهن كمت ومن دخلت من يم حسام كال ...

حسام:شبيج بيج شي امشي لممرضه تشوفج هو هيج كال اتقدم احمد كال اني ابن عمها واخذها وانتَ شنو..

حسيت راح يصير مناشدات بينهم مشيت من يمهم اشويه ابتعدت بس حسيت غوشت الدنيا بعني الى ان ماشفت غير السواد بعد....

حسام:واني احجي ويه هذا السطل ابن عمها ومااشوف الى واكعه بلكاع ركضو عليها عمامها واولهم السطل احمد

شالها السطل احمد بس حسيت شياطين الدنيا كلها وكفت بعيني اخذوها للغرفه وشكلولها مغذي وكايلين انه ضغطها هابط اضافة الى عدها مشاكل بلخلايا الدماغيه ....عرفت من ذاك اليوم..

شويه وطلع الدكتور من يم علي ركضت علي وسألته وكال هيه وضعه مستقر سويناله غسل معده بس يعني والله ابد موحاله طفل هلكد صغير وين جنتو عنه ...

بقيت اتعذر واضيع السالفه الى ان راح ....دخلت يم علاوي حبيبي شكددد مااكول غالي عليه مااكدر اوصف شكد احبه وخصوصا من وصتني سميه علي ....

طبعا خلي اعرفكم عن نفسي ...اسمي حسام عمري حاليا ٣٠ ضابط بلجيش العراقي بس مو كولش عصبي احل كلشي بلتفاهم بس اذا واحد جفص بمصاريني او غلط بحقي مااشوف بعد احد كدامي يفضل الابتعاد عني ..

اداوم بلبصره هناك نقلي صارتلي مشاكل هنا بغداد نقلوني هناك ...طولي ١٧٩ وزني ٧٠ تمارين مااسوي غير التدريبات الي حصلتها بلمعسكر ويكفي ويوفي......

امي عايشه وابويه مستشهد بحروب قبل الله يرحمه وجده عايشه ويانه هيه اكثر وحده تفهمني حته من نضراتي... عندي ٣ اخوان كلنا كلوبنا ع بعض وعايشين بيت واحد ٢ اخوات متزوجات وحده بعدها بلبيت....اخويه الجبير عامر عنده معرض مال سيارات يشتغل بيها ومتزوج حاليا عنده بنوته وحده ... وبعدين اني ضابط مامتزوج وبعدين اخويه الاصغر مني مهدي هم متزوج ماصارله هواي وهو مدرس لغة انكليزيه وبعدين يجي سامر هو بعده يداوم كليه وعلى مااعرفه يحب وحده...يعني بكل بيت لازم يصير واحد مايتزوج ويكره الزواج هذا الشخص بلعيله جنت اني .....سالفه طويله وضاع قفل كلبي بس من شفتها ذاك ليوم وهيه نازله من الدرج وكأنه لكت مفتاح كلبي لو من شلتها وصعدتها للغرفه كلشي بيها تيهني وخلاني افقد

...يعني اول وحده خسرتها بس هاي لا ملازم اعوفها حته لو صارت عجوزه اتزوجها ....

احجي عن عيونها اتيه وبعد مااكدر ارجع من الطريق الي كولش بارزه لو شفايفها الي مثل الكرز لو بياضها وحواجبها ورموشها لو خصرها الي منحوت نحت....

جنت بلبيت واتصلت سميه عليه بسرعه كالت ريم وكعت ومالنه احد غيرك تعال رحت وشلتها جانت جثه هامده مابيها روح ....