نجمة هاربة

PART 13

ظل قصي بعيداً عنها خلال هذه الايام لا تجمعهم سوي بعض الكلمات على الاوراق، كان عالقاً في احزان تخصه وحده، كان كل ليلة يري هذا الطفل الصغير الذي يريده مساعدته ولكنه لا يستطيع ، هذا الطفل الذي يمثل طفولته ولكنه لم يتركه حتي بعد أن كبر، كان يأتي ويبكي له عما يحدث معه

فريال وهي تدخل غرفة اطفالها: بردو ياقصي؟ حرام عليك سايبها كام يوم تنام لوحدها

قصي بصوت هادئ وطي صوتك العيال لسه نايمه، انا نازل الشغل

فريال بغضب: ماشي براحتك

كاد ان يخرج من باب المنزل ولكن اوقفه نداء امه

:قولت اقولك ان كارما جايه انهارده اعمل حسابك تيجي بدري شوية عشان تجهز

ببرود: اجهز لايه؟ انا يادوب همضيلكوا على حته ورقة عادي تتمضي في اي وقت

الام: لا ماحنا عزمنا امها وابوها طبيعي يعني وكام واحدة من اصحابها عشان لو جوزها وصل للمحاكم دول هيشهدوا، وكل حاجة هتمشي بجد

ظل قصي في هدوئه التام ونظر لها بلا مبلاه :هو انتي امك وابوكي كانو بيعملو فيكي ايه وانتي صغيرة؟

رفعت يدها لتضربه ولكنه امسك يدها بقوة واكمل بهدوء وهو يضحك: فاكره الواد الصغير اللي بتضربي موجود؟ لا مبقاش ليه وجود ، ثم نظر لها بشر: انا بس اللي موجود

نفض يدها بيعداً عنه كأنه يشمأز من لمسها واغلق الباب وذهب

ظلت نجمة بغرفتها طوال اليوم حتي صعدت لها سيلان

:انتي مش بتنزلي ليه

نجمة بتعب:مش قادرة

سيلان وقد احتضنتها :انا مش عيزاكي تزعلي لان قصي بيحبك ومش هيعمل حاجة تزعلك ثم نظرت لها بفرح: تعالي ننزل نلعب في الجنينه مع العيال ،وجذبتها من يدها وهبطت للاسفل

فريال: سيلان بتلعب مع نجمة ووولادي! ايه اللي جرا في الدنيا

ضحكوا جميعا

ذهبت لهم الام بالحديقة: يلا يابنات اطلعوا اجهزو الناس جاية كمان ساعة وقولي لابوكي يتصل بقصي يستعجله

نظرت فريال للام بحدة اما سيلان اخذت نجمة وصعدوا

فريال: انزلي انتي ياسيلا وانا هقعد مع نجمة

سيلان: لالا انزلي انتي وخلي بالك من عيالك

نجمة : انزلوا انتو انا

فتحت الام الباب بعصبيه: بتعملوا ايه هنا يلا انزلوا الناس تحت ومفيش غير اروي

ذهبوا جميعاً اما نجمة ارادت الجلوس في الحديقة ولكن دون ان يراها احد فذهبت لمكان منعزل تماماً عن الجميع ومظلل بالاشجار لكي لا يراها احد