منقذي ذو النجوم

بارت 2

ريم:احترمي نفسج احسلج

سميه:اوبس اسفه قصدي زعاطيط هزت بيدها ودارت وجها ودخلت للغرفه وهيه وحركاتها المتمايله ....

كعدنه اني ورزان بضجر اووف اووف من بابا
درت وجهي لرزان وكتلها

ريم:وانتي الثانيه لاتضلين تتبجبجين اذا شافت شخصيتج هيج ضعيفه راح تستغلنه بسس والله ابدد مااسمح الها بس شنكول غير حسبي الله ونعم الوكيل الصوج صوج بابا كومي كومي خل نرتاح اشويه ونكوم
نمنه ..

-وكعدت بعد ماادري شكد اني ع الجربايه نايمه ورزان وماما ماهنه بلغرفه كمت غسلت وجهي ورتبت شعري ونزلت جوه شفتهن يحضرن العشه اوف لعد شكد نايمه كتلهم شكد نمت حييل ليش ماكعدتوني

رزان:ولج والج عين تحجين والله كعدتج بس ماكعدتي

ريم:يي هاهيه ...اني نومتي كلش ثكيله خصوصا من يكعدوني ...كتلهم هاي الي اهنانه ماراحت

ام ريم:لا واصلا راح تبقه هنانه

ريم:ماما انتي ليش ساكته وتعاي بعدين ماحجيتلنه شصار كالت

ام ريم:شحجيلكم ياحبيباتي غير اني واكفه بلمطبخ وجان يدخل ابوج ويه هاي الي اجت وكال...

ابو ريم: هاي مرتي غصبا ع اليرضى والمايرضى مااريد اسمع صوت منكم

ام ريم:وصارت هوسه وحجي منا وحجي منا واني كتله زين مو عفت اهلي علمودك مو اتبروا مني ليش هيج تسوي بيه لانه تعرف مالي احد راح يسندني هيج تسوي بيه ليش .....وبعدين ضغطي صعد وجنه بلمستشفى واجيت وشفتكم جايين

ريم:زين ماما اهل جدو يعرفون بهذا الشي

ام ريم:هه كولي شنو الي مايعرفو اصلاا جدج هو الي طالبها لاابوج وكلهم يدرون بس هو كايللهم لحد يحجي الا اني اكوللهم وهسه هيه حامل دريتن شي اكيد

ريم:شفت رزان ام دميعه دموعها ع خدها ....رحت عليهم وكتلهم وذا خلي يطبهم مرض يعني واذا تزوج اهم شي انتي تبقين يمنه واحنه نحبج معليج بابا..

-شفت عيون ماما تلالي وكأنه بعيونها دموع الكون كله بس ماتريد تبين ضعيفه رحت عليها حضنتها ....

وكالت لعد اني شمصبرني ع عيشة ابوجن غيرجن هاهيه انتهى كلشي بيني وبين ابوج بس بلااسم اضل مرته وعلمودجن اتحمل ..

ريم:ضليت كاعده وياهم بلطبخ واني افكر ليش بابا هيج يعني هو ابددا ابدا مامنقصنه شي كلشي نريده نلكاه كدامنه بس احنه كل هذا مايهمنه غير يصير عدنه اب مثل العالم يحجي ويانه ويحسسنه انه عدنه اب ..... من كلشي محرومين احنه من ناحية الاب .....

بعدين فرشنه وكتلهم لعد هاي العوبه وبابا وينهم مالهم حس كالت ماما طلعوا يتعشون بره...

-.يعني بلمختصر احنه من انولدنا لحد الان بابا مامطلعنه لهيج اماكن غير اذا ياخذنه لعزائم اصدقائه من يعزمنه وبس...