صباح الخير
اسفه احاول انشر يوميه بس وقتي مايسمحلي ولا اكدر اكتب بارت اطول 💔..
تأكدت مني تأكدت أن سعادتي انت. ..
أن كل شيء باهت من دونك.
كل الأشياء تفقد لونها تفقد طعمها.
قهوة الصباح وكعك امي. ..
وحتى السكر نفسة لا طعم له. ...
يفقد الصباح صباحه
و لا تصل الجريدة في موعدها. ..
ولا تصلني زقزقات الصباح على الشرفات
لأنك سكر يومي
انت .. صباح الخير وصباحي سكر
❤️❤️راق لي
طلعنه وصعدنه بالسيارة ..
رأساً زينب حجت بصوت ناصي
-تتوقعن منو هاي ويه فرقد
باوعتلي ايه كاعده بنصنه ورجعت باوعت لزينب
-الله اعلم ياخبر اليوم بفلوس باجر بلاش
-همه كلهم بالعطله يسالون علينه ويسولفون الا هوه يبيع ثكل
حجت زينب
جاوبتها ايه
-يجوز طبعه هيج شمدرينه بعدين يبين كلشي راح نعاشرهم اربع سنين
وصلت للبيت ..
فتحت باب المطبخ
ابتسمت بوجه ماما
-ماما نجحت
صلاوات على محمد..يله صعدي بدلي وغسلي وتعالي اتغدي
-لا ماما مااشتهي اريد انام راسي ياذيني..
أحاول انام واغمض اعيوني واكول شعليه..
وارجع اكول منو هاي..
فكرت تالي كلت اكيد زينب دامها عدها فضول هم تعرف منو اكيد هسه تعرف وتكللنه..
فزيت مرعوبه
وبصرخه
-يمه
حطيت ايدي على قلبي
باوعت طاسه ماي بيد لبانه وتضحك..
دمعت اعيوني
-ولج خرعتيني وكف قلب
اكو واحد يكعد هيج ذبين عليه ماي
الباب انفتح يزن وماما مفزوعين
باوعلي ويباوعلها
-والله ماادري تخاف ردت اكعدها اشاقيها تحاجيهم لبانه
انا صابتني رجفه دفيانه والماي صح على وجهي بس ظليت ارجف من الخرعة ..
-طاح حظج لبانه على هالسوايه الدنيا مغرب خرعتيها رزلتها ماما
يزن يباوعلي تقرب عليه
بعد ماحسيت بشي
-فتحت اعيوني وجع بيدي
اباوع بغرفه ماما وبابا ..رفعت ايدي اباوع كانونه
ردت اكعد متيبس جسمي
حجيت كوه
-ماما ماما
انفتح الباب يمامة
-صلاوات الحمد لله على سلامتج
-شنو شبيه
-حبيبتي الحمد لله انشالله مابيج غير العافيه
هاي من الخرعه صخنتي
دخلت ماما وراها لبانه اعيونها حمر
-كعديني جسمي متيبس
سندتني وحطت مخدت ورا ضهري..وكعدت
باستني ماما براسي..
-اي يمه صارلج يوم ونص نايمه من البارحه المغرب هسه بال ٩باليل
جبنه السيد ابو حكيم قرا عليج يمه ماتتحملين خرعه وهبطات من سالفه من جنتي صغيره انتي ويزن من ركض وراكم الجلب المغرب
كوه صحيتي بوكتها اسبوع اركض بالمستشفيات
تالي خالتج اخذتنه لبيت سادة الحراك
كالو بتكم مخروعة وقرو عليج وسوولج عوذة هيه الفادتج ..
راد نسويلج وحده ثانية
كامت اجيبلج شوربه شوي تتقوين بيها..
