❤❤❤❤❤❤
داخلة للدار تسمع فالعياط خوها يتضارب مع مرتو ماجات تعتب الباب سمعت👂
وائل: راكي مطلقة و خرج
نسرين (مرتو) 😭😭😭 تطلقني ياوائل هكا ، سمعنا ماما ياسمينة سمعتي تسنيم
راحت ليها تسنيم عنقتها و تهدي فيها : اششش استهدي بالله لحظة غضب راهي
نسرين: اما استرجا يقولها
تسنيم: بصح فهموني واش صرا
فهمتها امها اللي تناقشو على سبة مكاش و كبرت بيناتهم
_____
نسرين مارقدت كان بالسيف و وائل مارجعش للدار فالليل اما عيط لتسنيم 😭 يبكي
وائل: طلقتها ياتسنيم طلقتها و تعرفي بوها هو اصلا بالسيف باه قبلني ليها لوكان يسمع مايرجعهاليش
تسنيم: استهدى بالله عيش خويا غير لحظة غضبوائل: مانعرفش مانعرفش تلفتلي
تسنيم: تو وينك انتا
وائل: عند صاحبي بايت
تسنيم: صحا روح ترقد و يجيب ربي فيها حل غدوة
************صبح الحال ناضو الكل فالدار كان نسرين
ياسمينة: يابنتي بوك ماشي هنا راهو عند خوك في بجاية و انا تعرفيني مانخرجش مالدار و وائل مافيهش حيل روحي للامام تع حومتنا سقسيه و احكيلو
تسنيم بلعت ريقها: اناا؟
ياسمينة: عيش بنتي اتقكري برك وجه خوك كيفاه ولا كي ماقبلش بو نسرين بيه
تسنيم غاضها خوها عالاخر: صحا تو مور صلاة الظهر
نمشيلو*********
خلات كي كملو الصلاة وخرجو من الجامع و شافتو خارج راحت جيهتو
تسنيم: السلام عليكم امام
محمد هبط راسو و هدر معاها: وعليكم السلام الاخت
تسنيم (يخويلك عظامك) : شيخ والله باغا نسقسيك على حاجة
محمد: انعم اتفضلي
تسنيم: (بداتلو الحكاية و كملتها ب) و قالها راكي مطلقة و خرج
محمد: اذا على حساب قولك كان في غضب عارم و قالها بلا مايفيق ماتتحسبش طالق لانها خرجت من فمو في لحظة غضب
تسنيم بفرحة: صح محمد؟
محمد استغرب: استغفر الله
تسنيم: اسمحيلي امام خرجت في لحظة فرح و يعطيك الصحة
محمد: واجبي اما قوليلو كي يرجع للدار يجي لعندي
تسنيم: اكيد وذرك سمحلي نروح السلام عليكم
محمد: وعليكم السلام
غير زغدت من عندو عيطت لوائل
وائل بصوت عياان عاللخر: وي تسنيم
تسنيم: افطن افطن نسرين مزالها مرتك
وائل: اااه
تسنيم:وي رحت عند الامام و سقسيتو قالي اللي لحظة غضب و مايتحسبش طلاق حقاني
وائل: يا ختي ردتيلي الروح ابخي اطلبي واش تحبي
تسنيم: استنى، جيبلها كاش عفسة
وائل: عندك شك، احم ديجا طيري بركاي مالدصارة
تسنيم: هههه هكا صحا
********
وائل جاب لنسرين بوكي دو فلور و خاتم ذهب و طلب منها السماح .. وهي ماعاندتش ليه ليه ولاتلو، تسنيم خبرت وائل اللي الامام قالو يروحلو... الوغ هذيك العشية راح ليه، محمد اللي كي حكا معاه نصحو على مرتو و باش يتحكم فالغضب تاعو بيسك يخاف يغلط مرة اخرى__________
قاعدة فبيتها تحكي مع ملاكملاك: هذا كامل صرا
تسنيم: وي، ستر ربي خلاصت على خير
ملاك: الحمدالله هكا ولا اكتر
تسنيم: وي
ملاك: 😂 تسما هدرتي معاه
تسنيم: اسكتي برك سورتو الحرقة كي قتلو صح محمد
ملاك: 😂😂شغل صاحبك
تسنيم: اي والله
ملاك: تسنيم سوريو كيفاه راكي سنين و نتي تعشقي فيه مالقري شعال وصيناك تبعدي قبل ماتغرقي
تسنيم : ااه واش نقول واش نخلي ... والله ياختي من نهار اللول اللي ريتو فيه كي كنت خارجة مالليسي و تبلاوني و ديفوندا عليا هو عجبني ابخي حوست عليه ،عرفت بلي يقرا علوم اسلامية و بلي خواتاتو مزوجين كانت باقيا سميرة تزوجت العام ليفات، باباه مات كي كان في عمرو 20 سنة و بزاف عفايس... و تو 6 سنين نعشق فيه و ماشي ناجمة حتى نحكي معاه كلمة نورمال .. اما واش ندير هذا شاكتب ربي
ملاك : انشالله يكون من نصيبك ياختي
تسنيم: انشاالله انشالله 😍😘
_______
كي نحكي علي محمد تشوفو كيفاه يعجبكم
YOU ARE READING
احببت امام حيِّنا (باللهجة الجزائرية)
Humorجبتلكم كرونيك 📕 خفيفة ☄ظريفة☺ مانيش حانطول فاها بزاف و نتمنى تعجبكم حبوباتي 😍😍 حكايتنا 📔مختلفة 👌اليوم... تحكي عن حب❤ ، التزام 🔒 دين 😍 غيرة 😵😢 و الاهم... نهايه سعيدة 😁😆 #احببت_امام_حينا #Aya_m قيد الكتابة، و ممنوع النقل 🚫❌📵