علمتني الحياة حبك

1

سادس صح صعب بس لان اني ما عدي الا صديقه واحده و اتوصل وياه بس بالعطل و المناسبات و ما اهتم لشي ثاني و لا عدي شي مهم
جنت صح شاطره بس ما اعرف اطبخ و لا اعرف سوالف البنات من مكياج وسوالف اتمنه شخص يعلمني بس ما عدي لا صديقه ولا اني جنت مهتمه بهل موضوع هواي اكبر همومي انجح
لان اهلي هواي تعبو عليه ما اريد اكسرهم

متحنت نصف السنه و اجه يوم نتائج نصف الاول

#سدن
.... اوووف ماماااا

ام سدن ... ها شبيج

..... ماما وين نظارتي تعرفين ما ارتح بدونهم و احس روحي عميه

.... شبيج بنتي شمرتهم هنا او هناك شوفي وين مضيعتهم

.. . . اوووف تاخرت صارت 9 ونص

طلعت اركض و اخذت نضره غير الي ادور عليه
بطبعي احب بس نضره الكبير البسه من اطلع صغيره بالبيت
اخذت الصغيره و طلعت بسرعه سايق مالتنه اني وماما بالباب ماما بحكم شغله كمدرسه هم لازم دوم

طلعنه و نزلني اول شي لان مدرستي اقرب

سايق( عمو صادق )
امي( غسق )
ابوي( محمد )
اخوي( جواد )
خالي( امجد )
عمامي الاثنين( حسن و علي )
زوجه عمي حسن( رسل )
هاي عائلتي
اما صديقتي الوحديه( رفل )

اني بس ذوله الي اعرفهم بحياتي و الي يعرفوني اما الباقي مثل زميلاتي بالمدرسه يعرفني معرفه سطحيه لا اكثر ولا اقل

دخل المدرسه مستعجله مسوين اصطفاف فتريت من وره البنات و رحت وكفت بنص صفي بين البنات المدريه تصيح اسماء و نتائج من الربع الى السادس وصلت سادس شعبه "أ"
صاحت

اميره الـ***
.
.
.
ساره علي
سدن محمد
سمر محمود

رحت بسرعه المديره جانت مستمره تصيح الاسم و تنطي نتيجه اخذته وايدي ترج ترجف مع انو اعرف نفسي ناجحه بس من توصل ساعه نتائج كلي اصير ارجف شفت شنو درجاتي ارتحيت و طلعت اضحك من المدرسه
وصل عمو صادق ركبت وياه
و وكالي
.. . ها بنتي نجحتي بشري

....ضحكت و كتله بـكل هدواء اي عمو

.... الله يوفقج بنتي

.. . شكرا

رجعت و دخلت للبيت هدواء كل واحد بشغله ماما بدومه و بابا بعيدته

صعدت الغرفتي بدلت
و نزلت امي مسويه غده طبعا الموظفات يعرفن انو صبح قبل دوام يسون الغده و يطلعن

جنت شارده بافكري

و بداخلي اكول
معقوله اكدر اجيب المعدل الي اريد
لازم اجيبه علمود محد
يشمت
ويكلي كلنالج مايفيدج الادبي

اخذت نفس و سمعت صوت وراي درت واجهي شفت اخوي الزغير الي طوله بطولي هههه
عمره 14 طالب متوسطه