ذكرى ..وألم

#رواسي الصبر
#ذكرى ..وألم  ...

كاعد عله بنيد الدبابه ...حراره الشمس العاليه ..
تضرب براسي ..
ساعه وحده الظهر ..

..اباوع لمجموعه ..من الجنود ..

كاعدين بنص التراب ..كل واحد يمه سلاحه ..
كامرتي تتنقل بينهم ..

نزلت من البنيد واني .. اصور ..رحت بخطواتي ..باتجاه ..علي ..
ايه علي .نايم جوه ..الدبابه ..
موجهه الكاميرا عله وجهه .مخلي ايده عله اعيونه ..صوت شخيره ..العالي ..

حسيت بحركه وراي ..درت وجهي ..مرتضى ....
راد يجر الكامير مني ..
وخرت بسرعه ..
حجه

لك احمد ..كافي شصور ..عوف المسكين نايم ..
احمد ..

-
هههه يمعود خلي اوثق الهه احداث حياته اخاف عليه لا يستشهد...

كعد عله صوتنه وضحكنه ..علي
تمغط ..دك صدره ..
علي -
ولك احمد يمتا تبطل سوالفك ..

مرتضى ..يمعود هذا مايبطلهن ايس منه ..

احمد-
طفيت كاميرتي بعد ماحفظت الفديو ..

باوعت الهم ..
خلوني ..بفرحتي ..اصور وواثق الكم ..ايجوز اليوم وياكم ..باجر مو وياكم ..

علي -.لا يمعود..وعلي مابينه حيل .تريد تموت .وطكه بضحكه ..

احمد -.ليش اني اموت ..خوبن انته بالاول ...

مرتضى عافنه وكعد عله صفحه ..منتاك عله تاير الدبابه ..مثني رجل وماد رجل ..

علي ..اشلون اموت اني غير وصيتك عندي شنهي نسيت ..جاامنو يوصله لاهلك ..

ههههه خرب يومك ياعلي ..وصيتي لاتخاف عليه توصل ..

خلصت فتره استراحتنه .وكلما يقرب الظلام ..يزادد .صوت الطلق ..

الدرع مااذبه ..صار نداء ..وكله اللتمت من جيش وحشد ..
كله واكفه صف واحد ..
وكفت ..بصف ..جندي ..لكن دهشتي ..خلتني ..اصفن بوجهه واني اشوف ..الصليب ..محاوط ركبته ..اعيوني اتشخصت عله الصليب ..

حاجيته ..انته مسيحي ...
ابتسم ..اي .

جاوبته ..لعد اشعدك جاي تقاتل ...

لزم الصليب بيده ..
صحيح اني مسيحي ..لكن حب الوطن يخليني .نصير حشد ..ويه اخواني السني والشيعي والازيدي والصابءي ايد وحده ..

احمد...رديت عليه ..

صحيح ..كلامك بس احنه اجينه باامر من المرجعيه ..وتلبيه لنداءه ..

ربت عله كتفي ..اسمك يخوي ..

احمد ..
اتشرف بيك وعله راسي .اني وهب ..واجيت اهنا ..وهبت نفسي ..دنك لكاع وشال منه تراب ..

لهذا التراب ..مثل ماانته اجيت..بامر من مرجيعتك ..انه اجيت باامر الوطن ..

حرت شرد عليه ..كمل كلامه  ..الحشد..النه كلنه مو بس لشيعه لا لكل العراق ..