الوسواس
نوع من انواع الابتلاء
🌿🌿
..جنت ضايجه كلش اذن ماكمت صليت وكانما اذا عصيت ربي راح يبرد غليلي ..هيج يصورلي..دائما اكول ليش رب العالمين يسلط علي الظلم والقهر وقله الحيله واني اصلي واصوم ..واتعبد واكون ع طهاره دائما
وبعد فتره استسلمت لهاي الجمله ..عشت حياتي بخربطه بين ترك الصلاه وبين صوت يكلي بس النفس الي تجريه نعمه وفضل من ربج ما اطيعيه بسجده!! ع الاقل..
ضليت اصلي فرض واعوف فروض ..دائما اتذمر من زوجي (وسام) واهله ..واطلع قهري بجهالي
(احمد وعلي)..صارت عدي طفله سميته (هبه) قبل الاربعين ماتت ..زدت بتركي للصلاه وكمت ما اصلي نهائيا..حزنت اكثر ..كلبي انطفه بي النور ..وكانما وكعت بظلام وماعرف شلون اطلع منه وانعمت عيني عن كلشي ..حسي كام يعله وتصرفاتي انانيه كلش..لساني ماتطلع منه بس الغيبه والنميمه وانافق حته اعيش..انقل حجي لعيالي ومن عيالي لنسوان حموويني اسوي مشاكل بدون ما اوكع بيه
..كمت اطلع للسوك هواي واتعمد اطلع شعري من الحجاب ..والبس ضيك واتمتع بمغازله الزلم الي ..
شعري كل يوم لون ملابس الي ..وجهالي هملتهم . لا سبح..لا نظافه لبيتي ..
عيالي يحجون ينتقدون جنت ما اسمعلهم..
دائما يوصلي حجي كافي طلعات للسوك وتجين قرب الاذان
جهالج وصخين هدومهم مگرگفه..بيتج ريحته موحلوه
اذا متنعدلين راح نكول لزوجج من يجي من العسكريه..
واني ولا هامني
حمواتي اول ميجي وسام يصيحوله يمهم ويكلوله ع سوالفي يجي يكتلني ويضربني ..وراهه نتراضه وينطيني الراتب بايدي ويروح يلتحق
واني ويا الجهال اضل لوحدي ..لان عيالي يكرهوني ولا احد يجي يسال علي رغم تقارب بيوتهم علينه...
دائما اكعد ويا روحي واكول ليش يكرهوني؟؟
اي لان اني احله منهم شنو كلهم سمر ولهجتهم تلعب النفس شنو همه عود عدهم شهايد ومستواهم احسن من اهلي وشايلين خشومتهم علينه يولون مالي عازه بيهم ..اطب واطلع ع الجيران
..وجارتنه ام اسيا اقرب جاره الي لان معاناته نفس معاناتي هم ابوهه متزوج ع امه وامه عافته تربي اخوانه ..وهيه زغيره وتزوجت غصب المهم هواي تقارب ابيناتنه واني احب المكياج واللبس والطلعه وهيه مثلي كلشش مانختلف ع جنطه لو ع صبغ اظافر حته نفس الذوق ورجله هم عسكري وعايفه..
رغم طبتي وطلعتي اني ضايجه ومتكئبه ..حته بديت اشرب حبوب للكابه ..واحس نفسي كلش جاي يضيك واختنك وكت الغروب ..اكتل جهالي ع اقل شغله
..كل ماشوف روحي ضايجه كمت اطلع حته بالليل بحجه اشتري نمنميات للجهال بس جذب حته ارفه عن نفسي..جان هذا ابو المحل بس يتغزل بجمالي ..ولبسي واناقتي
..واكول بين روحي الله لعد اني شكد مرغوبه !! ليش افني عمري اطبخ واخدم برجال ماعده احساس وبجهال شسويلهم راح يضلون امبهذلين..مشيت ع هذا الدرب سنتين ..بعدين ام اسيا
كامت تكلي اطلكي اني هم راح اطلك زرعت بعقلي الطلاگ .. وضليت اتعارك ويا وسام يلكي يكلي اطلكج..بس ماكو فايده ..
.
يوم من الايام
جارنه ابو اركان ..كلي تعاي اني معجب ومن ذني السوالف و يلحكني من مكان لمكان واني كلشش متونسه لان يحسسني بانوثتي..رغم هو مزوج ٣نسوان وما مكفياته وكله يكول اريد الرابعه حته اكعد وزن
.
مرت ايام واجت ايام ..
جنت العصريه كاعده ادهن برجلي لان ماحب بيهن فطور وكعدت اصبغ اظافيري ..شكو بيه لو اسوي علاقه ويا هذا ابو اركان..هم امتع نفسي واكضي وكت شو وسام ماكو ..ومنو يدري ..بيه
وبيومه
قررت اوافق ع علاقته بيه
يلحكني ..للسوك ويتغزل بيه وبمشي وبرشاقتي
ويكلي صبغي شعرج
صبغته
لبسي احمر البسله
لحد مكال اجي للبيت كيفت كلشش وحظرت روحي
وطببته للبيت..
وكعدنه نسولف والجهال نايمين ومرتاحه منهم..
للصبح وطلعته من الباب بعد ما اطمئنيت ماكو احد يشوفه وهو طالع
طلع بامان ..واني فرحانه طبيت اسبح
نسيت اعرفكم ع نفسي
اسمي
رند
عمري٣٠سنه
موصفاتي ..بيضه شعري قصير طويله ورشيقه ومهتمه بنفسي كلشش باختصار احب روحي هواي
