رغم جمالي جان وسام هاملني..لايسمعني حجي حلو ولا يسولف وياي كله يدور ع الاخبار وشكالت الحرب وشكال الامريكان ..
ضليت افكر
هذا ابو اركان ..كلب حالي كلب مافكر بس بي
وصدك الكهرباء مطفيه اعوف جهالي نايمين و لبست زي وسام ودكيت باب ابو اركان ..
هو كبل عرفني
ولج هاي شمسويه بروحج
رند..حته تفوتني لا منشاف ولا من دره
وحته الي يشوفني من السطح يشوف رجال
ديلا انده نسوانك يسون درب خل افوت للديوانيه
وصدك صاح بصوت عالي
يالله يالله سوو درب لابو عباس
ختلن نسوانه وطببني من باب الديوانيه الي ع طارمتهم ..وقفل البيبان ..ضليت جم ساعه واذكرت جهالي
طلعت مستعجله ..رحت لبيتنه
شفتهم يتصارخون لوحدهم ..لزمتهم طبطبتهم رغم غلطي.. بعدين .كمت ابجي واضحك بنفس الوكت وانهاريت ..اني لوين اريد اوصل
ثاني يوم
بيت ابو عماد
شايفين رجال غريب يطب لبيت ابو اركان وطاب لبيتنه
وجان حديث الشارع هذا الرجال
اوف اوف هاي الناس متبطل لزمه السطح والمباوع ع الراح والاجه
ختلت بوكته اسبوع لحد ما اجه وسام
وسولفتله يمكن حرامي يدور ع بيوت المنطقه ومن كتله بيت
ابو عماد
كال
اوووو ذولي يتخيللهم ..من لزمه السطح
ادري بي هيج يكول حته لا اخاف واضل احرس جهاله وبيته وما اضل احجي حجي زايد ..مدام هيج يعني هو ماهمه شي ..
لا حرامي ولا غير الحرامي...استمرت علاقتنه ٦اشهر وعافني ..من عافني ..صرت شلون المخبله..وجنت معتبرته حب حياتي بس من اصفنله شلون هيج اعتبرته وخليتله مكانه ماعرف ..وراهه كمت اعيشش بخوف من مخلفات علاقتي بي خاف يفضحني..ويدرون الناس بيه ..ومرات اكول لروحي ميسويه اكوو واحد يفضح روحه!!؟
كدام الناس والعالم!
مره اطمن روحي ومره اطب بشك وخوف ..وره شهرين ..اطمئنيت وكمت اطلع واطب مره لخ حته من بشوفني يسوي روحه مشايفني ..كمت ارسم ع ابوو المخضر الي اشتري منه مسواك ..الي عرفته مزوج
بس عادي واذا مزوج
اسولف كباله واضحك واخلي روحي اخر شي من يوزن الي..والبس اسوارات يخرخشن..لحد ماخليته ينتبه الي
واول مدار كلام ابيناتنه ..
كلي عبالي ممزوجه
كتله لا مزوجه بس مو سعيده بزواجي
وطبينه بعلاقه اني ويا وجان اسمه ..سعد
واروح لبيت جوارينه ام غاده لان عدهم تلفون ارضي اخابره من عدهم ب الساعه والساعتين..
هناك..
حسيت روحي دايخه وتعبانه شكيت بروحي حامل
وصدك طلعت حامل..اهوو هم احباله واجيابه ويخرب جسمي كله ..
قررت اوكع الطفل. .
وهو وكع من وحده..تاذيت الاول بس بعدين كمت ع حيلي..
جنت فرحانه لان وكع وخلصت منه..
هناك وقررت انزع الحجاب شكو بيه اذا نزعته
من درو عيالي كلبو الدنيه
هاي شتحس ومن هذا الحجي
اما وسام شوره من شور اهله ..ماقبل ..وضل يحجي ع الصلاه والالتزام واني منطيته الاذن الطرشه
شيحجي هذا ولله فارغ ..الناس بياحال وانته بيا حال
يدور التزام وماعرف شنو
اختصروهه ب الاخير عيالي وياي وكالـوو
كـل لشـه تتعلـك من اكـراعه
وانتي صرتي فالته ومحد يكدرلج والصوج برجلج
طلعتلهم لساني شطوله وضليت العلع عليهم وضليت اتهمهم اتهامات باطله
مرت فلان اسوي سحوره وذيج تبوك برجله وانته مصاحب ع مرتك وخطتهم خوط
المهم اريح ضميري ..
لتعرفت ع وحده ب السوك اسمه
ايمان
ويصيحوله ام عدي
هاي ام عدي تسوي سحر ومحبه وعكده لسان
هيج حبيت اخرب بين حماتي لبنا وزوجه رعد
لان علاقتهم تنرفزني وتخليني احس بنقص ..وخصوصا اخر عزيمه عد اعيالي شفتهم جنهم ورد ..وعيالي فرحانين بنسيبهم الجديد
الحقد عماني ..ودلتني ام عدي
ع واحد يسوي هلاعمال
اول طبتي عليه راد هبره فلوس
كتله فده
عادي المهم العمل شغال
طلب شغلات وسوالف جنت محظرتهن اله
اخر شي شاف محبس ذهب بيدي ابو شذره خضره كال اريده
نزعته وانطيته اله ..
وكال
خلاص مشت امورج..بعد جم يوم تسمعين فلان عاف فوولانه
طلعت منه فرحانه
كعدت اتاني مر اسبوع واسابيع اروح لعيالي اسوي روحي ماره ع عمتي واطقس ماتكلي شي مع العلم هيه شكايه وتحب تتشكه خصوصا اذا الشي يمس بناته من الله يعميه كون واخلص منه ..شو هاي متكول شي خرب ب الحظ
رجعت شايطه للبيت واشوفلك الجهال مشخبطين ع الحايط واطبنهم طبن
خرب بالحظ كله مرتاحه وسعيده بعيشته
بس اني حياتي خربانه ..حته من يلتمون الضحكه متفارك حلكهم وشاكته شك ..ليشششش بس اني واكعه بحزن ماطلع منه ليشش
كتلتهم خلاص لحد ما ضلو مايتحركون
طبيت الحمام اسبح
شو ذولي ماصاحو ولا ناصو
طلعت اباوعلهم لا زينين كاعدين يباوعون كارتون لا خوشش ما ماتو بيدي انوب شكول لابوهم
