خطوات نحوا الجحيم

10

خطوات_نحو_الجحيم

////بقلم الكاتبه زينب ماجد////

الحلقه_10

بقيت كاعده على ركبي واباوعله من الباب.. كاله ابويه الله بالخير رد عليه مالك هلا بيك.. هههههههههه يااا الله شكد حلو وهو مؤدب،،،،

مالك:- اقدملك نفسي اسمي مالك قيس..

الاب:- مو غريب عليه شايفك..

مالك:- بالضبط.. اجيتك مره لمحل المجوهرات مالتك.  وبقينه نحجي وكتلك احب وحده.. وانته بقيت تسولفلي على حبك هم

الاب:- اتذكر هيج حديث اعتقد..

مالك:- هاي البنيه اللي احبها انته تعرفها.. 

الاب:- اخذ نفس... منو هي

مالك:- قبل لا اكلك منو هي حاب اكلك شغله علمود تكون على بينه من الموضوع.. وما اضم عنك شي..

الاب:- اتفضل اسمعك..

دكت الباب ماما ووكفت بالباب مطبت.. وصاحت ابو لجين الجاي عيوني..

الاب:- اي يابه...

اخذ الجاي وقدمه لمالك.. مالك خاط.. وشرب شويه ورجع.. وعدل جاكيته.. ورجع يباوع لأبويه..

الاب:- اي احجي شنو هو الموضوع

مالك:- كتلك اسمي مالك.. اعتقد هذا الاسم مار عليك .. مو بس وجهي..

اني مالك قيس جابر.. اللي بنتك رفعت عليه دعوة تحرش قبل فتره.

الاب:- يا حقير يا نذل والك عيييين تجي كوم منا..

مالك:- شوف عمي

الاب:- لا تكوووول عمي واطلع بره

مالك:- اسمعني ابو لجين.. اني جان ضميت السالفه عنك.. بس كتلك حتى اكون صادق وياك..

الاب:- المثلك ما يعرف الصدق كوووم..

مالك:- مجبور تسمعني للنهايه ومو من شيمكم اهل الاعظميه اطردون ضيفكم حتى لو كان كتالكم..

تسمعني للاخير واذا غلطت وياك ذاك الوكت بخدمتك اطلع..

لجين:- هم يحجون واني وامي لازكين بالباب.. ماما واكفه واني جواها اباوع والباب قليييل مفتوح.. مخليه نعال بين الحايط والباب حتى لينطبك..

الام:- والله جنها راح تعلك..

لجين:- والله خايفه الله يهدي الاوضاع..

الاب:- احجي اللي تريده وشوفني مگفاك..

مالك:- اني احب بنتك.  و نيتي وياها صادقه.. لا رايد العب ولا غيرها حبيتها وجاي اطلبها منك ..

الاب:- انته شنو من جرئه عندك وتجي تطلب ايدها بعد ما تعرضتلها الك عين تجي لبيتي تخطبها