مي سافرت قررت انها ترمي الماضي كله ورا ضهرها خلاص قررت ترجع أحسن من الاول وأقوي من الاول هتفكر في مستقبلها وحياتها بس هتفكر في حلمها اللي مبقاش قدامها غير إنها تنجح فيه وتحققه
غالي اللي قرر بعد سفر مي اانه يدور ع الحقيقه ويظهر برأتها قدامهم رغم انه عارف ان هما خسروها بس حب يثبتلهم إن هي أحسن منهم كلهم وقرر ده بمساعده حمدي ومتولي اللي وافقه ع اللي هو هيعمله لان مي صعبت عليهم
عدي شهر ع سفر مي كانت نقلت امتحاناتها لجامعه كامبريدج البريطانيه وابتدت تمتحن وهي مش عايزه حاجه غير حلمهاا غالي كان ع طول ع تواصل معاها عدي الشهر والنهارده اخر يوم امتحانات ليها وكانت الصدفه اللي اول مره تجمعها بأسر بعد ما كانت في المستشفي خرجت من جامعتها وقررت انها ترجع بيتهاا وهي بتركب عربيتها حد كان بينده عليهاا
اسر:-انسه مي
مي:-د/اسر ايه الصدفه دي حضرتك بتعمل ايه هنا
اسر:-انا هنا بأخد اوراق من الجامعه لشغلي لأن دي الجامعه اللي اتخرجت منها بس انتي ايه اللي بتعمليه هنا انا سايبك في مصر
مي:-انا هنا بقالي شهر علشان بحضر الماجيستير من هنا واول ماالنتيجه تطلع هقدم ع الدكتوراه كمان
اسر:-بجد الف مبرووك يا مي ربنا يوفقك ويفرحك يااارب اسف لو بقول مي من غير القاب
مي:-لا طبعا من غير اسف انا اساسا مبحبش الرسمياات يا دكتور
اسر:-يابنتي انتي مش لسه قايله انك مش بتحبي الرسميات بتقولي دكتور ليه اسمي اسر بس
مي:-حااضر ياأسر
اسر:-مي تقبلي نكون اصدقاء
مي:-اكيد طبعا وليه لا وسلموا ع بعض وبعدين قالتله بعد اذنك همشي علشان اتأخرت
اسر:-ممكن اوصلك لو مش هضايقك طبعا
مي:-لا مفيش داعي اتعبك معايا عربيتي
اسر:-بليييز يا مي خليني اوصلك وانا هرجعلك عربيتك لباب البيت
مي:-اووك وقفلت عربيتها وركبت معاه
تعالو نروح ل مصر شويه عند البنات عدي شهر عليهم كلهم ومحدش بقا عارف اي حاجه عن مي راحوا مرة يزوروها في شقتها بس عرفوا انها باعت الشقه والبواب ميعرفش عنها حاجه أسلوب تمارا اتغير معاهم وبقت شايفه نفسها عليهم كلهم زهقوا من وجودها وانانيتها بقت عايزة هي تكون ست البيت
مريم:-انا هتجنن هي دي تمارا اللي احنا اعتبرناها اختنا شايفين اللي هي بتعمله
صفيه:-احنا اللي وثقنا فيها ودخلناها بنا محدش يلوم غير نفسه
اميره:-سيبكم من زفته دي بقي المهم حد فيكم عرف اي حاجه عن مي
