كعدت الصبح على صوت سارة وزينب ....كمزت من فراشي مخترعة ...وين اني ...باوعت يمنى ويسرة ..بشيرر ركضت فتحت التلفون نفس الشي ماكو اي مكالمة ...ماعرف ايش حسيت بقهر ...يعني هو من يكول مااكدر ع غيابج جان جذب لو هسة مكيف مرتاح مني ....خوش بشير بسيطة ...
نزلت لخواتي بعد ماغسلت وجهي وذاك الاستقبال الحلوو والضحك والتنكيت بيناتنا صار على فلس ...
سوت امي النا فطور واحنه هم كمنا كل وحدة سوي شغلة ..سويت الصفرة ورتبت الكاسات والصحون واختي جاي وحدة رتبت طلعت اشترت ااخبز والكاهي من المخبز يصير قريب علينا هيج بعد دقيقتين ....
كعدنا نسترجع طفولتنا وسوالفنا ...وبدن خواتي يشكن هموم بعض واني ساكته ولافتحت حلكي ...
"صدك رند ذكرتيني على سالفة الحبوب شفتي الرسالة دزيتها باسمه ...
"لا مانتبهت الها ...
"عرفتج فاهية لذلك من واني جاية اشتريته للدوة واجيت ...
"شكرا حبيبتي كلفتي ع نفسج ...
"انجبي موبيناتنا بس رند اكواج شي
"شنو حبي
" ترة اذا عرف بشيرر بسالفة الحبوب راح يكلب الدنيا فوك راسنا ....كوليله اليوم هيج موضوع مالازم ينضم عليه ..."
"حايرة شلون افاتحه بالموضوع ...ماعرف شلون ابدي بالكلام ...خايفة من ردت فعله
دخلت امي "يمه بيج شي شنوو حبوب وشبيه رجلج
جاوبت سارة "حبوب منع الحمل بتج تاخذ منهن وزوجها ماعنده علم بالموضوع وحذرتها ومايفيد بيها
ضربت امي على خدها"عزاا تاخذين حبوب منع بدون مابشير يدري ...يمة راح ينهجم بيتنا ويحركنا هل مرة واحنه داخل البيت ..لج شلون تسوين هيج .."
عاطت اختي زينب "رند شلون تسوين هجي شي ..تدرين هسة لو يدري بيج تاخذين حبوب من وراه راح يحس نقص برجولته او يمكن يفكر انتي ماتردين اطفال منه والرجال كولشي يتقبل الا هل شي...."
كولها كبت عليه وتذب حجي وهم مايدرون ليش هيج سويت .." سكتن سكتن ولاوحدة تحجي ....تعرفن شنو مااكدر هسة احبل منه لاهو متفرغ ولااني ...هو كل وقته بالشركات واني عندي دوام حرام ينظلم الطفل ويانا ..
حجت امي"جان تكدرين تكعدين وياه وتحجين نفس العالم والناس مو بالسكوت تاخذين موانع ...غلط بنتي غلط وبعدين هو مامقصر وياج يجيبلج بدل الوحدة عشرة علمود يساعدنج ...
ردت سارة " صحيح حجي امي هيج قرار تتخذونة سوة مو وحدج خانم
ضحكت باستهزاء وكلبي ممقهور" ناخذه سوة كلتلي مووو ..."
دخلتت زينب وعلقت"اي سوة وبعدين على شنو تضحكين بلة على عملتج التكسر الوجهه"
درت وجهي لامي " يمة اكوللهن شلون عقد عليه بدون مايفكر ياخذ راي ...لو من حرك بيتنا لان اني رفضته بيه لو منعه من ان اجيكم واي شغله ممنوع ..ْقبل حتى ان اناقشه بيها....اكوللجن شكد هو متملك ومن يعصب يصير قاسي ....لو لبسي اليتحكم بيه بصورة مبالغة بيها ...لو شعري الماينفرد يم اي احد ماعداه ....لو تلفون اذا اتاخر برد عليه تنكللب الامة فوك راسي ...عبالجن اني مكيفة بالشي سويته ...بس بشير لو اكوله بس باسم هل حبوب راح ينكلب وحش لعد لو يدري بيه اخذ هل حبوب اعتبرني ميته .....ولجن بشير مونفس ماتفكرن واصلا مااعرف اذا احنه اصلا مستعدين .... "
كامت ماما وهي تضرب الطبلة "حتى لو مايجوزلج هل تصرف واليوم من ترجعين تفاتحينه بالموضوع ....سمعتيني يابت بطني .."
دنكت راسي وكلبي انعصر من سيرة هذا الموضوع كله...
قررت أرجع للبيت واصارحه بالموضوع ولو تمر السالفة بسلام لو اكون بعداد الاموات..
رجعت للبيت والدي هو الوصلني بطريقة ...خلت للبيت ورجفة سرت بكلبي من ذكرت هالموضوع ..
استبقلتني ميمو تركض وجهها مخطوف واصفر
"هاليش وجهج هل شكل لونه؟ بيج شي ؟صاير شي موزين" سئلتها بخوف وقلق..
"
" لا لا مو اني بس السيد بشير من امس بالليل لحد هسة ماماكل شي وردت اصعد اسئلة بس جان نارر ...الخدم بالطابق الثاني منعهم من الصعود .."
خليت ايدي على كتفها ومسحت عليه واني احجي على كيفي"لتخافين اني هسة رايحة اشوفه ...حضري اكل ومن ارن التلفون صعديلياه ...تمام حبيبتي.."
"تمام ...تمام..."
صعدت لفوك واني كلبي يدوك بسرعة رهيبة ...فتحت باب غرفتي ودخلت واني عيوني دور عليه بس ماكو...درت وجهي لغرفة الملابس ..مشيت الها..... لكيته كاعد على كرسي جلد وعيونه على ملابسي وبيده قميص نومي الاسود ...وعيونه حمر وجهه ذبلان ....
دخلت واني احط جنطتي وهمست باسمه"بشير..."
لاجاوبني ولا عبرني ....ضليت واكفه منتظرته يحجي اي شي بس ماكو ....حجيت برتجي" بشير اني اسفة لان كسرت كلمتك بس جنت محتاجة اروح عند اهلي علمود اغير من نفسيتي و..."قاطعني صوته البارد الي اول مرة اسمع هل نبرة منه اتجاهي ..."لشوكت راح تستغفليني ....هااا لشوكت..."
احس رعشة قوية مرت على طول جسمي من كلامه وبرودة صوته وحدته " بشير ..." همست بصوت يرجف...احس صوتي راح مااكدر اطلعه ...اول مرة اخاف من عيونه وهي يباوع عليه بنظرات حركتني حرك وخلتني اكره نفسي
لان تصرفت هل تصرف...غبية غبية يارند وراح تبقين غبية ...
خله ايده على حلكه وغمض عيونه وعروقه شوية نافرة ....دقائق ونزل ايده وكام من مكانه وتوجهه الي وعيونه بعيوني ....جسمه ملتصق بجسمي ايده تسللت لوراي وبلحظة اخذ جنطتي الجانت على كومدي وراي ....
فتحها وكلبها وذب كولشي بيها....وهنا كلبي وكع من وكع الدوة بالكاع ....خليت ايدي على حلكي ودمعه وكعت من عيوني واني اشوفه ينزل ياخذه من الارض ويقرا بيه وحواجبه معكودات وعيونه حمرر دددم وشعره واكع على عيونه وجسمه مشدود ....
" بشير مومثل مامتصور ...بس اسمعني .."
ضحك باستهزاء "مو مثل مامتصور!! شوو انقرالج شمكتوب بالانكليزي خاف انتي ماتعرفين تقرين .."
"بشيررر...اترجاك اسمعني .."
"حبوب منع الحمل بجنطة زوجتي بعد ماراحت اختها للطبيبة تجيب دفعة ثانية ...اوكفي لحظة ...سكت وهو يرفع شعره لفوك باصابعه ويخلي ايده على عيونه ....من اول يوم نمت بيه وياج جنتي مستغفلتني ومعتبرتني لاشيء بالنسبة الج حتى تسوين هيج تصرف من وراي بدون مايكون الي اي علم او حتى راي بموضووع يخصني.."
دموعي كامت تنزل عشرة عشرة ةاني اسمعه شلون يحجي بصوت رجال مجروح بصميم رجولته وعيونه مكسورة ....
تقربت منه اريد ابرر " والله موهيج جانت نيتي ...ردت بس وقت سنة حتى ...."
ماحسيت غير وجهي اندار براجدي ورجع ضربني واحد ثاني..ثالث...رابع ....
ايده كمشت شعري وقربني منه بقسوة " الاحساس الي داحس بيه شكد اني غبي وغافل وكرامتي الانجرحت وحبي الراح ادوس عليه واني اردلج كل شعور حسستيني بيه ...كل شعور يارند .." هدني بنترة قوية وهو يشمرني بالكاع ....
غمضت عيني واني احس بالذنب وشعور بكره الذات ...غبية يارند ...ارتاحيتي هسة من خسرتيه...
طلع من البيت واخذ كلبي وياه .....شسوي هسة واني جرحته هيج جرح ...بس لايسوق...لاياربي...لا... اعرفه شكد متهور بالسياقة من يعصب وبعد مايشوف كدامه ....كمت ركضت وراه واحس بطتني موتتني من الالم .....طلعت واني اشوف سيارته رينج روفر الرياضية تشخط بالكاع وباقصى سرعة ....رجعت اركض للغرفة واني مثل مخبلة ادور على تلفوني....لكيته واكع وي الغراض ...كعدت بالكاع من الالم ايد على بطني وايد الثانية اتصل عليه بس مايرد ...مرة واثنين وثلاثة واربع ...بس ماكو رد ....
صعدت امينة ركضت عليه بعد ماطلع بشير وهي تشوف الشر بعيونه ...الالم زاد عليه مقدمات دورة ....متت من الوجع ..اجتي ركض كومتني من الكاع وكعدتني على جرباية وهي تمسح على ضهري.." اوكفيلي حبيبتي راح اجيب الدوة واجيج....استحملي..."
رفعت عيني صارت المراية بوجهي انصدمت من حالي ....خدودي حمر وطبعات اصابعه معلمه عليهن وشعري منثور ودموعي تصب ....اه ياكلبي..شلون كدرت اسوي هيج وفرطت ببشيري..الرجل بكل للكلمة من معنى يحس بالنقص بسبب خوفي وانا بيدي حولته لشخص بارد...شلووون.... اني السبب اذا صار بيه شي ...انت السبب يارند
YOU ARE READING
المتملك القاسي
Romanceقصة عراقية واقعية... باللهجة العراقية شلون وافقت على كلام هناء ولعبت وياه هاي اللعبة ماحست عليه من جراها وسد الباب وهي ضهرهه ملاصق لصدره وتحس بتقلص عضلات من يتنفس ، وهو يمرر انفه علي ركبتهه...وايده على حلكها... وج ما عاشت الي تضحك على بشار وج اني ي...
