أنقذني_من_الأدمان🚭💊

4

ب هناك ف عالم تاني قاعده يان وبتشم وماسكه حقنه ف ايدها ومتردده تاخدها او لا ، احسن تحصل خالد اصلا م عندها شي تعيش عشانو ، لا تخلي اصحابها ل منو ، ف الاخر اخدت قرارها ووقعت ف الارض وهي بتسمع اصوات بعيده بتناديها 💔
يان اصحى ،يان م تموتي ، يان الله يرضى عليك قومي ، يان انا اسف 💔

يعني لسه ما ناويه تصحى عدا شهر وانتي ف نفس الحال انتي عارفه انا م بقدر انوم لانو حاسي ب الذنب اني سبب كل الحصل ليك ،اصحي وقولي لي مسامحاك عشان ضميري يرتاح 💔
الباب فتح ..
دكتور يوسف صباح الخير ،صباح النور
لدن : جبت ليك الورد البتحبيه 😍
ملاذ: وانا كل يوم بجيب ليك اكلتك البتحبيها عشان لما تصحي تلقيها😍
رامي: قومي خلاص انا جبت ليك الروايه الطلبتيها مني عشان نقراها سوا 💔
جا الدكتور داخل صباح الخير 💛
يوسف: لسه م ف استجابه ي دكتور !؟
الدكتور: والله كل التحاليل كويسه بس هي مساعدانا لانو م عايز تصحى وما بتعافر عشان تعيش 💔
ملاذ: ح صحى وح تشوفو هي م ح تخلينا 💛
Back..
لما وصلو يوسف ولدن وملاذ ورامي كانت يان مرميه ف الارض اثر وقعتها اتضرب راسها ب حجر وكان الدم كتير ومسافه وصلو بيها المستشفى كانت داخله ف غيبوبه لانو نسبه المخدر كانت عاليه 💔

اتصلو ع ياسر وجا ومعاه اهلو
ياسر: اختي مالها ي يوسف ؟! مش انا وصيتك عليها ليه م خليت بالك منها
يوسف ساكت وما عارف يرد
امها: اصلا م كان ف داعي ل الرحله دي وبتبكي
الدكتور : ي جماعه هي كويسه بس داخله ف غيبوبه لانو نسبه المخدر الماخداهو عالي
ياسر: مخدر شنو ي دكتور ؟!
الدكتور: اختك كانت بتتعاطى
ياسر: لا اختي ما بتعمل كده حتى اسأل ديل اصحابها ! وروهو
كلهم ساكتين
ردوا اختي م كانت بتتعاطى انا عارفها م بتعرف الحاجات دي 😡
يوسف: أهدأ ي ياسر
ياسر: اهدأ كيف انت ما سامع البقولو
ابوها: اصلا كنت عارف الشله المتابعاها م نافعه
ملاذ: ل هنا وانا سكته كتيير بعد كده م ح اسكت ممكن اعرف انتو عارفين عن بتكم شنو ؟بتقرا شنو ؟ ف المستوى الكم ؟ مصاحبه منو ؟ بتحب شنو ؟بتكره شنو ؟ عمرها كم ؟ عيد ميلادها متين ؟؟ طبعا م عارفين ولا شي
لانو انتو ف همكم وشغلكم ومشاكلكم كل يوم فوق راسها ، عارفين انكم الحولتوها من البت الطبيعيه ل البت المدمنه ؟! عارفين انو بسببكم هي الليله هنا ؟!
خليكم انتو انت ي ياسر لما كانت بتقول ليك تعال سوقها معاك كنت بتقول ليها شنو ؟ لما تخلصي جامعه م كنت عارف هي ليه كل مره بتطلب منك كده !؟
انتو كنتو بتقتلوها كل يوم وهي م عايزه تصحى عشان هي هسي مرتاحه منكم ومن قرفكم !!
انتو عارفين انو نحن فقدنا صاحبنا قبل كم فتره بنفس السبب !؟ وانتو الليله ح تفقدوا بتكم لنفس السبب!!
نحن البتقولو علينا م نافعين ديل بنعرف عنها ادق تفاصيل حياتها الانتو م كلفتو نفسكم تعرفوها 🙂
نحن عايشين زيها اهلنا مدمرننا زي م انت دمرتوها هسي بس كنا بنحاول نتماسك ب الانتو شايفنو غلط
الادمان ده انقذنا منكم وكان هو اهلنا ما انتو 🙂 فقبل تتكلمو عن الصحبه الغلط اعرفو انتو شنو اصلا انتو هم وغم وقرف ونكد وضيق لو م ربنا مقيمكم كنا نحن خليناكم 🙂 ومشت وهي بتبكي ووراها لدن ورامي 💔

ياسر: ده كلو بحصل ف اختي وانا م عارف 😭 انا اناني ،انا كنت بشوفها بتضحك وما عارف ورا الضحكه دي شنو 😭 انتو دمرتونا انا واخواتي عارفين كده وربي الكعبه لو م كنتو امي وابوي كان اتبريت منكم انتو اهل انتو !!؟
الام والاب اتأثروا ونظره الندم بانت ف عيونهم💔
يوسف: اهدأ ي ياسر وتعال معاي

قاطعهم صوت اختي وين ي ياسر ؟ وده شنو السمعتو ده !؟
ياسر: يزن انت الجابك شنو
يزن: ما يزن ولا زفت يان وين !؟
دخل الغرفه يان اصحي انا يزن اخوك ي بت قومي شوفي جبت ليك الايفون النفسك فيهو اصحي عشاني 😭💔
انا اسف عشان م بسأل منك وم عارف مالك انا م استاهل اكون اخوك 😭💔
الدكتور: استهدأ بالله وما صاح منك كده هسي اطلع لانو كده ح تتعب اكتر لو سمحت
جا ياسر سندو ومعاه يوسف ونزلو تحت 💔
يزن: يان ح تعيش صاح؟
ياسر: هي قويه زي اخوها م بجيها شي
يوسف: احساس الذنب بموت فيه 💔