🍂 المهووس 🍂 (مكتملة )

الجزء 19

جوري كانت باغة تبعد من العصا بأي طريقة .مبقااش جسمها قادر يتحمل العصا .مشات عنقاااتو وهو صدرو كيتهز ويتحط .ملي عنقااتو ترخااا .حاوطها بيديه .وزير علیها .بحالة مصات داك الغضب اللي فيه بتعنيقتها .بقات جوري معنقاه وكتبكي. ادم ارتااح .وبرد .شدها من كتافها وقابلها معاه
ادم؛ وهو كيشووف فعينيها الباكيين (علاش كتعصبيني)
جوري؛ هادي اخر مرة .عفاك متضربنيش .مكنتش قاصدة اللي وقع
ادم؛كيشووف فعينيها.كيبرد .(انا عاارف عنقتيني باش منضربكش .وانا اللي كنبغي نسمح ليك .وليني متعاوديهاش .راه منواعدكش غنتحكم فراسي مرة خرا)
جوري؛حدارت راسها .وهو يهزو ليها بصبعو
ادم؛ مكنسخاااش من عينيك .هاد العوينات ديولي بوحدي
جوري؛عفااك رحمني .تكايس عليا
ادم؛ اجي عنقني مزال مشبعتش .ومتبقايش تعصبيني
جوري؛ شافت فيه .وشافتو كيهضر بجدية .هزات يديها وعنقاتو .وهو زير عليها
جوري ؛كتحس بشعور متناقض .الامن والدفا .والخوف والرعب .بجوج من شخص واحد .فاش هي معنقاه مسخااتش تطلقو
ادم ؛ باسها فوق راسها( غنمشي دابة .نكمل شغالي الناس كيتسناو .وانتي متخرجيش .)
جوري؛هبطات راسها للارض .واخا
باس ليها يديها .ومشا
جوري .مشات تكات فالناموسيية .كتفكر اشنو وقع ليها .حياتها تبدلات ملي دخل ليها ادم .وعلاش كتحس براسها محاملاهش وليني.مباغاهش يمشي عند لورا
تكات فالناموسية .حتی جاها الجوع وهبطات للكوزينة .كتقلب عليها .مشات لقات فيها خدامات كبار فالسن .شافت فعينيهم الاعجاب بيها .وفنفس الوقت .كيعاملوها بحال ادم اللي واقف عليهم .ضحات جوري
جوري؛السلام
الخدامات؛ السلام مدام
جوري؛ فيا جوع
الخدمات دابة ا لالة .حتی هضر شي صوت من وراهم
ادم؛ بصوتو الرجولي المتحكم (خرجو .نتوما خلوني مع مراتي)
خرجو الخدامات .وجوري .مصدومة فيه .علاش خرجهم
ادم؛ قرب حدا كتافها وهمس فودنها (فيك الجوع حبيبة )
جوري؛ اه .علاش خرجتيهم .كنت باغة ناكل .ماشي مشكل انصوب لراسي
ادم؛ حيد من حداها وجر وحد الكرسي وجلسها (جلسي هنا .انا نصوب لحبيبة متاكل)
جوري؛بقاات حالة فمها فيه .(حدرات راسها) واخا
ادم؛ جمع كمامو .وبدا كيصوب شي حاجة .وجوري مراقبة عضلاتو كيفاش كيحكرهم .مرة مرة .كيتلفت ليها .وكيضحك .حتی حط قدامها دكشي
جوري؛ زوووينة الريحة
ادم؛ هز شوية بالفورشيت .وقاليها تحل فمها ووكلها
جوري؛ حشمات وهي كتمضغ .كتشوف فهاد الانسان اللي مرة قمة الرومانسية .مرة عصبي و قاسي .
جرات الطبسيل حداها وبدات تاكل .حتی كملات دكشي
وهو ينوض مسح ليها جنب شنانفها .وباسو .وبقا كيتأمل فيها .كتعجبو كتحمقو فجميع حالاتها .
بغات تنوض تمشي
ادم؛ جا حداها وهزها بين يديه كيف الريشة .وهو غادي بيها .تلاقاو بلورا .طالعة مع الدروج .بقاات كتشوف فيهم .والغيرة باينة فعينيها
ادم؛ باس جوري .وبقا هازها وطالع بيها .لورا تفقسات تعصبات .
دخلني للبيت بحال شي بنت صغيرة .كنتمنا يبقی بحال هكا .معرفتش .بمجرد تصرف صغير كينسيني في بزاف الحوايج دارهم فيا .
حطني وغطاني .بدا حوايجو وجا حدايا .تخلعت واش تاني غيتكرفص عليا حنت مبقيت قادة .حسيت بيديه .فوق خصري .وشوية تجريت من بلاصتي لجيهتو .حسيت بانفاسو فعنقي .عندي وترخا .يمكن نعس .هزيت عينيا بان ليا مغمض عينيه .فرحت ملي نعس بلا ميدير والو .وشوية وهو ينطق
ادم؛وهو مغمض عينيه (حبست راسي غا بزز .ايوة نعسي بلا منبدل الرأي ديالي)
جوري؛ حدرات راسها ووجمعات يديها .وغمضات عينيها .اول مرة غيديها نعاس بلا متكون معصبة .بلا متكون واكلة العصا
فاقت الصباح كان ناعس حداها .شافت فيه .وتأملت وسامتو .
جوري؛واش بصح انا مزوجة بهادا ؟؟؟ بسبب العنف ديالو مخلانيش نشوف شحال هو وسيم .لا وسيم مكافياش .عينيه .نيفو .فمو لحيتو الخفيفة .وليني اش كنخربق انا .هاد السيد تكرفص عليا .ووراني النجوم فعز النهار .اش ندير فحالتي وليت متناقضة مع راسي.توحشت يامات نجيب 20 درهم ديال النعناع وفرحااانة .مبحالي حد .دابة الفلوس وكلشي موجود .والانسان اللي موفرلي هدشي .فنفس الوقت حارمني منو
فاق ادم؛ حل عينيه لقاها ناعسة حداه .باسها فوق راسها ومشا للحمام .لبس حوايجو وخرج
انا عرفتو خرج ومشيت للحمام .دوشت ولبست كسيو فالبيض .حد الركبة .شعري مطلوق .ليومة كنبان مشرقة حتی سمعت دقان الباب .
جوري؛ دخلي
لورا؛ صباح الخير
جوري؛وقفات .صباح النور
لورا؛ جيت نهضر معاك فموضوع مهم
جوري؛ بخصوص اش ؟
لورا؛ بخصوص ادم
جوري؛ مالو
لورا؛ وليني هدشي اللي غنقول ليك .خاصو يبقا بيناتنا
جوري؛ علاش .اشنو غتقولي ؟
لورا؛واعديني بعدا
جوري؛ واخا .قولي
لورا؛ انا حاملة من ادم
جوري؛ تصدمات .شي حاجة ضربات فقلبها .حسات بشي الم لداخل .قلبها كيتعصر .وقفو ليها الدموع فعينيها .معرفتش لاش .جاتها بحال الضبابة فعينيها.كانت مستاعدة ترجع الوقت للور .ومتهضرش مع لورا
لورا؛ سمحي ليا .نتي مرتو .مكانش عليا نقول هدشي .وليني هو غيقولي نزليه .وانا مقادراش نزلو .بغيت ولدي يعيش .حنت ادم وحش .مكيرحمش ...