ليتك غريب

بارت 2

حارث : طبعا صار علينا هجوم و تصوبت بس مو خطر الجرح أخذت اجازه  ورجعت لبيت شفت كوومه ناس تتحمدلي بالسلامه و مضيف متروس شيوخ لجدي علمودي على رغم حادث بسيط دخلت على أمي سلمت عليها
حارث: شلونج يووم
ام حارث: صرت زينه من شفتك يا بعد بيت خوفتنه عليك
حارث :شنو صغير تخافين علي
ام حارث : كم ابن عندي اني
بست رأسها و كمت بدلت علمود اروح للمضيف
دخلت سلمت عليهم
حارث: سلام عليكم
شيخ علي (جدي) : حمدلله على سلامه ابني ما شوف شر
ضليت بالمضيف لحد ما راحت العالم  تعبت عووود اروح لغرفتي تلاكين نسوان عمامي يتحمدلي بسلامه هن بناتهن
بعد صعدت فوك سبحت ونمت ما ادري غير ما أكعد ساعه ب٤ شبعان نووم كلبت بموبايلي و جاوبت على اصدقائي  اخر شي شفت بنيه دازتلي رسايل
-خوفتنه عليك
-المهم حمدلله على سلامه
طبعا اني مو من طبعي احجي وَيَا بنات دخلت على صفحتها شفتها عدها يوتيوب و كذلك اسمها نونه
رديت عليها
-شكراً
جان أشوفها كتبتلي

…نينا : جنت اكلب بالصوره شفته رد عليه احس كلبي يريد يطّلع من مكانه كتبتله
-عفواً…كاعد؟؟
-أي شنو محتاجه شي بشنو اكدر أساعدج
-لا كلشي ما اريد اني اسمي نينا عمري15 وانت
-ما اكدر أتعرف يله اني اترخص
-تصبح على خير
نينا: طبعا راح وأخذ كلبي وياه اووووف شكد أحبه يربي اجله من نصيبي

       ......................

حارث: اتعجبت عليها معقوله اكو هيج بنات عمرهن صغير ويحجن وَيَا رياجل وين اهلهن هاي لو بنتي جنت ابتلي بيها دوره تريد تعرف طبعا نمت وإني متعصب من هاي البنيه
 
…حارث: أعرفكم عن نفسي اسمي حارث عمري ٢٨ سنه ضابط طبعا اني لحد الان ما مزوج اكره النسوان لان حبيت بنيه و خانتني وإني شيخ عشيره بعد جدي الله يطيه  طولت العمر هو الي رباني لان أبويه متوفي أحب احل مشاكل العالم

          ..................

نينا : نمت كعدت على صوت موبايلي شفته نور متصل
نينا :آلو
نور:آلو شلونج بذاتها ما سئلين لو حبيبج أخذج منه
نينا: ناس تكول صباح الخير
نور : يا صباح يا مصخمه ساعه ب٢ضهر
نينا :شكو متصله بيه هيج وكت
نور : اريد الرسمه
نينا : يا رسمه ؟؟
نور: ثول البارحه نشتريه على يوتيوب
نينا : تعالي اخذيها صدك اريد احجي وياج
نور: تعالي انتي
نينا: اوك يله باي
نور: باي
صليت و نزلت جوه
زينه : شبيج ماما اشو مو على بعضج هل يام
نينا: ما اكو شي ماما بس اريد اروح يم نور عادي
زينه : بشرط تاكلين وعلي يوصلج
نينا : حاضر
اكلت و  كلت علي يجيني علي
رحت لنور

     ............................
نينا: هلووووو
نور: هلا نورتي البيت
نينا: هاج الرسمه 
نور : شعندج بعد كولي … كولي  هسه أجي
راحت جابت كوومه حلويات  واكلنه
نينا: حجيت وَيَا
نور: حارث
نينا: اي بس
نور: شنو احجي وكفتي كلبي  شوو اطيني الموبايل
نينا: شفتي شُلون رد
نور : انتي مخبله ما لكيت الا هذا تحبيه
نينا : مو بيدي احبه والله كلبي يوجعني نور اخاف مرتبط لو مزوج ودموعي عشره عشره تنزل
نور: ولا تبجين الله كريم
ضلينا نسولف لحد ما تعبت و رجعت لبيت
          .......................

حسين : فجأة إجاتني صوره  مال بنيه و كليه هذه بنتك من مرتك الي عفتها الي عفتها  وبسرعه حظرني
اني اهنأ تخبلت معقول هاي بنتي شكبره وإني ما اعرف عنها شي طبعا اني طلكتها علمود أبويه لان ما يقبل بغريبه وإني كلش احبه بس مو بيدي و ازوجتي بت عمي عندي بنيه اسمها حوراء و ولد اسمه محمد و شفت الصورة انصدمت و
كلت لازم ادور عليهارحت لأبويه
حسين: شلونك شيخنا
شيخ ابو حسين: هلا بويه شلونك اني حمدلله
حسين: بويه اني عندي بنيه من مرتي الاولى ما ادري اليوم دزولي صورتها
شيخ ابو حسين: متأكد منك
حسين: اي بويه
شيخ ابو حسين: لعد ليش ما كالتلك
حسين: يمكن خافت اخذها منها
شيخ ابو حسين: لعد دور عليها و جيبها و سويلهم تحليلات علمود نعرف هاي بنتك لو لا
حسين: تأمر شيخ

شنو تكولون راح حسين يلكي بنته
منو يقصد بنته ؟؟؟

حبايب قلبي صوتوا للقصه ليش،ماكو دعم

احبكم 💜