ندى قلبي

البارت السادس

نوفيلا "ندى قلبي "

🌿*اللَّهُمَّ أَنْتَ رَبِّي لاَ إِلَهَ إِلَّا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي؛ فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إِلَّا أَنْتَ»*🌿

البارت السادس

خرج اياد من المكان المفضل بتاعه بعد فترة وراح مشوار ورجع البيت واول مادخل كانت هي وامه قاعدين وهي اول ماشافته جريت عليه وقالتله : اتأخرت ليه كده
اياد : كنت بحضرلك المفاجئة
.....قالت بفرحة : ايه ها ها ها

اياد : طيب اسكتي عشان اقول

سكتت وهو طلع من جيبه تكت حفلة وقالها : ده تكت حفلة حماقي زي ماكنتي عاوزة

.......نطت من الفرحة وقالت : مش ممكن انت وافقت اني اروح حفلة حماقي دي احلي مفاجئة في حياتي ربنا يخليك ليا

اياد باس دمغها وقالها : ويخليكي ليا ياعمري

وسبها ودخل باس دماغ امه وقعد معاها شوية بصتله محاسن وفهمت من عنيه ان هو كان عندهم وقالتله : انت هتسبها تروح لوحدها
اياد : لاء طبعا هروح معاها عشان ماتزعلش

محاسن طبطبت علي كتفه وقالت : ربنا يخليك لينا وميحرمناش من حنيتك

اياد باس ايدها وقال : ولا من حنيتك يااحلي ام في الدنيا. انا هطلع انام بقي

وسابهم وطلع دخل الحمام واتوضي وصلي العشا وقعد علي السرير ومسك مذكراته

ندي احمرت بسرعه من كلام جميلة وحست ان قلبها بدء يرقص ويزغرط كمان اخيرا لقت الامان اللي كانت نسيت طعمه من غدر وجشع بعض البشر

بعدين بصت لاياد وعنيها دمعت وافتكرت نداء ولسه هتتكلم اياد فهمها وحس هي عايزة تقول ايه ابتسم لها وهو بيقرب منها ببطئ ومسك ايدها باسها بهدوء وهي احمرت اكتر وسحبت ايدها بسرعة وهو لسه بيتاكد انها جنبه هنا حب طفولته وهوس شبابه قدامه أخيراً بص في عنيها وهو بيضحك وبيقول

نداء

هزت دمغها وعنيها كلها دموع وقالت : اه ياأياد قلقانة عليها وعاوزة اروح اجيبها وكمان اروح المطعم اجيب حاجتي

اياد : طيب ارتاحي احنا لسة جايين من شوية والصبح نروح

ندى قامت وقفت وقالت : لاء دلوقتي

وبصت لجميلة وقالتلها : تعالي معايا

جميلة كانت متابعه الموقف ومن غير تردد وافقت واياد قالهم : طيب يلا نتحرك

ولسة هيخرجو اياد حس ان ندى متعلقة بجميلة وفهم من كلامهم ان هما قريبين اووووي من بعض فبص لجميلة وقال : انسة جميلة ممكن لو مش هيتسبب لك مشاكل تفضلي مع ندى انهاردة اليوم كان صعب بالنسبالها اوووي وهي محتاجالك جنبها