ندى قلبي

البارت الرابع

" نوفيلا " ندى قلبي "

❤اللهم صل وبارك على سيدنا محمد صلاة تجعلنا بها ممن اصطفيتهم لكتابك وأدخلتهم في زمرة أحبابك، وحفظتنا بها من شر غضبك وسخطك وعذابك وانتقامك. ❤

البارت الرابع

في القسم

وصلت عربية الشرطة اللي خدوه فيها ندى بعد ما تم القبض عليها بتهمة سرقة الساعة بتاعت مصطفي الشرقاوي وطبعا المدير ماقدرش يتكلم ويدافع عن ندى خاف لان. مصطفي هدده انه يقفله المطعم لو دافع عنها

(مصطفي الشرقاوي من اغني اغنياء البلد وليه وضعه يقدر يعمل اي حاجة )

وطبعا اياد كان شايف اللي بيحصل وصمم يروح القسم ويحضر التحقيق وكان معاهم مصطفي اللي صمم يتأكد انها اتحبست

خارج اوضة التحقيق كان واقف اياد ومالك اللي مارضيش يسيب صاحبه ومستغرب هو ليه مهتم كده وبعيد عنهم شوية واقف مصطفي بيعمل تلفوناته يوصي علي ندى عشان يحبسوها

في اوضة التحقيق

كانت ندى قاعدة هتموت من الخوف مش عارفة هيحصل معاها ايه ولا عارفة لو الظابط ماصدقهاش هتعمل ايه ازاي هتسيب اختها

بعد وقت بسيط دخل الظابط اللي هيحقق في القضية واول مادخل وقعد علي مكتبه بص لندى
وقالها بستغراب: انتي اللي متهمة بالسرقة

ندى وهي منهارة من العياط قالت : اه يافندم

الظابط وهو بيبص للراجل اللي بيكتب المحضر: تمام يلا يابني اجهز

وفي اللحظة دي دخل العسكري وادي التحية واداله كارت اول ما الظابط قرا الاسم قام من مكانه وقاله : دخله بسرعة

الظابط اول ماشاف الشخص اللي دخل اتحرك من مكانه وقال: اتفضل يافندم انا اسف ان حضرتك فضلت برا

الشخص وهو بيهز دماغة ببساطة وقاله :ولا يهمك كمل شغلك بس احنا هنحضر التحقيق

وكان اياد ومالك

قاله : اللي تؤمر بيه يافندم

امر اياد ان الظابط يقعد مكانه ويكمل شغله بعد ماكان مصمم ان اياد يقعد علي المكتب قعد اياد علي الكرسي اللي قدام ندى ومالك علي الكنبة

الظابط احمد : اسمك وسنك وعنوانك

ندى وعنيها علي اياد بأرتباك : اسمي ندى جمال السيد

اول ماقالت اسمها بصلها اياد وهو مش مصدق نفسه وقام من مكانه وقال : ايه

مالك قاله : في حاجة يااياد
سكت اياد وهو مش مصدق وقاله لاء مافيش وقعد مكانه

ندى : سني ١٩ سنة وعنواني .........

ظابط احمد : الاستاذ مصطفي الشرقاوي قال انك سرقتي الساعة بتاعته وفعلا لقوها في شنطتك ايه ردك علي الكلام ده