كبرياء أنثى وغرور رجل

البارت التاسع والثلاثون

مرحبا💕

(( كبرياء انثى وغرور رجل))

ميس.من سافرنه الاربيل دخلنه علمود نختار البدلات جانت موديلات تجنن بحيث دخت بعد ما اعرف شختار كلهن حلوات استعانيت بجوجو ونار بس ماقبلن كالن هذا اختيارج الج اختاريت ارقى اثنين موجودات بس عكست الالوان هلمره مو مثل الالوان المتوقعه باقي الاعراس اختاريت بدلت الحنه ماروني على بنفسجي مزيج بلون يجنن

وبدلت العرس ابيض على بيجي وماما وخاله ماقبلن اله اخذهه بيضه كلش ومالت الحنه لون افتح بس جوجو ونور شجعني بعدين هاجر اخذت فستان خاله لعبيت بيهه جوله لان مفضوح كلش هوه موديله كولش حلو بس هيه لان طوليه صاير كلش كصير عليهه بس هاجر اذا قفلت على شي انتهت بعدين الخاينه اعترفت انو اقترحت نجي هنا حتى تاخذ فستانهه

منا ونور اخذت هيه وبتهه نفس شي من طلعنه حسام راد يشوفهن بس رفضت خليهن مفاجاءه احسن صبغت شعري لون قريب للبدله بقيته اسود وسويت علي خصل وسويت اقنعه وتنظيف شغلهم هنا يجنن ومرتب وحسام حبيبي ماحرمني من شي كل الاكوله علي

كال تم مارفضلي طلب خله فرحتي ماتتعادل رجعنه لبغداد وبديت الم غراضي شعور حلو بس بنفس الوقت صعب انو تترك اهلك صرت كل مينجمعون ابقى اباوع عليهم ودمع صح البيت قريب نفس الشارع بس مومثل ماتواجده وياهم على طول صار يوم الحنه ورحنه من صبح للمركز اني جوجو طبعا ما استغنى عنهه باعت حسام

تكول اليوم عرس اختي مو اخويه جان اكو عرايس هواي اجتي اساور وندى ويانه بلشت بي ماخلتني اباوع لنفسي لمن كملت طلبت تشوف البدله حتى ترهم التسريحه والشعر طلعتلهه هاجر الصوره عدهه لنفس الفستان مدري منين جابتهه وكلتلهه سويلهه نفس شي

سالتني كتله مثل مكالت الج لان فعلا تنسيق كولشش حلوه سالتهه منين جبتي الصوره كالت دورت بنت علمود احصل نفس الموديل كملت وطلبت مني البس الفستان طلع شي يخبل ماتوقعت هيج ابد والبنات يصلن على نبي ويسمن بسم الله هذا فستاني

كملت وكعدت على جهه وبلشت بل بنات بقيت اراسل بحسام كال شويه ويجي ياخذنه الاستوديو علمود صور وبعدهه نروح للقاعه

هاجر.كملت ميوس فدوه طالعه جنهه لعابه حبيبتي تخبل تستاهل كل الخير هي وحسومه وصلي السره كعدت وبالي مشدوه البنيه تحجي وياي واني مامنتبهه بالي يم زيد لان دزلي رساله كال طلعت ما اعرف ليش ينقبض كلبي صاير من الطرق الخارجيه شويه ودك عليه طفرت كالت البنيه على كيفج كتله بس دقيقه وذني انخبصن عبالهن صاير شي جاوبته