جلسوا سويا يتناولون العشاء ويتحدثون ف بعض المواضيع ك كلية نوجة وعن ام نوجة ومن هي واصولها وعن بعض المواقف المضحكة التي تقابل عم ربيع أثناء عمله وكان وقت جميل وسط أجواء دافئة يملؤها الحب والضحك حتي انتهي العشاء
حورية : هستأذن انا بقا عشان الحق اوضب المكان زي م قولتلك يا عم ربيع
ربيع : طيب يا بنتي ثواني هغير واجي اوصلك
حورية: لا يا عم ربيع مفيش داعي انا هاخد اي تاكسي تاني يوصلني
ربيع : اسمعي بس يا بن..
حورية : يا عم ربيع متقلقش انا هعرف يلا عايزين حاجة
أم نوجة : مع السلامة يا بنتي
ربيع : مع السلامة خلي بالك من نفسك
نوجة : باي باي
********
خرجت حورية ومازال بالها مشغول بما يحدث ورغم اتقانها ف رسم دور الواثقة الا انها تخشي قدوم الغد فهي أصبحت وحيدة ف تلك الحياة اخذت حورية تاكسي ليصلها الي المكتبة واخذت تنظفها وترتب اغراضها ف الغرفة الصغيرة واخذت تقرا ف كتاب (فن إدارة الأعمال ) واخذت تقرا وتقرأ حتي غلبها نومها
_____________________
حورية : ماما وحشتيني اوي اي الدم ده مين عمل فيكو كده وفين بابا
محمود : حورية
التفتت حورية فوجدته مثل امها بل حالته اسوء
حورية : اي يا بابا مالكو اي الدم ده متخضونيش
محمود : يا بنتي سامحينا
حورية : ع اي يا بابا
محمود: دوري ع ابن عمك هو سندك ف الدنيا بعدينا احنا خلاص موتنا
حورية : مين ابن عمي انا اصلا عندي عم ؟؟
محمود : عمك محمد الشاذلي
حورية: ده انا هعرفه ازاي
محمود : معروف يا بنتي أشهر من نار ع علم
_______________
قامت حورية مفزوعة
حورية بصرخة : بابا
نظرت حورية حولها تحاول استيعاب الموقف وتتذكر ماذا حدث حتي بدأت تتذكر الأحداث تدريجيا فنهضت وبدلت ثيابها وصلت صلاة الصبح واخذت تكمل قراءة الكتاب حتي جاءها هاتف
حورية : الو
ربيع : اي يا حورية يا بنتي عاملة اي
حورية : عم ربيع ازيك عامل اي انا تمم
ربيع : الحمد لله بخير
مفيش مشواير انهارده
حورية: لحد دلوقتي مفيش بس عايزاك ف طلب تاني
ربيع: قولي طبعا
حورية : متعرفش حد بيفسر أحلام
ربيع: اه مراتي
حورية : طب عايزاها ضروري اكلمها
ربيع: طب ثواني
اهي خدي
ام نوجة : أهلا اهلا يا بنتي
حورية: ازيك يا طنط معلش عايزاكي تفسريلي حلم كده
ام نوجة : سمي الله واحكي يا بنتي
حورية : .........
ام نوجة : دي مش تخاريف يا بنتي دي رسالة وواضحة وضوح الشمس مكنتش محتاجة تفكير دوري ع مستقبلك
حورية: يعني انا اكيد عندي عم كده طب هو ازاي حلم ويتقال فيه كلام اول مرة اعرفه ويطلع صح كمان ؟؟
ام نوجة: رضا ربنا عنك يا حبيبي وطيبة قلبك
حورية: تسلميلي يا طنط شكرا
هاتي عم ربيع بقا
ايوه يا عم ربيع عندك مانع لو جيتلي انهارده ع الساعة ٢ كده
ربيع : حاضر يا بنتي طبعا تمم سلام
حورية: شكلها هتحلو بجد بقا
عادت حورية تقرا ف الكتاب حتي سمعت صوت ينادي من الخارج ولكنه ليس غريب عليها انه تلك الصوت الذي للتعرف هل هي تحبه ام تكرهه
وخرجت بكل ثقة مرتدية فستانها التي اشترته ليلة البارحة
حورية : نعم
سراج : اجري ناديلي استاذ ماجد
حورية : ماجد لا ماجد مشي المكتبة دي بتاعتي وشارياها بفلوسي ومزاجي جايبني اني اطردك يلا برا
سراج : جرا اي يا بت انا ساكتلك من بدري لمي نفسك
حورية : هتمشي بالذوق وتلك لسانك ولا اطلب البوليس ويجي يلمك هو اصل انا مش فاضية للي زيك
سراج : بقا كده عشان لبستيلك طقم حلو هتشوفي نفسك طيب يا بت محمود
حورية : يلا يلا هي ناقصة بلاوي
ونظرت لساعتها ف وجدت الساعة واحدة فخرجت الي محل مجاور لها لتشتري موبايل حديث النوع كي يكتمل شكلها
وظلت تنتظر ربيع حتي وصل
ودخل ليجلس معها
حورية : تشرب اي يا عم ربيع
ربيع : ولا حاجة يا بنتي مش عايز
حورية بضحك : اصلا معنديش حاجة عشان اعملها زي م انت شايف
ربيع : ضحكتيني يا بنتي المهم خير ف اي
حورية : هي ف عيلة مشهورة كده اسمها عيلة الشاذلي
ربيع : معرفش والله يا بنتي استني اسالك بنتي
واتصل ع نجلاء
ربيع : نجلاء
نجلاء: نعم يا بابا
ربيع : تعرفي عيلة اسمها الشاذلي
نجلاء: اه طبعا يا بابا انت ناسي ده انا اللي مصممالهم الفيلا بتاعتهم
..............
YOU ARE READING
حورية الارض
Romance" رغمًا عني " ماذا يحدث لقلبِي حقًا ؟ لا أستطيع أَنْ أُطيل أيام خصامنا . ولَمْ أعد أستطيع النوم دون سماع أحاديثك . يحدث الكثير، وأقول لقلبِي أَنْ يبتعد عن طريقك، ولكن ينتهي بس طريقي عند : ( أحبك كثيرًا ) .
