انا جثه ( روايات ليبية )

حلقة 5🔥

#أنا_جثه 5

الدكتور:اهاا اي ليش لا لكن بعدين رجعيه لنفس الدرج
سهيله :حاضر
طلع الدكتور وطلعت سهيله وراه وهيا ماسكه الدفتر بين يديها متشوقه لي الصفحه 5..
الدكتور:سهيله
سهيله:نعم
الدكتور:حاولي تجيبيه بكري لان مرات تجي تاخد الدفتر وباقي حجاتها
سهيله:اوكي حاضر ...وطلعت

______________

الصفحه 5:-

شروق:طلعت تالفونها وترعش ...دارت رنه وسكرت الخط
اما هيثم كان يسوق ومش معاها ابدا
بعد6دقائق بزبط وفجآه طلعت سياره بجنب بسرعه جنووونيه وخشت فيها🔥🔥
إلتمت عليهم عليهم الناس في لحضه يطلعو فيهم من السياره وهيثم وشروق الزوز فاقدين الوعي
في لمح البصر زوز لابسين مدني اختلطو بي الزحمه على اساس انهم يساعدو وحطو ورقه في السياره بدون ما حد ينتبه لي شي !!

________________

معتز:واقف يلبس في تيشرته ...كان باب الغرفه مردود
يراقب في ريناد من بعيد واقفه مع صهيب ومعصبه
تحكي وهيا متنرفزه وتحرك في يديها يمين يسار
معتز:قعمز على الكنبه يشرب في قهوته
ريناد:خشت للغرفه...اااه ليش نضت من السرير؟
معتز:مليت من نفس الرقده واصلا خلاص بنطلع
ريناد:بلعت ريقها...مدام الامور تمام ومفيش خطر عليك خليك يومين تانيات
معتز:مني كان واقف معاك برا ؟يضايق فيك!!
ريناد:اءء لا ابدا هاذا هاذا ...اءء هاذا خوي
جايني من غير موعد وهكي قداش مره نقوله كلمني قبل ما تجي بس هوا ميفهمش😅
معتز:نسحاب حد يضايق فيك او شي
ريناد:لو كان حد مضايقني جديات!
معتز:ابتسم...نضايقوه
ريناد:قعمزت قدامه...انا قاعده هنايا جنبك نهتم بيك معندي ما ندير برا ...طبعا لو الشي هاذا ميضايقكش 😅
معتز:لا عادي
ريناد:تحرك في حديدة الاسم يلي لابستها ...معتز بنسألك
معتز:اها!
ريناد:انت متزوج؟!..او خاطب مثلا
معتز:لا علاش؟
ريناد:ولا شي نحاول نفتح موضوع 😅
معتز:الزواج شي كبير مش اي واحد بقدر يديره
ريناد:المهم يكون عندك حوش وسياره اي وحده تخطبها بعدين طووول توافق
معتز:ضحك بشويه...ويبدا زي اي زواج تقليدي
ريناد:كيف!
معتز:نفس اي زواج نفس روتين اي زوز متزوجين عرس كبير العيله تفرح يندار للبنت شوية قيمه ع اساس توا بدت متزوجه وتحسب روحها حاجه كبيره
يبدا هوا يخدم ومع صحابه وهيا في الحوش تنضف اطيب وتجيب صغار تربيهم يكبروهم ويزوجوهم وهاكذا
ريناد:نصدمت لان الكلام هاذا اول مره تسمعه !..او بلاحرى اول مره حد يحكي معاها كلام زي هكي ...امالا الزواج كيف يعني؟
معتز:يحكي بي ابتسامه وسارح...منعرفش !
كل يلي نعرفه ان مفروض تكون معاملتهم ببعض مش كلها مفروضه عليهم
ريناد:بي انتباه ..وضحلي
معتز:متتزوجش لان فلان كويس واهلها يبوه
تتزوج لانها تحبه ولقت فيه المواصفات يلي هيا تبيها
ريناد:بس اكيد اهل البنت يعرفو مصلحتها اكتر منها
معتز:خذي رشفه من القهوا...اهلك بعد اخر يوم من عرسك معش رح يعلمو بي اي شي يصير معاك
او حتى كيف يتعامل معاك
ريناد:وجها اصفر...اي ممكن بس معش تقول اهلك يعني شنو دخلي انا 😅
معتز:يتكلم ونضرات عيونه غريبه...مرات تكوني محتاجه تسمعي كلام زي هكي
ريناد:😨😨