#_حارسى 🔥
الحلقه8
...
مالك: وعلااش بيخطفها
سامى نزل راسه : لانى
مالك : شنوو
سامى : قاتل بوه
مالك: كيففففف😳😳
عند يوسف
كان يشوف في تسجيلات المراقبه ومفيش ولا اي اتر ليهااا
يوسف: ايهااااااب
ايهاب: نعم تفضل
يوسف: امس امتى رقدتو
ايهاب: بعد ما جابلنا حاتم العشى
يوسف استغرب: مش واخد اجازه!!!!!!!!
ايهاب : اي من اليوم
يوسف حط ايديه ع وجهه وضرب ل حاتم مردش عليه: انشاء الله غير ميكونش يلي في بالى صحح كيفففف يايوسفف مصدقتهااتتش وقعد يخبط ع وجهه
الحرس قعدو يشبحلوله ومستغربين
يوسف : توه شوفولى حااااتم ويين وخش ركب ل دارها
وشويه واتصل بيه احمد
يوسف: احممدد مش وقتك
احمد: بس يا ..
يوسف قعد يدور ع اي حاجه توصله ل رغد شاف تلفونها : احمد دير بالك ع امى بعدين نكلمك و
خدى تلفونها ونزل ل داره خدى سلاحه وطلع
عند رغد
رغد فتحت عيونها شافت ل يديها المربوطين وفمها مسكر بالزقه ومقعمزه ع الكرسي قعدت تحاول تنوض مقدرتش
حاتم : ههههه متحاوليش
رغد قعدت تشبحله ومصدومه
حاتم قعد يقرب ليها : نصدمتى 😂
رغد قعدت تشبحله وتبكى لان كانت نضراته زي نضرات محمد بزبط
حاتم حط ايده ع خدها : تحسابيني يوووسف منمسحلك دموعك وضربها كف
رغد قعدت تبكى
حاتم: ههههههه خفتى
رغد قعدت تبكى اكتر
حاتم نحى اللزقه : ادوى هى وجعتيني
رغد : شننن تبى منى 😭😭😭💔
حاتم قرب منها وحط صبعه ع فمه : امممم تبى تعرفي
رغد بخوف : حاتم انى شن درتلك😭😭💔
حاتم قعد يقرب عليها ونفسه ع رقبتها : كل خير بس بوك حارق قلب بوى و توه جى الوقت لنحرق قلبه
رغد قعدت تبكى اكتر: حااتم انى مدخلنى في شئ 😭💔
حاتم : بس سامى الحقير دخله ومفيشش شى حيحرق قلبه غير كسرتك وباسها من رقبتها
رغد : حاتمم بلاهى سيبني حاتم😭😭😭💔
حاتم سكرلها فمها بالزقه وحط ايده ع خدها : موضوعك طويل شكلهه وشرين تلفونه شويه ونجيك رغودتى وباسها ورغد قعدت تبكى وتدعى ان يوسف يجى وقعدت تتذكر في كلام يوسف لما يقلها
يوسف: انى معاك حتى لو كنتى بعيده عليا متخليش حد يهزك❤
عند مالك
مالك: مش حنقدرووو اليووم
سامى بعصابيه : لااا حنمشى مستحيللل
عند ساره
ساره: ياهند قلبي مشش مطمنى
هند: وعلاش شن فى
ساره: اكيده صايره ل رغد حاجه 💔
هند : كيغ عرفتى
ساره: هكى احساسي وقعدت تبكى وهند تهدى فيها 🙆
عند حاتم
حاتم طلع وهو شاد تلفونه : ايها 😳😳😳😳 ونصدم لما شاف يوسف واقف وجميع الحرس يلي كانو معاه مضروبين 🙆
يوسف بعصابيه وبصوت يخووف : وينهاااا
حاتم طلع سلاحه وصوب عليه: باعد وفي نفس الوقت الكل رفع سلاحه ع حاتم ما عاذا يوسف
يوسف قعد يقرببب ومش مدوره
حاتم: يوسف نطلق ره
يوسف ضحك: كلنا ليها الموت
حاتم بخوف: يووسف خلينى نمشى ونعطيهالك
يوسف طلع سلاحه وضربه ضربه في رجله وبحركه سريعه جابه طايح ع الارض وخدى منه سلاحه ونزل فيه ضرب
ايهاب: يوووسف يوسف بتقتله
يوسف باعد من عليه وخش بيشوف رغد ونصدم لما ملقهاش طلع ل حاتم ونزل فيه ضرب
يوسف وهو داهش: ووووينها يا ولد ال @#$
حاتم يتكلم وجهه دم : في جهنم الحمراء
يوسف ضربه ع رجله: وانت بتلحقها وقعد يضرب فيه
حاتم: اه ملقيتهاااش ملقيتهااش هربت هربت
يوسف: وتكذب عليا يا #@$ وقعد يضرب فيه اكتر🙆
حاتم: هاذا كله ع خاطر ال#$ رغد
يوسف عيونه تعبو نااار ضربه بالسلاح ضربه تانيه ع رجله: معش دجيب سيرتها ع لسانك يا كلببببب ونزل فيه ضرب وحاتم سايخ والكل كان يشوف ل يوسف يلي كان يضرب بشراهه🙆 ومن كتر غله صوب ع راسه وكيف بيضغط ع زناد سمع صوت رغد
رغد : يوووسف لااا
يوسف تلفت : رغدد
حاتم استغل الفرصه وطلع مسدس من جيبه وضرب يوسف في كتفه
رغد : يوووسف😭😭😭😭
ايهاب ضرب حاتم ع ايده وغاب عن الوعى
رغد جاته تجري وهيا تبكى: يووسف يوسف
يوسف حضنها وقعدت تبكى ويوسف قعد يبوس فيها ع راسها ويهدى فيها والحرس قامو حاتم وحطوه في السياره
يوسف : اششش خلاص اهدى
رغد تبكى بالعبره: يووسف ايدك ايدكك😭😭😭يوسف متموتش نبيك معاى انى طول العمر
يوسف: هههههه جرح بس مجتش فيا
رغد : لازم مديرها😭😭
يوسف مسحلها دمعتها ؛ ههههه به خلاص اششش
رغد : لازم لازم مديرها
يوسف: حاضرر تو نديرها
رغد قعدت تبكى
يوسف: كيف طلعتى
رغد : مش عارفه كيف جتنى قوه وكسرت الكرسيي ونقزت من الروشن ومعش قدرت نتحرك لان الحرس هلبا وشويه وشفتك وو وقعدت تبكى
يوسف حضنها: اشش خلاص عرفت الباقى دارلك حاجه
رغد : لا
يوسف باسها ع راسها وركبها ل السياره
رغد : يوسفف
يوسف حط ايده ع خدها : معاك رغودتى متخافيش منشوف ايهاب ونجى
رغد ابتسمت و هزت راسها
ايهاب: وين تبيه
يوسف: في المكان المعتاد وغمزله😉
ايهاب: والعقوبه
يوسف: داويله جرحه وساده اليوم
ايهاب: تمم
يوسف ركب ل السياره واتكت رغد عليه و وخر وطلع
وطول الطريق ورغد راقده وشويه ووصلو ل الحوش
يوسف: رغودتى ❤
رغد : همم
يوسف: وصلنا
رغد فتحت عيونها ونزلت و أول مخشت ل الحوش شافت بوها
سامى: رغددددد رغد وجى حضنها
رغد: بابا
سامى قعد يمسح ع شعرها : شنن صاارلك
يوسف خش : السلام عليكم الحمد لله ع السلامه
سامى ومالك كانو وجهم اصفر: وعليكم السلام الله يسلمك
مالك: يووسف ايدكك خيرها
يوسف ضحك: جرح بسيط
مالك قرب ليه : معرفتكش ع روحى كويس لاكن انى دكتور
يوسف : جيت في وقتك ونحى سوريته ومالك قعد يخيط في الجرح ورغد تشبحله وتبكى
سامى قعد واقف ومستغرب وفكره تاخده وفكره تجيبه
يوسف : رغددد اركبى صلى وارقدى ❤
رغد :حاضر
سامى استغرب: متخافيش؟
رغد ابتسمت:كل مايوسف موجود مش حيصيرلي شى❤
وركبت 😌
سامى :من يلي طلع خاطفها
يوسف: حاتم
سامى بصدمه: كيففف
يوسف : اسمه الحقيقي مش حاتم اسمه يزن جمال ال... كان يحاول يبين روحه ضعيف وجبان لحتى منشكوش فيه ورغد ليها حوالي شهر تشوف في حد في غرفتها وانتهز فرصه وحط منوم ل الحرس في الماكله وقعد يشرحله
سامى نصدم: وكيف عرفت
يوسف: الحجات هاذي ساهلا بالنسبه ليا
سامى وهو قاعد مصدوم : شكرا يوسف بارك الله فيك مش عارف كيف نجازيك...
يوسف: هاذي خدمتى ونستأدن منكم توه وراى هلبا حجات
وناض ركب
مالك: قتلك الولد غيرهم
سامى حط ايده ع وجه
مالك:ومن يكون هاذا
سامى : قصه طويله وناض ركب
عند رغد دوشت وصلت وبدلت حوايجها
الباب: طقطق
رغد : تفضل
سامى خش : رغد
رغد وهيا تنحى في بدله الصلاه: نعم
سامى خش وخلا الباب مردود : نبيك تباعدى ع يوسف
رغد : كيففف
سامى : زي ما سمعتى
رغد : ........
.
رايكم🔥❤
زعما شن يكون رد رغد !!!
وشن قصه سامى مع بو يوسف ؟؟
وساره شن يلي مخليها تباعد على رغد وتسيبها ؟؟
تابعونى ❤🔥
#amona❤
