#وحيدتي 💋⌛
#الحلقه 15 🎣♥
ركبنا الطياره و قمعزني مراد جوا تلا الروشن وهوا جنبي
انا : مانبيش الروشن انا كان خليتني هنا
مراد : ويقعدو يخطمو يلاك ماتبحتيش فيه بس
انا : هزيت راسي ومراد مسك يدي قالو بتقلع ربطلي مراد الحزام و انا مسكت في يده زين وغمضت عيوني
مراد : رقد راسي بيده على كتفه ارقدي
انا : مغمضه عيوني به
بعد مده وصلنا لتركيا ونزلنا وطلعنا من المطار بعد الاجراءات وانا فرحانه اول مره نطلع برا ليبيا في حياتي وماسكه يد مراد
مراد : وقف تكسي وركبنا ويحكي مع التكسي بالتركي ياقلبي نا 😍💋 وصلنا للفندق وعلى طول غيرنا ورقدنا من التعب
_________________
ايمن : جاب شيخ يقرا على ميس واول مابدا يقرا عليها الشيخ سمع اسيل تعيط جوا صبى ايمن يجري وخش لقى اسيل
ايمن : عيط بصوت عالي اسييييل
اسيل : ماسكه موس وتشير على تحت التلاجه فار فار
ايمن : تنهد ورد فنص فيها ويحكي مسكر على سنونه شن نحسي انتي تعيطي هكي والراجل فالمربوعه
اسيل : ماسكه ضحكتها باهي انت عليش عيطت
ايمن : وين نندري نا خشيت عليك لقيتك تعيطي وماسكه موس وشيخ كان يقرا نحسابه فيك شي جن
اسيل : ضحكت ملبوسه قصدك
ايمن : فنص فيها انتي تلبسي مش ملبوسه
اسيل : عضت على فمها و تحاول تمسك ضحكتها باهي الراجل فالمربوعه
ايمن : حسابك بعدين وطلع وهوا راقيله
اسيل : ضحكت حي عليا نضحك شن ندير فار عاد يعدي يملح 😒
____________________
خالد : خش الحوش نهال نهال
نهال : طلعت من الكوجينه نعم ياعيوني
خالد : قرب وباس راسها شن اديري
نهال : توا كملت الكوجينه وبنبدا فالعشاء
خالد : نقولك فوتيه هيا لبسي العويل نعدو نتعشو برا
نهال : جد حبيبي
خالد : جد الجد
نهال : حضناته نجك ليا
خالد : وليا وباس خدها عدي بسرعه را يصير كلام اخرى
نهال : وخرت بسرعه لالاه بنعدي وخشت تجري توتي فالعويل
خالد : حك لحيته وضحك عليها كيف فرحت بحاجه بسيطه
#wiush_hamo
_____________________
انا : فتحت عيوني لقيت مراد مقمعز عالسرير وماسك التلفون قربت وحضنت ذراعه و حطيت راسي على كتفه وغمضت عيوني
مراد : ضحك شنو بتردي ترقدي حبيبي
انا : مغمضه عيوني لالاه بس مش قادره نصبي
مراد : حط التلفون والتفت عليا كنك
انا : راسي صداع ويبرم وكبدي بكل
مراد : اكيد من الطياره ارقدي سطحي روحك بس
انا : تؤ تؤ خليني هكي
مراد : مش حيخف هكي سطحي روحك بس
انا : به طلقت يده ترحكت و جيت بنستفرغ صبيت نجري ومراد ورايا
انا : نبكي اطلع يامراد
مراد : ماسكني من لاوره وحاط يده على بطني اشش عليش لبكاء ياهبله
انا : ااع ككح مساريني طلعن
مراد : اشش ساهله تعالي اغسلي وجك قعد يغسلي في وجي ومسحه ليا وطلعنا
انا : ااه راسي يبرم وكبدي ياريتني ماركبت الطياره
مراد : ضحك خلاص كنك هبله ورفع الورغان وحطني فالسرير
انا : عيوني دمعن عليش تضحك عليا شن ندير الله غالب اول مره نركب طياره ااي ياراسي
مراد : غطاني انتي شكلك تهلوسي رسمي و باس جبيني يشوف فالحراره
انا : بعد طبس عليا مسكت في رقيته وبصوت تعبان نبيك تعديش
مراد : باس فمي بشويه قاعد ياعمري شويا نعطيك بندول
انا : غمضت عيوني به
