عاهرات الشيطان 🔥 ( روايات ليبية )

حلقة 14🔥

🔥﴿👑روايات تاج الورفلي👑﴾🔥

فاطمه:-مريم وين ماريا
ماريا:-وين نندري تسالي فيا
فاطمه:-مقيش غيرك حيكون مكانها
مريم:-منعرفش
فاطمه:-قووولي
مريم:-قتلك منعرفششششش ومشت
مروه:-هنيئا ليها مشت
اية:-اي ربي يسهلها
ايات:-حرااام مفتاح💔
مروه:-حسبي الله ونعم الوكيل فرقوهم.
نبيله:-نوضو ضمو بدل مامقعمزين تدو
مروه:-به ماما
فاطمه؛-نوضو فيسع ضمو
ايات؛-نوضي هي
حنان:-فتحت لقت لفلوس مهناش..لخامرا خانبه حتى فلوسي بنت لكلبببب
نبيله:-طق طق
حنان:-خش
نبيله'-تعالي افطري
حنان:-لامخاطريش افطرو صحتين
نبيله:-طلعت وسكرت لباب منغير ولا كلمه
لين؛-تقوى خيرها هادي فرحانه
تقوى:-مبكري قتلي تعرفت ع واحد اسمه محمد
لين:-اييحح اشبح من وين لقاته
تقوى:-حقه خدت حبيب ماريا
لين:-نوعا ما بس مخدتاش
تقوى:-اصلا واضح كيف كان يحبها
لين:-ااي
#ساعه سبعه 💔
حنان:-يعني مش ح نلقوها
عثمان:-قلبت عليها دنيا مهنااش
حنان:خنبت حتى فلوسي
عثمان:-منعرفش عندك فلوس قبل
حنان:-اا اه هما مبلغ شويه
عتمان:-به به
-----
ماريا:-قعدت تتقلب وهيا ميته من جوعها
لين وصلت ساعه 2في ليل
ترن ترن  ترن
راجل:&الوو
ماريا:-اهلا
راجل:-بيك اهو لولد انعتله لمكان وقريب يوصلك
ماريا:-بس مزال قتلي لقارب حيطلع ساعه سته
راجل:-اي عارف بس ضروري تكوني موجوده قبلها ب ساعات راقبي لو لقيتي سياره كحله عاليه مدرسه انزلي
ماريا:-حاضر شكرا
ماريا:-سكرت واستعدت للهجره بس مستحيل تمشي وتخلي لظلموها تعالو نشوفو شن بدير🔥🔥🔥🔥
اية:-بصوت واطي مريم
مريم:-نعنم
اية:-ستاحشت ماريا
مريم:-خلي غضوى ونتصلو بيها
اية؛-باش مرفعتش شفرتها
مريم:-عطيتها شفره جديده متاعي
اية؛-خلاص غضوى نكلموها
مريم:-به ارقدي
اية.💔
------
مفتاح:-مقعمز مجاشي نوم ويفكر في شي واحد انه لما حيطلع حيقتلهم لخمسه لشدوه شويه جت ع باله ماريا زعمك شن دير شن كان شعورها لما مقريتش عبيها لفاتحه زعمك عارفتني اني وين
--------
ماريا:-شبحت سياره خدت نفس ونزلت وهيا رجل لقدام ورجل لتالي خايفه قعدت تنزل بشويه لين وصلت في سياره وفتحت لباب وركبت تفاجأت لما لقت نفس شخص لشبحها  في لمقبره وعطاها رقم
معتصم:-ايييح هوا انتي نفسها
ماريا:-هزت براسها بمعنى اي
معتصم:-مكنتش نحسابك بتاخدي قرار بهاسرعه
ماريا:-مرات ضروف تحكم عليك انك تسيب كل شي وتهرب من ناس ومن روحك في لاول
معتصم:-طلع لطريق
ماريا:-قعدت تتحرك كانه تبي تقول شي
معتصم:-في شي؟؟
ماريا:-نطلب منك طلب
معتصم:-تفضلي
ماريا:-عندي حاجه نبي نديرها قبل مانهاجر
معتصم:-وقف بسياره ع جنب الي هيا؟
ماريا:-نبي نمشي لحوش خالك
معتصم:-بس حسب ماسمعت امس انه خالك ضاربك و..و..و..و.
ماريا:-اي بس لازم ناخظ حاجه قبل مانمشي
خالد:-بس خطر علينا وضروري نوصلو بكري
ماريا:-قاعده س 2:30مزال لوقت
معتصم:-فوتي
ماريا:-بالله عليك اعتبرني اختك وقعدت تترجى فيه لين وافق
معتصم:-وين حوش خالك
ماريا:-برى واني ننعتلك
معتصم،يمشي وهيا توري فيه لين وصلت ودرسو ورا لحوش
ماريا:-خلت شنطتها وتليفونها في سياره ونزلت من سياره  ..عطيني عشره دقايق ونولي
معتصم:-متعطليش
ماريا:-هزت براسها ومشت دارت ع لحوش وهيا ع امل تلقى روشن مفتوح لين جت ع روشن لمطبخ ولقاته مفتوح بس عالي شن بيوصلها لفوق ربطت لعبايه وشدت في طوبه وقعدت اركب وهيا خايفه طيح ويدير صوت لين وصلت للرةشن قعدت تبيت بشويه بالك في حد في لكوجينه بس ملقتش حد
خشت بشويه وحطت رجلها ع رخامه ونزلت وهيا ترعش خدت موس وقفت ورا باب لكوجينه تشبح بس شكله لعيله كلهم راقدين طلعت وتجهت لدار خالد بخطوات ابطئ من البطئ حطت ايدها ع لمانيليا وفتحت لباب بشويه وسكراته كان خالد فاتح اضلءه خفيفه وراقد قربت منه وحركاته لين ناض.
خالد:-يشبحلها ومخلوع قايمه عليه موس  قعد يمسح في عيونه حس بروحها يحلم بس بعد مازاد شاف عرفها انه اي ماريا
ماريا؛-تتحرك هلذا في عيونك🔪
خالد:-مم ر ياا
ماريا:-اي ماريا تعرف كنت بنمشي لمكان بعيد منهني بس مرضيتش نمشي ونخلي حيوان زيك عايش وسط ناس عندك علم لجابني هني قالي شن بتاخدي قي خاطري قتله بناخد روح لخلاني بلا شرف
ماريا:-لما حست روحها طولت ولازم تقتله بدو اديها يرعشو حتى لموس بيطيح منها
خالد:-لاحظ الشي هاذا واستغله ههههعهعه انتي بتقتليني انتي حتى لموس مش قادره تشديه بتقتليني😸ضحكي اي وقوليلي من جابك
ماريا:-شبحاته مش خايف وكأنه عارف انها متقدرش تقتل
خالد:-فتح اديه باستفزاز فوتيك من جو لاكشن وتعالي في حضني ياعاهرتي
ماريا:-لما سمعت كلمه عاهره قلبها تقطع سكرت عيونها ودموعها نزلو خدت نفس وقررت انها تكون اقوى من لقوه بنفسها قامت لموس فوق وهوا يضحك وهازي قماته ونزلاته ع قلبه.💔🔪وتبكي وتطعن فيه موووت يامجرم موووت لازم تمووتو مش ماريا لتموت الف موته في ليووم ياحقير موووووت موووووت وتقيم في لموس وتنزل فيه بقوه وشراسه ع قلبه لين نحفر💔🔪🔪وعرفاته انه مات من تاني طعنه بس مقدرتش تتحكم في روحها نارها مطفتش مزال🔥🔥🔥🔥🔥
اخر حاجه ركلاته برجلها لين نقلب وحدفت لموس فوقه  وطلعت بشويه
معتصم:-يشبح لساعه ويسأل خيرها تأخرت هاذي غير قتلي عشره دقايق ربي يسر كان متحطنا في مصيبه
ماريا:-خطمت ووقفت جنب دار خالها وكأنه معادش شي يخوف فيها
ماريا:-بصوت واطي كنت تضرب فيا بلا رحمه بوحشيه وتقولي موتي اهو درت نفس شي مع ولدك غير بااكتر🔪وفتحت باب لحوش وطلعت
ماريا:-ركبت فيسع سياره نست جوعها وخوفها وكلنه ولت وحده تانيه مش ماريا
معتصم:-خيرككك عطلتي خلعتيني
ماريا:-مردتش عليه قعدت تبكي بس
معتصم:-ماحبش يزيدها مشي وسكت وطول طريق تشبح في سماء وتتكلم داخلها
ماريا:-اهو خليت هالكم بلي فيها ماشيه لمكان لعارفه نموت فيه ولابنعيش لمكان مش عارفه شن حسصيرلي فيه واني صغيره خليتك يامفتاح تاخد بنت مش مفتوحه وخليتك ياشهد يلي كنت نقول عليك توأمي خليتكم في مكان بعيده فيه اني ظلمتوني وجرحتوني وملقيتش من يوقف معاي حسبي الله فيكم
وخدت تليفون وفتحاته وبعتت رساله لمريم
تنننن تنننن
مريم:-بنص عين خدت تليفون ولقت رساله من نفس رقم لعطاته لماريا
المسج:-مريم شكرا ع كل شي درتيه انتي واية ع خاطري كنت احسن ناس نقابلهم مفيش من اطيب منكم نحبكم♥اني ماشيه هجره غير شرعيه طالعه من ليبيا كلها لما تلقي مفتاح قوليله قتلك حبيتك ورخيت بيا صدقت لنقال عبيا واني مظلومه في اشد شي ليك يس مسمحاتك لاني نحبك ♥وانتي يامريم ردي بالك ع نفسك وربي يعطيك ماتتمني❤
مريم:-قعدت تقرا وتبكي كانت غصه في قلبها لانه حبت ماريا وبدات انه مكانش عندها صحبات بعتتلها رساله ..ربي معاك ياماريا ربي يهنيك ونشالله طريق لتاخديها تكون كويسه ليك حاضر ح نقوله لو لقيته طريق سلامه قلبي معاك♥
ماريا:-قرت رساله مسحت دموعها وسكرت تليفون وقعدت تتامل في طريق لين خطمو من جنب دوكان وكان في حد راقد غديكه
ماريا:-فيه حد راقد جنب دوكان ولاطايح وقف
معتصم:-معندناش وقت عطلنا
ماريا:-قتلك وقففففففففف
معتصم:-درس ع جنب ونزلت ماريا
ماريا:-مشت يشويه ولقت عزوزه راقده ع لارض في صقع وترعش
ماريا:-ياحاجه ياحاجه
العزوزه:-ناضت مخلوعه نعم يابنيتي
ماريا:-وين حوشك علاش راقده في طريق ع لارض
لعزوزه:-معنديش مكان ولاعندي فلوس صغاري تزوجو ولزوني نلقيتش حد يقبل بيا غير لمكان هاذا
ماريا:-دموعها نزلو ورجعت لسياره فتحت شنطه ونحت من سبعه الاف 1700وطلعت لباقي لهما 5300طلعت وعطتهم للعزوز
ماريا:-اول مايصبح صبح بري لفندق ولااجري هلذو حيسدوك انتي بروحك ومتقعديش هني ياحاجه وصغارك حسبي الله فيهم
عزوزه:-فرحت بري ربي ينورلك طريقك وتتزوجي لتحبيه
ماريا:-تنهدت بوجع دعوه لاولى  ممكن بس تانيه مستحيل ربي فرقنا وحيفرقنا بسنين طويله ولطول لعمر
لعزوزه:-نشالله لو حتى بعد قرن يكون راجلك وبو صغارك ويفرحك
ماريا:&ابتسمت ابتسامه مخلطه بدموع وناضت ركبت في سياره وكملو طريقهم
#بعد ساعه
معتصم:-وصللنا
ماريا:-نزلت وكان لمكان ع لبحر وناس مقعموه ع شط يستنو في لقارب وتنين يفرقو عليهم في سندوتشات
ماريا:-خدت شنطتها ونزلت
لو سمحت
لولد؛-نعم
ماريا:-ااه وين لمسؤل
لولد:-خشي غادي تلقيه
ماريا:-هزت براسها ومشت خشت مدتله لفلوس خداهم وطلعت قعمزت في جيها وكلت لييين.........
يتبع في لحلقه15❤
شرايكم في لحلقه؟!!✨
الكاتبة:-تاج الورفلي👑