رواية💕
#عاهرت الشيطان🔥🔥🔞
الكاتبة:-تاج الورفلي👑
الحلقه:-7
شهد:-تي قوولي.
ماريا:-شي خلاص وناضت تتمشى ليين
ماريا😍😍😍مفتااااااح
مفتاح:-شن عندك بعد لمحاضره؟
ماريا:-استغربت في اسلوبه الجاف مقللهاش حتى كيف حالك ...ماعندي شي بنروح للحوش
مفتاح:-مفيش مرواح
ماريا:-كيييف شن قصدك؟؟؟
مفتاح:-وعدتك بنعلمك سواقه صح؟!
ماريا:-ااه اي بس خيرك تكلم فيا هكي
مفتاح:-بعد ماتكملي كلميني
ماريا:-مفتاااح
مفتاح:-مشي ومردش عليها
شهد:+جت تجري خيره؟؟
ماريا:-قالي بنعلمك سواقه
شهد:-اووووو باااهي فرحتلك😍💜
ماريا:-💔
شهد:-خيرك قالبه وجهك؟؟
ماريا:-اسلوبه معاي 💔💔ومتغير هلبا
شهد:-اممم لالااكيده متعفلق بس💕❤هوا يحبك💜💜💜
ماريا:-انشالله
مريم:-خيييركم وجوهكم مقلبه
ماريا'-شي
شهد:-مش لازم تحشري روحك في حجات مدخلكش فيا
مريم:-انحرقيي
وشبحتلها شبحت استفزاز🙂🤞🏻 ومشت
شهد:-خيرهااااا هاااذي
ماريا:-شهد مش وقتكم تواا
شهد:-المهم انسي
------
االوووو
حنان:-شني؟؟
مفتاح:-فوتي ...... لاسلوب اهوا ادوي زين
حنان:-به شني
مفتاح:-شريت ل ماريا سياره
حنان:-شنييييييي
مفتاح:-وطيييه صوتك
حنان:-قصدي معادش عرفت انت معاي ولامعاها قتلك خش معاي في خطه باش نرتاح منها مش دلعها وجيبلها هدايه وفي لاخير سياره وقريب قتلت ولد خوي ع خاطرها ؟؟؟
مفتاح:-كلمه وحده تبيني نكمل معاك؟
حنان:-اي
مفتاح:-طبقي كلامي وديري لنقولك عليه
حنان:-حاضر بس الي هوا؟؟؟؟
مفتاح:-ماريا سألتني شن بنقول لخالتي ع سياره قتلها قوليلها قداش ليا مجمعه فلوس قتلي مش ح تصدق لانه سياره موديلها جديد واضح غاليا قتلها غير قوليلها هكي لما تجي تقولك هكي ديري روحك عبيطه ومش فاهمه وقوليلها الف مبروك حاولي تقنعيها انك مقتنعه انه شرتها بفلوسها
حنان:-به خلاص
مفتاح:-باي
حنان:-اسمع ..الو الوو سكر عليا لكلب
-------
مروه:-اية ايات تعالو نبيكم
ايه:-اصبري توا نجي
ايات:-خيرك
مروه:-تعالو نهدرزو
ايه:-ربعت رجليه شن بتهدرزي هي
مروه:-قصدي كليت مريم وماريا في لجامعه فاطمه في لخدمه مفيش لا حني
ايه:-به وبعدين
ايات:-متحسوش انه في شي غريب
ايه:-زي؟؟
مروه:-شن هو؟؟؟
ايات'-محسيتش انه بعد هاسنين كلها حقد وسم من حنان تسامح ام ماريا وترجع لخاله لحنينه
ايه:-ع طول وجها تغير
ايات:-اية
اية:-_نعم
ايات:-خير وجهك تغيرر
مروه:-اي شن فيه
اية:-خيركم عليا شي مريضه بس
مروه:-اممم
ايات'-به شنرايكم يابنات
مروه:-صح فيه شي غريب
ايات:-بس سعدودها ماريا ب مفتاح
اية:-اي مدلعها
مروه:-ربي يحفظهم جتى هيا ياما عانت
اية:-زعمك مجدي يكمل في جوازت مريم
ايات:-اعوذو بالله علاش مش ح يكمل ماهوا خطبها
نبيله:-يابناااااااات
اية:-نعم امي
حنان:-انزلو افطرو
ايات:-هي خويله توا نجو
مروه:-نوضو نوضو
اية:-هي
-----------
لين:-ماريا
ماريا:-تلفتت نعم
شهد:-حبيب لقلب واقف يستنى😍
ماريا:-هي باي بنات
مريم:-وييين
ماريا'-بنطلع معاه يعلمني سواقه
مريم:-شنيييييي
ماريا:-خيرككك
مريم:-عندك عادي بتركبي مع ولد؟؟
ماريا:-اولا مش دايرين شي غلط بنتعلم بس تانيا مفتاح قريب يولي خطيبي
مريم:-وجها تغير شن تقولي
شهد:-الله😍😍😍
ماريا:-اااي
مريم:-بري طريق قدامك
ماريا:-روحي مع لين
مريم:-نعرف طريق
شهد:-هيي بااي ياقلبي مادوري شي استمتعي
ماريا:-بااي💕💕
مريم:-قلبت عيونها ومشت من جنبهم
لين :-شن بتروحي
شهد:-مزال
لين:-تعالو نقعمزو
شهد:-هي
-------------
ماريا:-شني توا؟
مفتاح:-اركبي شفيني شن بندير وتعلميي
ماريا:-بس خايفه
مفتاح:-منغير مايشوفلها من مني؟؟
ماريا:-لو يشوفنا حد
مفتاح:-زي خالد متلا؟
ماريا:-لامش قصدي بس س
مفتاح:-اركبي وفمك ساكت
ركبت ماريا وتبعت لخطواات لقاللها عليهم مفتاح وكانت فرحانه بس مفتاح مش معبرها بكل السبب مش معروف
-----------------
السلام عليكم
مروه:-وعليكم سلام
ايات:-خيرك:-عطلتي
فاطمه:-خشيي
اية:-وين ماريا
حنان:-اي ماريا وين
مريم:-باهيييي باهيي خيركم استقبلتوني بالاسأله كاريا عند صحبتها شهد
حنان؛-شبحت ل مريم من فوق ل لوطه وركبت لانه عارفه ماريا مع مفتاح
نبيله:-باهي خش ارتاحي
مريم:-ركبت بدلت حوايجها ورقدت
-------
مفتاح:-درس قدام لحوش انزلي
ماريا:-مش ح تقولي علاش بديت تعامل فيا هكي
مفتاح:-قتلك انزلي
ماريا:-بس يامم فتاح
مفتاح:-قتللللككككككككك انزليييييي
ماريا:-خافت ونزلت💔سكرت لباب وخشت للحوش وهيا حالتها حاله فرحانه وزعلانه مش فاهمه علاش هكي بدي يعامل فيهااا
حنان:-قامت حاجبها وين هاذا كله
ماريا:-كنت عند شهد
حنان:-هاذا كله عند شهد
ماريا:-خالتي تعبانه ونبي نرقد
حنان:-خشيي خشيي
ركبت ماريا لداار
مريم:-هلذا كله تتعلمي
ماريا:-وانتي شن دخلككككك نتعلم ولا...... شن واجعك قداش ليك تلقحي وساكته وصابرتلك وصلتيها حدها يا مريممم ررررره
مريم:-نصدمت كيف ماريا بدت تعيط عليها ومتنرفزه هكي
ماريا مش من نوع العصبي هكي
مريم:-شبحتلها ورجعت شدت تليفون ماريا:-خشت لحمام وقعدت تبكي💔
مفتاح؛-روح وقعد يقربع في الباب في حالا مايعلم بيها لا ربي مش عارف شن سبب هاذا كله
--------
المجهول:-ماريا باش قتلك ردي بالك مش كل شي يخص اي شخص تحكيه حتى للاقرب شخص ليك لانك بتتعرضي لخيانه قويه
ماريا:-فتحت المسج ولقت نفس لبنت لتبعتلها في رسال وتحذر فيها بس مش عارفه مني ردت عليها بامسج
ماريا:-لو متبيش تقولي انتي منو وشن شي لتحذري فيا بيه معادش تكلميني ريحيني راهو هموم دنيا وانتي هلبه
المجهول:-نحذر فيك لانك غبيه غبيه غبييييييييه تمشي ع نياتك الميه ماشيه من تحتك وانتي عبيطه منبيكش تنجرحي هاذا علاش وح نقعد نحدر لين تفتحي عيونك وتواجهي لحقيقه
سكرت تليفون ماريا وتتنفس بحزن
فات اليوم توتر ع ماريا مش عارفه اديها من رجليها وكل الحجات كووم ولبنت لتبعتلها في رسأل كوم تاني كلهم راقدين لاماريا واقفه ع روشن ودموعها في عيونها من معامله مفتاااح ليها
مفتاح مقعمز وشاد طاسه وقدامه صاحبه عادل
عادل:-متبيش تقولي خيرك مولي هكيي
مفتاح:-يشبح لطاسه شيي
عادل:-شن شي اني نعرفك من نضرت عيونك شن فيييه
مفتاح:-قام عيونه ل عادل ...نحبها 🔥
عادل:-ماريا صح؟؟
مفتاح:-ضحك بهزوه دستوور ياعادل بديت تعرف طول
عادل:-لانه مجرد ماتدوي عليها عيونك يولو قلووب قلووب كنت عارف انك في لعبه هاذي انت ل ح ينلعب عليك يامفتاح
مفتاح:-والحل
عادل:-عندك انت لحل مش اني
مفتاح:-قعد سارح ويذكر فيها ويحكي ..حبيت كلامها طفوليتها صوتها قلبها طيب عباطتها كل حبيته حاش في حرب بيني وبين نفسييي
عادل:-وشن يصير ف حنان؟
مفتاح:-في ستين داهيه
عادل:-يعني نفهم انك ح تفوتها
مفتاح:-يتكلم باارهاق. مش عااارف مش عااارف ياعادل بس كل لنعرفه انه بدي قلبي ينبضلها بديت نحبها مش عارف انه نكمل في لعبه هادي اولا بس سؤال هوا معقوله اني بلا قلب نتفق مع خالتها باش نحطها في ورطه وين عقلي وين قلبي؟؟؟
لاكن واضح انه اني لبنتعدب توا
عادل:-لاحوله ولاقوه لا بالله بس ننصحك نصيحه
مفتاح:-شني؟؟
عادل:-برى مع لقلبك يمشي معاها متأكد انه ماريا طايبه خالتها لو فيها خير مكانتش تخلي ولد خوها قريب يفتح ماريا يهني الخير ملقاته لروحها بتلقاه فيها انت فهمني ترا؟؟
مفتاح:-ح ننسحب من لعبه هادي
عادل:-بطل تدخين بتموووت انت رااااك
مفتاح:-مش قادر نقاوم قريب نخطفها ونرفعها لعالم بروحنا لتأذيها حنان لاغيرها
عادل:-هاذا صح لمفروض ديره
بديت نتبعد منها هلبا ومش عاطيها اهتمام لانه بديت نضعف قدام ضحكتها انوثتها🔥جسمها كل شي فيها بديت نعشقه ياعادل
عادل:-نقولك
مفتاح:-شني؟
عادل:-فووت امها حنان وبرى ل ماريا كمل معاها حياتك حبها وصونها وخليك راجل معاها
مفتاح:-انت تحساب انو اني مزال مدورخا حنان لاره بس خايف لو تشك فيا انه بديت نحب ماريا دير فيها شي ونخصرها لانه وقتها مش ح نتحمل ممكن محرقها بالي فيها🔥
عادل:-انت ذكي وماكش صغير انت قدها يامفتاح تقدر ديرها وتخلص ماريا من كل شي هي بنرقد اني نوضني صبح متنساش بطل لفي ايدك ونوض ارقد ويصير خير
مفتاح:-هز براسه تصبح ع خير
عادل:-وانت بخير .
تاج الورفلي👑:-
تقدرو تقولو انه انقلب السحر ع سااحر ولعبه لقتلكم عليها اليوم بنلعبوها كملو❤❤
YOU ARE READING
عاهرات الشيطان 🔥 ( روايات ليبية )
Romanceللكاتبة : رتاج الورفلي ، تدور حول عائلة تدمر كليآ بسبب الحقد و الانتقام ، عبارة عن عندما تجتمع العاهرة مع الشيطان فماذا سيحصل ؟
