كملت صعدت صحت سيروان ونزلنة تغدينة بس عمي وخالتي متغدين دخلو نامو
كملنة وليليان غسلت الاماعين ونضفت المطبخ واني صبيت جاي لسيروان وصعدنة
نمنة تعبانين كعدنة العصر وكعدت سيروان طلع
واني نزلت
طلعت كعك جنة مسوين وسويت جاي
واجن البنات يمي طلعنة للحديقة يم خالتي وعمو طالع
للمغرب اجو سيروان وعمي سوينة عشة وروتين عادي
بليل صعدنة للغرفة وطلعت كتبي قريت شوية
والعب بالفون شوية لحد ماسحبة سيروان مني وجبرني اكمل واجباتي وهو وياي يراجعلي
اخر شي صارت ب١٢ نعست كلش كمت اغفي عزلت الغرفة وحضرت ملابس الي ولسيروان
ودخلت سبحت وجففت شعري
طلعت لكيت سيروان متمدد ع الجرباية يتصفح بالفون
تمددت يمو هو سد الفون وخلا ع الميز
وخلاني بحضنو
وماقبل انام كوة فلتت نفسي منو ساعة ٣ ودوامي ب٧
بسرعة غفيت
ثاني يوم نفس الشي كعدت الصبح سبحت وكعدت سيروان
وسيروان لازم ويا ويا يعني اكملو ملابس والبسو قميصو وساعتو واسويلو شعرو يلا اروح اني البس
كملت ونزلت لكيت سيروان ينتظرني اتريكنة سوة وطلعنة وصلني للمدرسة وراح لدوامو
دخلت للمدرسة ولكيت ماسة جاية فرحت ولاابقة وحدي ضليت وياها وهي اجت كعدت يمي
وخلص الدوام عادي دروس وتحاضير
طبعا هنا بدينة من اول يوم ندرس مو مثل مدرستي قبل ناخذلنة اسبوع لعب وينطون درجات
نسيت ماكتلكم نجحت ودرجاتي زينة يعني
من خلص الدوام رجعت للبيت وروتين عادي
مرت ايامي حلوة سيروان ماخلاني احس بفراك اهلي صارلي ام واب وصديق وكلشي
دراستي هو وياي وياي لازم اول ماارجع احجيلو يمي كلو وشنو انطونة وشنو اخذنة
وهو فرحان بية حتى لو تعبان مايمل ويستمعلي ومرات يضل صافن علية وياخذني بحضنو
ويتخبل اذا شافني العب بالفون وماقارية لازم يومية اكعد اقرة كدامو
وهو يراجعلي حتى لو عندو شغل
ومرات هو يطلع بليل من يرجع يضل سهران وياي
وطبعا ماتخلة كعداتنة من المناكر والغزل
ماعرف شلون راهمة بس رهموها ومرات اكعد احرك كلبة واشرد وهو يضل يتحلف
وعيالي زينين وياي خالتي معليها بية حالي حال البنات
والبنات هواي تقربنة من بعض ومرات الخميس نسوي سهرة نحضر حلويات واكلات ونباوع فلم
وسيروان فوكانة يصيح وماكوم اخر شي يمل ويسحبني سحب
ومرات يستسلم ويكعد هو يتابع ويانة هههههه
اخر شي كام يخبث ويانة ومايجيبلنة الي نريدة
يلا كمت امشي عدل ههههه
بس طبعا من المستحيلات الاستاذ سيروان يروح حقة
وكل جمعة ياخذنة يطلعنة اني والبنات تعويض
ويبقة لبيت لعمي وخالتي ومن نرجع سيروان ينصب عليهم وابو ويا مكيف لحد مايخلون خالتي تصيح ييهم يلا يسكتون
YOU ARE READING
مشاعر ممتزجه (مكتمله)
Romanceخطف مراهقه ليرضي غروره وكبريائه ويبتز بنات عمها وخالتها التوأم للحصول على.... رح تعرفون بلقصه وديان:- بروح ابوك اتركني ابداعت امك ولك لااا اوكف بداعت اختك بداعت اخوك الله يخليك تركني ريفال:- اي مو انته رجال ..مااحس اله راشدي فر خدي فر الله يساعدج...
بارت40
Start from the beginning
