قضيه ابن مستشار

البارت٣٦

البارت 36
قضيه ابن مستشار
الجزء التاني لـ اغتصبني ابن مستشار
في جناح حمزه ونور دخل لقي نور بتصلي وبتختم ميل عليها: حرماً
نور ابتسمتله: جمعاً
حمزه: طيب مش كنتي تناديني نصلي سوي
نور: لا ده مش العصر انا بصلي ركعتين شكر لربنا انه نجاني وكرمني بيك ياحمزه واتغيرت للاحسن
حمزه: والله انا الي ربنا كرمني بيك ده انا حاسس اني دخلت الجنه وهايص في التفاح والكوكتيل!!!
نور: وانا وقعت وغرقت جواك
حمزه ضمها: انت اصلن واقعه من زمان
نور مسحت ع خده بحنان: هنعيش سوي رغم كل اللي بيحصل حوالينا
حزه باس خدها: تعرفي انا انسان محظوظ لانك موجوده في حياتي واني وقعت في حب ست زيك الحمد لله وباس راسها
نور بفرحه:بجد ياحمزه انت محظوظ بيا
حمزه ابتسم:تعرفي انا اولي مره شوفتك فيها حسيت انك تنكه في نفسك ورخمه كدا
نور:يعني ايه تنكه..؟؟!
حمزه:يعني مغروره وكدا بس لما قربت منك اكتشفت انك شخصيه قويه جدا ونادره جدا وناشفه شويه (وضحك)
نور ضحكت: لا بس انا كنت بقفل اي كلام مع اي حد تافهه لاني مش بحب التفاهه
حمزه:وعشان كدا انت كنتي واخده حيز كبير في عقلي وقلبي!!
نور ضحكت و قامت حمزه رفع راسه وبصلها: ايه ناويه تعملي ايه النهارده؟؟
نور: بصراحه نفسي اطلب منك طلب؟
حمزه: اطلبي وقبل ما تطلبي هتلاقيني نفذتهولك؟
نور: نفسي أأقعد معاك النهارده لاني بجد تعبانه!
حمزه بقلق راحلها: تعبانه مالك؟
نور: لا من الحمل وكدا
حمزه اتنهد: أأهو انا كدا تعبت
نوربستغراب: ليه؟
حمزه: عشان انا السَبب في تعبك ده ،،وتعبك ده بيقتلني
نور بدلع لعبت في دقنه: هو انت بجد حاسس بيا اوي كدا
حمزه: نور حياتي مفيش حد في الكون ده كله هيحس بيك ادي
نور ضمته جامد: تعرف ياميزو انا دايما محتجالك جنبي
حمزه: وانا معاك اهو ومش ممكن اسيبك
نور: الحمل تعبني اوي وساعات بحس ان انا مخنوقه
حمزه ضمها لصدره: تعالي جوه حضني خليك جوه قلبي واحكيلي مالك
نور اتنهدت: نفسي نفضل مع بعض ع طول ياحمزه
حمزه: انا معاك والله العظيم ما اعرف اعيش من غيرك واسف اني كنت السبب في خطفك ورعبك
نور: يعني مش ندمان اني رجعتلك وانا بشعه بشكلي التعبان ده
حمزه مسك وشها وبصلها: وجهك هذا يجعل الصباح يخجل ويدهش الشمس السَاطعه فعلمي ان وجهك هو جنتي ( وبخبث) بس انتي ليه محلوه كدا
نور: عشان حبك الي محليني وقامت تفرجه فستان جديد عليها
نور: ها ايه رايك حلو الفستان ده عليا؟؟!!
حمزه :لا الفستان هو الي احلو بيكي بس مفيش خروج بيه.
نور كشرت :ليه بقي
حمزه ابتسم: عشان بغير عليك
نور رفعت حاجب: بتغير عليا من فستان
حمزه :بغير من الهوا لو فات جنبك ولمس شعره من شعرك نور حطي في بالك انا بغير وبس لكن بثق فيك ومش بثق في حد غيرك بثق فيك انتي وبس وصلت
نور مثلت الزعل: متكلمنيش عشان انا زعلان منك دلوقت
حمزه: وانا مقدرش ع زعلك وانتي حلوه كدا وبعدين بلاش جو النكد ده(وزقها بشويش)
نورضحكت
حمزه ابتسم: بتضحكي
نور: الله ودي فيها ايه؟
حمزه ضحكه ضحكه مكتومه: اصل مينفعش وانت زعلانه ومخصماني وبعدين تضحكي 
نور بزعل:ليه ضحكتي هبله
حمزه حرك حواجبه بشقاوه: بالعكس ضحكتك دي بحس بيها بالسعاده ودايما بتجذبني ليك وبطلي بقي تدلعي كدا وتبقي مغريه كدا...!
نور زقته من صدره: يا باي علي غلاستك
حمزه: كدا صلحتيني طالما شتمتيني
نور: اتكل بقي ع شغلك
حمزه: شغل ايه انا مش منقول من هنا مفيش اي حاجه تعطلني عنك يا تفاح
نور: حمزه انت بقيت بلدي كدا ليه
حمزه ضحك: من كلام الزباين اشكال داخله واشكال خارجه بس بقولك ايه مش العيال عندهم اجازه بكره ايه رايك ناخدهم ونخرج شويه نلعب نفك نعمل اي حاجه
نور: ملوش لزوم انت مطبق من امبارح في المكتب ومش عاوزه اتعبك
حمزه بمكر: لا عادي ده تعبك ده ليا راحه ،،انا خلاص قررت واصدرت بس كله بحسابه عاوز اخرج معاكم نفسي افك دماغي شويه من الشغل وبعدين لما نرجع اخد الحساب اصل انت وحشاني وعاوز اخرج معاك موافقه
نور: طبعا موافقه بس ناوي تودينا فين
حمزه: مكان هيعجبك جدا بس بلاش الفستان
نور: تاني ياحمزه
حمزه ضحك:تاني وتالت ورابع وبعدين ياحياتي بالفستان ده مش هنلحق نخرج هنقضيها في القسم ماشي يا قلب حمزه
نور: ماشي يا قلب نور
........اغتصبني ابن مستشار الجزء الاول لمنه محمد...
ماشيه بتجر خطواتها ع خفيف لحد ما وصلت قدام باب الفيلا ودخلت بكل غضب وقهره وغل ونونا نزلت السلم بغرور وتقل ووقاحه
فاتن قربت منها ووقفت قدامها: عجبك كدا عجبك مفيش حد ما شافك علي التلفزيون قوليلي ابص ازاي في وشوش الناس وكل ما اشوف حد من العايله اداري وشي انت حطيتي راسنا في الطين (تبكي بقووه وتطلع اهاتها من اعماق قلبها)مش حرام عليك الي عملتيه فينا ربنا ينتقم منك
نونا بتهور وعصبيه مخيفه: خللاااااص كفاااايه انتي جايه تزوديها عليا
فاتن نزلت دموعها بغزااره: انت واحده معندكيش احساس بعد البلاوي الي عملتيها بترفعي صوتك كمان
نونا: ليه انت مفكره انك ملكيش ذنب بالي وصلت ليه...!!!
فاتن بصدمه وانهيار:لا والله ذنبي ايه بقي؟؟!!
نونا :مش كنتي دايما تقوليلي احنا محتاجين نفوذ وسلطه وقوه دلوقت جايه تديني مواعظ خلاص كفايه مالك كدا محسساني انك بريئه مين الي نزلت من سعرها وولعت الدنيا واتفقت معايا عشان تخرب بيته انتي بتكدبي الكدبه وتصدقيها
فاتن بتمسح دموعها من القهره :ايوه يبقي معاك نفوذ وسلطه لكن توصل للدعاره ياكلبه مكان معاك حمزه معرفتيش ليه يحبك بدل الشحانه نور الي عرفت ازاي تستحوذ عليه
نونا بهجوم: دعاره ايه دي اسمها مصالح متبادلة وبعدين  انت عارفه من الاول ان حمزه عمره ما حبني واظن انت الي نصحتيني اروح واتلزق فيه لحد ما اتجوزني
فاتن بنبره حاده:لانك غبيه معرفتيش تكسبيه زيها كل حاجه عندك كانت صريخ وزعيق وتجبر عليه قلت لك الف مره خديه ع نار هاديه حمزه شخصيه مش سهله ولا بيجي بالشخط والنطر لكن جنابك عملتي ايه سبتيه وروحتي فضحتينا وفضحتي نفسك ياغبيه يا غشيمه
نونا :كنتي عاوزاني اعمل ايه وانا مطلقه منه ومحلتيش الهوا
فاتن بصريخ وأمر :خلاص اكتمي
نونا ابتسمت بألم: اكتم دلوقت اكتم (وبزعيق)انت نسيتي نفسك روحي اسالي نفسك استنفعتي اد ايه من ورايا طول عمرك نفسك تلبسي الماظ ويبقي عندك فيلا وشاليه علي البحر تحبي افكرك احلامك كانت ايه كمان..!!!
فاتن: ايوه بس حمزه كان ارحم من الدعاره والطريق الغلط وبعدين فكرتي ايه الي هيحصل فيك فكرتي حتعملي ايه مع حمزه الي مستحيل يسّيبك لو عرف انتي مين ولو شافك هيخلص عليك انا حياتي ممكن تبوظ بسببك يا غبيه
نونا: اوعي تفكري لحظه انك بريئه من الي هيحصل فيا
فاتن أأعدت بنهيار ومسكت راسها: ياريتني مت من قبل ما اشوف اليوم ده!! احنا انتهينا عارفه يعني ايه انتهينا انا مش طايقه اشوف وشك
نونا بوقاحه راحت ومسكتها من دراعها وبتشد فيها ع برا: كلمه كمان وهمسح بيك الارض
فاتن شدت دراعها بكل غضب وضربتها قلم سقع: اضربك بالنار واروح فيك في ستين داهيه
نونا مسكتها من دراعها وبتسحب فيها بكل قوتها عشان تخرجها برا: غوري يالا برا برا وفاتن مشت بنهزام ونونا رجعت أأعدت ع اقرب كرسي بكل ضعفها نزلت راسها في الارض وبعد ثواني رفعت راسها والدمعه في عيونها لامعه بتبص لقت رجلين واقفه قدامها وقلبها وقف او اتجمد من الخوف....
...........................
عند رؤف وساره الي حالتها صعب جدا
ساره بعبوس: رؤف ممكن تطفي التلفزيون
رؤف بهدوء: طيب نحط اغنيه هاديه نسمعها..؟؟
ساره بسخريه: وايه رايك نقوم بالمره نرقص كمان ولا اقولك نعمل حفله ونعزم كل صحابنا ونغني لحد ما يطلع الفجر
رؤف بيحاول يمسك اعصابه: ساره مش ملاحظه انك مزوداها شويه
ساره:مزوداها انا ابني مات من قبل حتي ما اقدر اشوفه امسكه اضمه ولا انت معندكش علم
رؤف: لا عندي وانا عشان كدا بحاول اعمل اي حاجه عشان اقدر اطلعك بيها من حالتك واوسيك وانتي ولا هنا ولا انا كأني موجود
ساره بتمسح دموعها الشاحبه: مش محتاجه حد يواسيني متعذبش نفسك معايا انا مش عاوزه حاجه من حد
رؤف: طيب انا رايح المكتب تحبي تيجي معايا؟؟
ساره: لا ماليش نفس لاي حاجه
رؤف مسك ايدها: مش لازم تحبسي نفسك في البيت كتير لو مش عاوزه تروحي المكتب معايا روحي لنور او حتي روحي اليخت وانا اوصلك و لما اخلص اجيلك نغير جو
ساره شهقت وهي بتحط ايدها ع بؤها: للدرجه انا مضيقاك
رؤف مسح وشه ونفخ: انا مش مضايق منك انا مضايق عشانك
ساره نزلت دموعها بغزاره: لا متشغلش بالك بيا انا كويسه بس يمكن محتاجه شويه وقت مش اكتر!!!
رؤف حب يغير لغه الحوار وابتسم: طيب مامتك كلمتك؟
ساره: ايوه كلموني من السعوديه هي وابويا وهما كويسين وامي اتكلمت معايا حوالي نص ساعه وكانت بتعيط عشاني
رؤف قرب منها مسح ع ظهرها بحنيه: ماشي بس انا لازم اروح المكتب عندي شغل ضروري وقضيه مستعجله خالي بالك من نفسك وانا اول ما اخلص هرجع ع طول وكل دقيقه هتصل بيك ماشي
ساره هزت راسها له ورؤف بصلها بحنان وودعها اخد حاجاته ولف مشي تحت نظراتها الملهوفه لضمته وبهمس...رؤف تعالي بسرعه ارجوك انا من غير ضايعه مشتته..ورؤف طبعا اخد اجازه عشان يقدر يراعيها لكن شغله متعطل ودي ارواح ناس متعلقه في رقبته
....بقلم منه محمد.......
عند حسام ونوال بعد ما كتبو كتابهم ووعدها انه هيعمل لها احلي فرح بس يظبط قضيه نونا نوال دخلت وكل جزء في جسمها رجف من الخوف لكن في نفس الوقت حاسه بالشوق والحب والفرحه شويه
حسام دخل وببتسامه جميله باس جبينها بحنان: الف مبروك ياعروسه
نوال بكسوف:والله تقريبا دي ال200 مره سمعتهالي!!
حسام ضحك: اصل انا حاسس ان احنا كدا بدئين صح الصح
نوال عوجت بؤها:صح ازاي يعني وملبستش فستان ولا عملت فرح
حسام: بس كدا اعملك فرح والبسك الفستان الابيض وانا البس بدله من غير جرافت عشان بتخنق جامد وامسك ايدك قدام كل الناس ونبقي فرجه لخلق الله
نوال حاسه انها نجمه في السما: بجد ياحسام يعني مش هتتكسف مني
حسام مسك ايدها وباسهم: اتكسف ليه يانوال انتي تستاهلي امسك ايدك قدام كل الناس واكون فخور بيك كمان
نوال ضحكت: كمل كلامك حلو اوي؟!
حسام: ونخلف عيال كتير لاني بحبك (وغمز)
نوال برقت له وابتسمت ونزلت راسها لتحت بكسوف
حسام ضحك واتكلم يضيع التوتر بينهم: قوليلي يا نونتي بغض النظر عن توقيت السؤال بس لازم اسالك
نوال: عاوز تسأل عن ايه؟؟
حسام:هي الوليه الحيزبونه نونا دي في مره هبت في دماغها تقوضك لعالم التسول( وضحك)
نوال اتنهدت وافتكرت كلامها الشنيع: اممم اه حاولت
حسام ربع ايده وأأعد قصادها: طيب احكيلي احب اسمع
نوال:شوف ياسيدي انا اول مره روحتلها قالت لي انت مفكره ماكينه الخياطه ولا حتي خدمتك دي هتفيدك صدقيني الطريق ده ولا بيأكل عيش حاف بس انا رديت عليها بكل قوتي مقدرش اعمل كدا لا بئتي ولا تربيتي تسمحلي اعمل كدا ابدا حتي لو حموت من الجوع وفضلت بقي تقنع فيا انها مش بتطلب مني اعمل كدا مدي الحياه هي اول خطوه من السلم وبعد كدا طريق الفلوس والعز بس انا صممت لانه صعب اسلم نفسي لكل راجل شويه حتي من غير ما اعرفه الموت عندي اهون بس فضلت لوقت اي نعم مش طويل انها تغريني اني اكون نايمه في حضن دفتر شيكات ورصيد ولما امسكهم هنبسَط ووقتها هفرح وانسي واني هفوق ع تفتيح الدماغ وكدا بس انا فضلت زي ما انا لحد ما يأست مني ولحد ما ضحت بواحده من شققها عشان اتمسك وتنتقم مني بس
حسام : انا بجد معجب بأرادتك القويه دي
نوال: حسام عارف انا بيك عرفت معني كلمه ربنا يوقفلك ولاد الحلال
حسام بنص عين: بتكدبي عليا
نوال: لا انا مش بعرف اكدب انا فعلا كسبتك
حسام: تعرفي انا كان جوايا حاجه ناقصه ومعرفش سَببها بس انتي جيتي كملتيها
نوال بألش: تقصد الترقيه
حسام ضحك وقرص خدها: لا يا رخمه قصدي وجودك جنبي فرق كتير ويالا ننام احسن هموت من التعب
نوال وقفت وفضلت تلف بعيونها في الاوضه الي عباره عن سرير واحد
حسام اتمدد ع السرير: يالا تعاي ننام ولا مش ناويه
نوال: لا مش هنام نام انت الاول
حسام شدها مسك وشها بين ايديه: انتي خايفه اقربلك
نوال بقلق: انا لا مفيش حاجه اخاف منها
حسام: لا خايفه مني هو انت مفكره اني ممكن اعملك حاجه
نوال: حسام متحاولش تضايقني لاني بجد مش خايفه
حسام: يابنتي احنا خلاص كتبنا الكتاب
نوال: ايه يعني نرمي الكتاب
حسام رفع حاجب: ع العموم انا اصلا مش شايفك ست فطمني
نوال: لو انت مش شايفني ست انا بقي مش شايفاك راجل عشان كدا هنام ونشوف مين الي هيخاف من التاني
حسام: ماشي بس اوعي ترمي نفسك عليا اخر الليل..!
نوال بزعيق: انت مفكر نفسك مين؟؟
حسام شدها من مقدمه هدومها
نوال: انت بتشد هدومي ليه؟؟
حسام :عشان اوريك انا مين
نوال: احنا اه كتبنا الكتاب بس لسه مدخلناش
حسام بوقاحه وبيرقص حواجبه: تحبي ندخل دلوقت؟؟!!
نوال: شوف يا حسام انا ممكن ابان من عيوني بريئه بس لو اديتك كف الوحك
حسام قام وشد البلوزه اتشقت في ايده نصين
نوال شهقت:كدا قطعت البلوزه
حسام :انتي الي لزقها بغرا،، (وضحك يستفزها)وبعدين انا قطعتها عشان اشوفها هي قطن ولا صوف وراح نام بعرض السرير كله
نوال نفخت: انت عمرك سمعت عن شئ اسمه ذوق
حسام: لا متقوليش كدا ارجوك وبراحه عليا عشان انا بقع بسرعه وكده هموت من كلامك
نوال راحت اخدت مخده وغطا وفرشتهم ع الارض
حسام قام وبصلها: شوفي انا ميرضنيش تنامي في الارض فـ تعالي نامي جنبي وانا هنام مؤدب
نوال: انام فين؟؟
حسام: هنا جانبي السرير كبير وبيسعنا
نوال: انت اتجننت صح
حسام اتعدل وبصلها: ليه اتجننت وبعدين مالك اتفجعتي كدا ليه
نوال بتوتر وارتباك: لا انا متفجعتش بس اصل
حسام: اصل ايه قولي جمله مفيده وبعدين انتي ليه محسساني اننا ضاربينها عرفي انت مراتي يا تخلف يعني مراتي الي من المفروض تاخدني في حضنها وتنام نوم الهنا (وغمزها)
نوال: طيب ماشي بس نام بعيد ونحط فاصل بينا
حسام اتنهد: موافق (وبهمس)انا اتسرعت ولا ايه
نوال راحت نامت وحسام مره واحده شلح التي شيرت
نوال قامت بفزع: انت بتعمل ايه
حسام: يادي النيله باخد راحتي لاني حران افطس يعني وشدها وحضنها غصب
نوال بتزقه جامد: بتعمل ايه سبني
حسام: مالك هو انا بغتصبك انا بحضنك حضن بريئ حرام
نوال: انت بتستغل الموقف ومفكرني اني مش ممكن اصرخ والم الجو عليك
حسام: انا اتجوزت بروسيلي ولا ايه؟؟
نوال: حسام اتفضل نام انت في الارض اتحرك
حسام: ضهري بيوجعني مقدرش انام في الارض
نوال: حلو طالما ضهرك وجعك علاجها تنام في الارض
حسام: والله طيب لما هي علاج ومريحه اتفضليها لوحدك بالهنا والشفا
نوال: ربنا يصبرني عليك ( وبهمس)اديله سكينه في ضهره
حسام سمعها: اقسم بالله اديك بضهر ايدي ابلعك زورك ايه الي تبقي قدامي كيوت ومن ورايا عبده موته
نوال: والله
حسام: اظن لكل فعل رد فعل والبادي اظلم وقام ينام في الارض شويه الكهربا قطعت
نوال قامت مفزوعه: حسام حسام
حسام قام بخضه: ايه في ايه كبسه
نوال: كبسه ايه معلش ممكن تيجي تنام جنبي
حسام بعين واحده مغمضه: لا اطلعي نامي انتي انا ارتحت مع الارض
نوال: هو انا جايه اصالحك بس الكهربا قطعت وانا بخاف من العتمه
حسام: متجوز طفله انا اصلك (وقام) امري لله مع اني بكرهه كوهن الحريم ده اوي
نوال اتحرجت:معلش بقي اصل انا
بتَر كلامها لما قرب حسام منها اكتر وشافت نظره فيها رغبه حب:انتي ايه
نوال بصت جامد جوه عيونه :انا نسيت
قرب حسام من شفايفها:انتي قلبي وعمري وروحي
نوال فضلت تايهه جوه عيونه لحد ما حسام قرب منها والتحمت شفايفهم في بوسه كلها شغف حب موجود في قلوبهم .
شالها حسام بكل هدوء وحطها علي السرير وباس شفيفها ونوال خافت منه
حسام شاف خوفها منه وقال:مفيش داعي تخافي مني يانوال
نوال: تقصد ايه؟؟
حسام بصلها وابتسم: قصدي اننا اه اتجوزنا وانا مش مستعجل العمر طويل قدامنا نعمل كل حاجه فيه براحتنا
نوال: معلش ممكن توضح
حسام: قصدي مش هقرب منك دلوقت لما تكوني انتي مستعده لده وتيجي تطلبيه مني لان انا مش مستعجل اطلاقا بس ياريت متطوليش وضحك يطمنها نوال راحت معاه ونامو وغطاها بأحكام لحد ما نامت زي الطفل الصغير الي مطمن وحاسس بالامان
.......
في المكتب قدامهم المجله والفيديو
رؤف: يمكن فيه غلط في الصوره اهدي وندقق تاني
حمزه: هي نرمين انا متأكد؟
رؤف بحيره: طيب نتأكد ازاي ان نونا هي نفسها نرمين؟؟لان نونا دي شبح ولازم نكشفه قبل ما تفكر كل شويه تعملك مصيبه
حمزه نفخ: كانت الوحيده هي رحاب الفيديو منغمش انا مش عارف اركز؟؟ ده غير كنا هنعرف منها كمان مين الي بعتت السي دي
رؤف: يمكن تطلع واحده من المعجبين
حمزه بصله: ايه الكلام الزفت ده انت راخر ده حد بيلعب لعبه قذره
حسام دخل بكل ثقه وفجر القنبله: انا الي حقولك الحقيقه ياحمزه؟!
حمزه عقد حواجبه وبصله: حقيقه ايه؟؟
حسام بثقه: حمزه بعد اذنك ممكن تشوف الفيديو ده؟الظرف ده فيه اجوبه علي كل اسألتك ورد ع حيرتك
حمزه اخد اللاب توب وبدء في تشغيل السي دي وأأعد هو ورؤف مركزين بتمعن في المشاهد وبعد فتره بسيطه من العرض احتددت الابصار وانكتمت الانفاس ومفيش اي تعليق نظراتهم متعلقه بالشاشه وكل واحد منهم بيتمني يكون ده حلم ومش حقيقه مؤلمه للدرجه حمزه اتأكد انها بالفعل نرمين مع مدكور وعدي صاحبه او الي كان صاحبه وهي خرباها معاهم الاتنين ع الاخير
رؤف قفل اللاب بعنف لانه مش قادر يستوعب الي بيشوفه: خلاص كفايه الي كنت شاكك فيه اتأكدت منه.!
حمزه بصريخ رج المكان مع صداه: الحيوانه الفاجره تعمل كدا والواطي كمان الي خان الصداقه من زمان وباعها
حسام أأعد يهديه: اهدي ياحمزه لو سمحت لازم نفكر هنتصرف ازاي دلوقت دي فيها سمعه عيلتك كلها!
رؤف بحده في سؤاله: انت جبت الزفت ده منين
حسام: جري ايه يارؤف انا ظابط واشتغلت عند نونا دي فتره
رؤف بستغراب: اشتغلت ايه يانهارك؟
حسام قاطعه بسرعه: لا يابو مخ شمال انا اشتغلت جنايني ده انا قربت ابيع ورد ع النواصي
رؤف: ومين الي جاابلك البلاوي دي
حسام: من مديره البيت بتاعها بنت ضحيه من ضحياها وساعدتني كتير!!وع فكره نوال هي الي بعتتلك السي دي بجريمه رحاب ياحمزه
رؤف بقهر وقلق من ملامح حمزه الي اتحولت لبركان: هنعمل ايه دلوقت؟؟
حمزه بحده وتهكم ملتهب لانه مش عاجز عن اي قرار: دي فيها هنعمل ايه انت مش شفت بعنيك وسمعت بودانك المجرمه لازم تتعاقب علي كل عمايلها فيا
حسام عقد حواجبه: ايوه برضو ناوي تعمل ايه؟
رؤف: حمزه ارجوك اهدي ومتتسرعش في اي موقف تندم عليه اقعد وفكر
حمزه قام مره واحده بغضب وعاصفه تسحق كل الي حواليها: انا لسه هفكر انا هقطم رقبتها وهعرف ازاي اتخلص منها
حسام: حمزه احنا معاك وجاهزين بس فهمنا هنعمل ايه؟؟!
حمزه طحن سنانه: هوريك شغل ولا افلام بوليود من حمزه الشريف
وبسرعه خرج زي المجنون وحسام ورؤف بيحاوله يجروه وراه زقهم كلهم لبعيد زي المجنون وركب عربيته وطار بيها
رؤف: المجنون ممكن يموتها
حسام: ياريت اهو يختصر بدل ما اموتها انا
نروح لنونا الي رجعت أأعدت ع اقرب كرسي بكل ضعفها نزلت راسها في الارض وبعد ثواني رفعت راسها والدمعه في عيونها لامعه بتبص لقت رجلين واقفه قدامها وقلبها وقف اواتجمد من الخوفو كل خليه اتلبشت ووقفت مكانها
نونا بصدمه: عاوز ايه ياحمزه وجاي ليه؟؟؟
حمزه سكت لثواني ومركز عيونه عليها: لا ياشيخه ملاك يابت امال فين واجب الضيافه!!!
نونا بقوه: بقولك انت عرفت مكاني منين؟؟
حمزه: هو انا شويه يانونا مش ده الاسم الي كنت بندهلك بيه زمان وبعدين نسيتي ده انا حمزه الاسواني مقدرش انساك وسط الزحمه
نونا: عارف انك اسرع واحد يدخل بيتي من غير ميعاد سابق
حمزه ابتسم بستهزاء : ياااه يانرمين ده انت فاجره وبجحه اوي ومره واحده ضربها قلم ومسك دماغها هبدها في ايد الكرسَي وقام لف حبل حوالين رقبتها وشد جامد وبسرعه فكه قبل ما تطلع روحها واتكلم بفحيح قاسي: كان لازم تحسبي حساب اللحظه دي ده انا اعجبك قوي بس تصوري بقالي مده نفسي اشوفك قريبه مني بالشكل ده، اه يابنت الكلب بجد طلعتي مؤلفه شاطره ولعبتيها صح و...
####
تقولو رايكم ولا امثل فيكم فيلم بوليود البارت له تكمله لنونا وعدي فقط والانتقام في ابشع صوره ممكنه ورابح والعصابه لو حبين أذيع القرار في ايديكم (منه)