الدولة 🔥

حلقة 3

#الدولة 🔥 حلقة 3

محمد عالهاتف 📲/ شن يا وجدي فاتح القهوة ولا مسكر حتى انت ؟ 😁
وجدي/ شادها نوم وخلاص لين يفتحو الكل ،، مش ناقص تمشيط 😅
محمد/ نوض سادك الليلة برشا والريال بيلعبو والتفريج ع المباراة متحلاش الا ف قهوتك 😊
وجدي/ تو نشوف كان أسامة فتح السوبر ماركت متع الشارع وبدت فيه حركة نفتحو وخلاص .. بيني وبينك رسمي اليوم اللي تطّلع فيه قرش حلال خير من الكساد 👌🏻🔥
محمد/ ربي يرزقك ويرزقنا ولد شارعي ..
وجدي/ الله يسلمك يا برذر ..

_______♡■☆Kd°•Sha▪La'Bi☆■♡_______

مقعمزين فالتوكة الشباب .. ومنهم هيتم وأشرف وكامل
أشرف ناعسه النوم مرقدش الليل كله حراسة .. حاول يتّكّا وخّر بضهره وحط راسه ع حاشية الكرسي
كامل/ جيبلي السلاح يا حمار
تي لااااا مش اهني ؛؛ الحقني فيسسع بيقتلوني ..
هيتم/ خيرره هذا يدوي بروحه ولا شنو 😅
أشرف/ هذا يلعب فالبوبجي 😤 هكي ديما يتكلم بالسماعات ..
هيتم/ يا والله حالة 😁 تره الساعة كم 🤔 ححي وقت بنمشي نطلع للمقر الجديد .. ردو بالكم يا شباب
الشباب/ تم

°°° ••••••☆▪K▪h▪o▪L▪o▪d▪☆•••••• °°°
🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

حسام/ خلونا بروحنا
طلع صالح ووسيم ومحسن من المكان .. وقعد وسام وحسام بروحهم 🔥

وسام يشوف فعيون حسام ويبي منه أجابات على هلبااااا أسئلة ،،
حسام/ إييييه نسمع فيك .. 😒

تعفلق وسام من برودة دمه 😤 بس حاول يتجكتر
وسام/ ماشاء الله درت صيت كبير ،، متعاون مع "ميليشيات تهريب سيارات" وتغيّرلهم فالزواق .. 😏

قعد يجول بأنظاره للمكان حتى شاف للسيارة اللي كان يسوق فاها حسام تلمع لمع 🔥🔥 وشنووو هادي!!🤔 فاها وراق ؟؟
حسام/ هادي طلبية مخصوصة لمالكها 😏
وسام/ هات ما يثبت😒 نبي وراق
حسام/ بصفتك شني جاي بتحقق معاي؟
وسام/ بصفتي ضابط وماسك مديرية منطقتكم 😏😎
حسام/ شن نفهم من كلامك هذا ،،!! جايني تحقيق وتفتيش للمكان 🤨 ؟
وسام/ إييييه 😏
حسام ساوى وقفته وحط عينه ف حسام وقام حاجبه 🤨/ وهكي اللي بيجي يحقق ويفتش يجي من غير الزي الرسمي للشرطة ؟
وسام/ اعتبرني متنكر وجاي كمين 😏
حسام قعمز على مكتبه بكل جكترة ودار رجليه فوق المكتب .. / خلاص هاتلي ورقة من المدعي العام تسمحلك تخش تفتشني ،، 😒
وسام/ ب ورق ولا غير ورق نخش للمكان اللي نبيه ..
حسام/ امالا هي السلام عليكم تعرف الباب ولا نوريهولك 😏
وسام تعفلق/ 😡
منظرهم الإتنين كيف يغيضو فبعض زي الأطفال ،،
الزوز ميبوش يتنازلو ،، الزعل غالب عليهم 🥺💔
وسام/ بعد سنين و عشرة عمرر هكي تقوللي ..
حسام/ ماقلتلك شيء .. اشرله عالكرسي وقاله تفضل قعمز ..
وسام/ لالا حتى واقف مرتاح ..
حسام/ براحتك 😏
وسام تعفلق من ردة فعله كان يلقى يطيح فيه ضرب ..
وسام/ الشبحات هادو نعرفهم أني كويس ،، سامع دوة غلط ؟؟ ريت مني شيء معجبكش؟؟ غلطت فحقك؟؟
حسام/ اياح علينا 🤦‍♂️ ليه الموضوع تمانية سنين حتى نسيت أني ..
وسام/ صااار نسيت 😤
حسام/ إيييه 😡
وسام/ امالا خيره راقيلك .. وشن هوا الموضوع؟
حسام/ مافيش موضوع ،، من قالك فيه موضوع .. وتوا جايني تسأل فيا خيرررك ؟؟ 😡😤
وسام/ إنت اللي قلت الموضوع ليه تمانية سنين حتى نسيته .. أني نبي نعرفه شن هوا الموضوع ..
حسام/ هكي من غير سبب
وسام حط عيونه ف عيون حسام
وقاله مستحيل ..
كلهم يخونو ويغدرو إلا إنت 💔
حسام/ مش شرط لما بنبعدو ع حد يكون الموضوع خونة ولا غدر .. مرات معش لقينا الراحة 💔😔
وسام/ الكلام هوا متقولاشي ليا أني اللي من صغرنا نرقدو ونلعبو وفاتحين جبهة عراك مع ولاد الشارع.. اللي نخش لنص حوشكم قدام أختك وأمك وتخشلي قدام العيلة .. مش ليا ني الكلام هوا حسام 💔
حسام/ شن اللي خلاك تجي توا ،، ما غير الحرب واشتباكات أمس عاد بديت كبير فالبلاد تشد وتطلق 🔥
وسام/ تعبت من اني نكابر ،، إنت مش زي غيرك ،، أني معاك زي نفسي معمريش خفت لما نطيح ونضعف قدامك ،، تعبت من التفكير ،، نبي نعرف خيرك معاي ؟؟ وشن اللي خلاك تعترف بأنك اللي جايب ممنوعات ف مركز تدريب الشرطة .. اني متأكد أن مليكش علاقة بالموضوع 👌🏻
حسام/ سكره الموضوع خلاص.. اطلع منه .. ..
وسام يشبحله بنضرة اصرار يراجي ف إجابة لأسئلته..
حسام/ خيرك تشبحلي 🤨
وسام/ قاعد تقرن ف حواجبك 😏
حسام سكت يشبح لوسام .. وف خاطره استاحشتك يا صاحبي .. ما عمريش لقيت ولا حنلقى سند و أخ زيك يا وسام 💔😔 بسس راقيله منه هلباااااا
وسام يشبح لحسام وحاس بفقد كبيرررر ،، ع قد ما كبر و وراه جيش بكلمة وحدة يموتو ع خاطره ،، بس كلمة سندي متنقالش لأي حد .. ف قاموسه "حسام بس" اللي ف قفاه راجل حقاني 🔥🔥👌🏻لكن الزوز قعدو ساكتين رغم صحبتهم القوية لكن الكبرياء فرض نفسه و كان سيد الموقف ..
☆▪ صحيبك جرّبه •• واحكم على ردة فعله
☆▪ يا من عينك إيطيح •• يا إما قدره عندك يعلا
☆▪مش كل صاحب تلقاه •• لما تكون بحاجته
☆▪أعرف صاحبك إنت •• واللي مصاحبك بش ياخد حاجته
☆▪المظهر مش ميزان •• يبينلك الإنسان ف نظرة
☆▪متوثقش بكل إنسان •• إخبط على صدره
☆▪كل طيحة تقويك •• وتعرّفك بي ناسك
☆▪وكل غلطة تورّيك •• الصّح من ساسك لراسك
☆▪وكل سفرة يا صاحبي •• تعلّمك الحذاقة
☆▪التريس تتلاقى •• والجبال ما تتلاقى ... 🔥🔥
وسام/ أني مش طالع من إهني لين نفهم ولا بعركة
حسام/ متخلينيش ننطلق عليك نوريك نجوم الليل ف عز الضهر 😡
وسام/ تعالى هي زود 😏
حسام/ برا ف حالك شكلك مكسد للنم ..🤨
وسام/ إيه ... بلكي مش عاجبك 😒
حسام/ تي برا ف حالك امششي 😡
وسام/ حنمشي لكن دوشكا صلحها ودلعهالي كويس 😏
حسام/ خيرها معجنة ومضروبة من كل تركينة .. مخليها كاغط معكرش😑 هكي يحتفظو بالأمانة
وسام/ أهو جبتلك أمانتك لعندك بش تصلحها إنت 😁
حسام/ خلاص بنسكرها الورشة معش بنخدم سيارات..
وسام/ امالا شن بتخدم
حسام/ بنخش على تصميم الأزياء 😑
وسام/ وشن بتصمم؟ 🙄
حسام/ شخاشير  .. 😒
وسام 😂😂.. باهي المهم دوشكا دلعها ..
حسام/ 🤦‍♂️
وقف حسام وجي لوسام .. اطلع سلّم ولدي فكني منك .. وفجأة يطيحو صواريخ عالمنطقة .. دووووف 💣دووووف 💣بوووووم 💨💨💥💥
خش صالح ووسيم ومحسن
حسام/ هذا شنووو القصف ؟؟ 😰 قريب اهنايا ..
وسام تيليفونه يرن فتح الخط / الو
هيتم/ ضربو المقر 💔 وطاحو صواريخ على حياش مدنية
وسام/ هي أني جاي .. فيه موتى ؟؟
هيتم/ هلبااا يا دولة هلباااااا 😰