[Unicode]သင်္ကြန်အကျနေ့-
ညနေပိုင်းလောက်တွင် ရဝေတစ်ယောက် ရှပ်အကျႌအပွ ဘောင်းဘီတိုတစ်ထည်ကို ဝတ်ကာ အခန်းအပြင်ထွက်လာ၍ အမေဖြစ်သူ မျက်လုံးပြူးသွားရသည်။"ဟဲ့ သား! ဘယ်သွားမလို့တုန်း ! "
အမေမှ အထူးတဆန်းမေးသော်လည်း ရဝေမှ ပြုံးသာပြုံးပြပြီး အိမ်အောက်ဆင်းသွားလေ၏။ထို့နောက် ရေပုံးတစ်ခုကိုဆွဲယူကာ ရေကန်ထဲမှ ရေများကို ခွက်နှင့်ခပ်ထည့်လေသည်။ သူ့လုပ်ရက်ကြောင့် အမေဖြစ်သူ တငေါင်ငေါင်နှင့် လိုက်ကြည့်နေ၏။
"သား အဲ့ဒီရေတွေကို ဘာလုပ်မလို့တုန်း! "
*ဘာလုပ်ရမှာလဲ! ဟိုကောင့်ကိုရှာပြီး ရေလောင်းမလို့ ! ဒီကောင် ဒီအချိန်ဆို ထွက်လောက်ပြီ *
စိတ်ထဲ၌ကျိတ်ကြံနေသော်လည်း နှုတ်ကတော့ လျှောက်ညာပြောလိုက်၏။
"ရွာထဲက ပန်းပင်တွေ ရေလောင်းမလို့! "
ပြောပုံဟာလည်း အချိုးမကျလှ၍ သူ့အမေအံ့ဩသွားလေရဲ့။
"ဟေ ! ရွာထဲက ပန်းပင်တွေကို သားကဘာလို့ ရေသွားလောင်းမှာတုန်း ? "
ဆင်ခြင်ပေးတာ မှားသွားပြီမို့ ရဝေ သူ့ခေါင်းကို သူပြန်ရိုက်ချင်ပါတော့သည်။
"မဟုတ်ဘူး! ဟိုဟာ သားမနေ့က တရားနာသွားတော့လေ! လူသွားနည်းတဲ့လမ်းမှာ အပင်တွေညိုးနေတာတွေ့လို့! အဲ့ဒါ သွားလောင်းမလို့ ! "
ပေါက်တောက်ကရတွေ ဉာဏ်ဆင်ပြီး ရဝေလျှောက်ပြောရင်း အမေ့ကို သွားကြီးဖြီးပြကာ တက်တက်ကြွကြွနှင့် ရေပုံးကိုင်ပြီး ထွက်သွားတော့သည်။
"အကိုကြီးရေ! ရှင့်သား စိတ်မှမှန်သေးရဲ့လား? လမ်းထိပ်ကအပင်တွေ ရေသွားလောင်းမယ်တဲ့တော် ! "
ပုံမှန်မဟုတ်တဲ့သူ့လုပ်ရက်ကြောင့် မိဘတွေပင်အံ့ဩကြရသည်။ အဲ့ဒီလို သူ့စိတ်ကို ပြောင်းလဲပေးလိုက်သော သင်္ကြန်ရေလောင်းလိုက်သည့် ထိုကောင်လေးအား ရဝေ ရှာပုံတော်ထွက်ခဲ့ပါတော့သည်။
*တွေ့မယ် ! မင်း ရောက်နေလောက်ပြီပေါ့ ! မင်းက ကောင်မလေးတွေကိုအလစ်သုတ်ချိန် ငါမင်းကိုအလစ်သုတ်မယ် ဟားဟား ! *
YOU ARE READING
Short Stories (By Layaung Linn)
Short Storyဒါလေးကတော့ သာသာစိတ်တိုင်းကျ စိတ်ကူးထဲမှာရှိတဲ့ short storyလေးတွေကို တင်ပေးသွားမှာဖြစ်လို့ အားပေးကြပါဦးနော်.... အခုကတော့ သင်္ကြန်အိမ်တွင်းအောင်းရင်း စိတ်ကူးပေါက်လို့ သင်္ကြန်ficလေး စတင်ပါပြီ😍😍😘 ဒါေလးကေတာ့ သာသာစိတ္တိုင္းက် စိတ္ကူးထဲမွာရိွတဲ့ short...