مزاچ الشيخ(ابن عمي)

البارت السابع عشر

عمري ماگلت للناس محتاچ
بس هسه تنازلت ومحتاچ اشوفگ 🖤

رگعت الباب وعفته برى امشي بالگراچ وصاح

حسين_اعصابچ ست ليان خير

درت وچهي عليه كتلة
حسين لاتتدخل وياي

حسين_ها ست ليان تردين الناس تمشيها بمزاچج

هزيت ايدي گتلة انته شتحچي

حسين_اي حقچ هزي ايدچ ماعچبچ العچب
اني بسرعه دخلت مااريد اتنشاقش وياه وهم برا ..دخلت واسمع صوت خالتي ام عباس  معقولة چايه بهذا الوگت دخلت لغرفه امي شفتها بسرعه حظنتها
ام عباس_هلا يمه هلا شكد انتظرتچ
شعچب اچيتي مامصدگه

ام عباس_شني مامصدگه اچيت علمودچ هاي شوفيني بلحمي وبشحمي

ضحگت وانزعت العبايه لان بس امي وهيه ومروه

ام عباس_يمه عود بعين الحاسود شني هالزنود بس لاهيچ طلعتي ورحتي هسه يضربنچن بعين

امي_خيه شمالچ گولي يا الله قل اعوذ برب الفلق

ام عباس_غير هاي گطعه من چبدي اخاف عليها
گافي راح تسونها معرگه مابيه شي والله راح اروح ابدل وانزل غير تباتين خالة

ام عباس_وين اباتن اذا عباس موجود اهنا
لعد شنو بهذا الوگت ترچعين

امي_شني السالفه لاتسوينها گلش يبات يم الولد هسه يچي علاوي وهشام شنو السالفه وانتي يمنا والله حبيبه

ام عباس_گون يرضه هوه وينه

يمگن طلع ويا عباس وهشام واني راح ابدل واجيچن وغصبا على عباس تباتين

ام عباس_اي بلگت يسمع گلمتچ
ضحكنا شويه وگمت خليت الشال على جسمي رحت للمطبخ ولگيت مروه تسوي عشا

مروه_هلا بليونه اگلچ تعاي سولفيلي شلونها الخطبه
اني درت وچهي اني مااحچي وياچ
مروه_ليش يلمسودنه
ليش مااچيتي مروه يعني اريد اعرف شبيچ
مروه_ولچ والله غير عمتي الچبيرة مااكدر اعوفها وزحمه وشفتي لندا طگتها فلته وراحت لاهلها
اي اعرفها هاي الحيه
مروه_يا صوتچ فضحتينا راح ننعلس
راح ابدل وارجع اعاتبچ
مروه_دروحي هم يالة تعاتبيني
هزيت ايدي ورحت صعدت دخلت للحمام لان الچوا يصمط من الحر طلعت لبست دشداشه زيتوني مخصره بس مابارزه چسمي(ذبيت الاسود وراى وفات عمي باربع اشهر امي مااقبلت وهم ابوي لان بنيه مايصلح) مشطت شعري ظفرته ظفيره وخليت شال خاف عباس يشوفني زحمه ونزلت لگيت مروه صابه العشا بغرفه امي بس النا وبغرفه للاستقبال لابوي واخواني وعباس

ام عباس _نعيمن شني هالعطر
الله ينعم عليچ والله مو عطر هذا ريحه الشامبو
ام عباس_ريحته اطر الخشم ودعوفينا هسه من العطر تعاي وأشرتي يمها. گعدت
نأگل ونسوالف ومروه الفطيرة كل شويه غاصه ونضحگ عليها خلصنا العشا گمت غسلت المواعين باوعت للساعه10ونص