မဟောင်းတဲ့ပုံပြင်

Chapter 36

"ဟုတ်လား"
"အင်း
အဲ့ဒါကြောင့် ဖုန်းမသုံးဖြစ်လို့လို့ပြောတယ်
အရမ်းစိတ်ပူမနေပါနဲ့"
"ဟုတ်
စိတ်ကတော့ ပူတယ်
ကိုကို ကျွန်တော့်ကို စိတ်ဆိုးပြေမှာပါနော်"

"အင်း ပြေမှာပါ
အခုပဲ ဘလော့ဖြေပေးလိုက်မယ်လို့ပြောတယ်
ကြည့်ကြည့်လိုက်ဦး"
"ဟုတ် မမ
အားနာလိုက်တာ"
"ရပါတယ်အေ
ကျွန်မသူငယ်ချင်းကိုပဲ စိတ်ဆိုးအောင်သွားမလုပ်နဲ့
ဟွန်း
မန်းလေးလာသတ်မှာနော်"

"ဟုတ် စိတ်ချပါ
ဒါပထမဆုံး နဲ့ နောက်ဆူံးပါပဲ
အခုကို လူကတော်တော်နေမရဘူး
နောက်တစ်ခါ ကိုကိုသာစိတ်ဆိူးရင်
မမလာမသတ်ခင်ကတည်းက ကျွန်တော်သေနေလောက်ပီ"

"အမလေး
သိပ်ပိုနေကြတယ်
ကဲ
ကိုယ့် ကိုကိုပဲ ဂရုစိုက်လိုက်
ဒါပဲ"
"ဟုတ် မမ
ဘိုင်ဘိုင်"

ဖုန်းချသွားတော့ သူ့မှာ ပိုပြီး နေမရထိုင်မရဖြစ်လာသည်။ အိပ်ရေးပျက်တာနဲ့ အားနည်းတတ်တဲ့ကိုကို၊ အခုလည်း သူ့ကြောင့် ဘယ်လောက်တောင် စိတ်ဆင်းရဲ နေရလွန်းလို့ အိပ်မပျော်လည်းမှမသိတာ။ သူစကားပြောပေး၊ ချော့သိပ်ပေးမှ စိတ်ချလက်ချ အိပ်ပျော်တတ်တဲ့ကိုကိုက
အခု သူချော့မသိပ်တဲ့ ဒီ လေးရက်အတွင်းဘယ်လိုလုပ်အိပ်ပျော်မှာလဲ။ သူသင်တန်းတက်တဲ့ရက်တွေ တကယ်နောက်ကျလွန်းလို့သာ ချော့မသ်ိပ်ခိုင်းပဲ သူ့ဘာသာ မနည်းကြိုးစားပြီး အိပ်ပျော်အောင်အိပ်ပေမယ့် ခဏတိုင်းနိုးလာတတ်လို့ တရေးနိုးတိုင်း သူပြန်ချော့သိပ်ပေးမှ နှစ်နှစ်ခြိုက်ခြိုက် ပြန်အိပ်ပျော်တတ်တာ။ ဒါတွေကို သိရက်နဲ့ ကိုကို အဆင်ပြေမှာပါလို့ ဒီမကောင်းတဲ့ကောင်က မျှော်လင့်နေခဲ့မိသေးတာ။ အခုကိစ္စမတိုင်ခင်အထိ အလုပ်တွေများပီး အချိန်ပိုတွေဆင်းရလို့ ပင်ပန်းနေသေးတာ။ ဒါကို သူက ထပ်စိတ်ဆင်းရဲအောင်လုပ်မိတယ်။ လူပင်ပန်း စိတ်ပင်ပန်းနဲ့ ကိုကို ဘယ်လောက်တောင် စိတ်ဆင်းရဲနေမလဲ။ သူမကောင်းတာပါ။ ကိုယ့်ကိုယ်ကို ရိုက်သတ်ပစ်ဖို့ပဲကောင်းတော့သည်။

မမအိလေးဖုန်းဆက်ပြီး မကြာခင်မှာပဲ ကိုကို့ဆီ​က ig ကနေ video callဝင်လာသည်။ သူ့မှာ ခြေဖျားလက်ဖျားတွေပါ အေးစက် တုန်တက်ပြီးတော့ မရဲတရဲ ဖုန်းကိုင်လိုက်သည်။ ဖုန်းscreenမှာပေါ်လာတဲ့ ကိုကို့မျက်နှာလေးကြောင့်ရင်ထဲနင့်သွားသည်။ ဒီ မမြင်ရတဲ့ ၄ ရက်အတွင်းမှာ ကိုကို့မျက်နှာလေး ချောင်ကျသွားတာ အသိသာကြီး။ အခုလည်း အိပ်ယာထဲမှာ အိပ်နေရင်းနဲ့ သူ့ကို နွမ်းလျလျ ပြုံးပြနေသည်။ အခုချိန် သူ့ကို ဒေါသထွက်ပြီး ဆူငေါက်ရင် သူအာ့လောက် ခံစားရမယ်မထင်ဘူး။ အခုလို မချိပြုံး ပြုံးပြနေတာကပဲ သူ့ကို ပိုပြီးနာကျင်စေတာ။
"ကိုကို
နေမကောင်းဘူးဆို"
"အင်း
အလုပ်နည်းနည်းပင်ပန်းသွားလို့"
"ကိုကို
မောင်တောင်းပန်ပါတယ်နော်
မောင်မှားပါတယ်
နောက် မလိမ်တော့ပါဘူး
နော်
မောင့်ကြောင့် ကိုကို နေမကောင်းဖြစ်ရတာ
မောင်တကယ်တောင်းပန်ပါတယ်"