سلام عايكم
شونكم طمنوني على اخبارك
.......
الهم صل على محمد وآل محمد
اليوم حبيت احجي بموضوع يمكن اغلب الناس فاهمي غلط
يلي هوة طاقة الإيجابية
خلي اطيكم مثال
اغلب الناس من يوكعون بفد مصيبة وتكللهم اتفائل يا اخي توكل على الله يكولون هوة اني حظي زفت وين التفائل وين الخير ووووو...
وهاذا شي غلط ليش؟
خلي اكللكم
احنا عدنا داخل جسم الإنسان عقلين
هسة تكولون عقلين شنو وين صايرة؟!
اي عقلين!
عقل واعي يلي انتي تفكر بي وتخطط وتذكر مواقفك وتدرس بي.. والخ
والعقل الثاني هو اللاوعي يلي مو دامناً تتحكم بي ويلي يضهر من نكون عصبين ونحجي حجي غلط ونندم علي ومن نحلم بأشياء غريبة ومو مفهومة ومن تكتب مثلاً كلنا بأنشاء نكتب شكو شي يخطر بالنا وهيج نشوفة
ومتتخيلون جكد قدرتة قوية على حياتنا بشكل موطبيعي
يعني من خلالة تكدر تجذب شكو شي تريدة تجذب حظك ان كان حلو او لا وحتى من ناحية دراسة اكو اشياء تحس متكدرلها بس لو تقنع عقلك الباطن (الاوعي) تكدرلها وبقوة هم وتجذب سعادة وتكدر تجذب حتى شي موزين اذا جان تفكيرك سلبي 🤷🏻♀️
وشون تتحكم بي؟
اني اكلك
تنطي كلمات إيجابية دامن نفسك
مثلاً اني اكدر. اني حلوة. اني قوية. اني اكدر افهم هاي مادة بهيج فترة. اني مو اقل من فلان وفلان
هيج راع يسوتعب العقل الباطن او الاوعي ويظل يخزن هاذا حجي لحد ما يبدي يجذبلك هاي الاشياء
وغلط كلش غلط اني تندب حظك لان هيج حتقنع داخلك انو انت صدك حظك موزين وراح يجذبلك شكو شي موزين
ومو معناها اذا تريد تكون إيجابية يعني تظحك ٢٤ ساعة
لا هيج حصير تافه او خبل مثلي 😂🤦🏻♀️
عادي تحزن وضوج اذا صار وياك موقف موزين بس مو بطريقة مبالغة
لازم تفرغ طاقتك السلبية واكو عدة امور
مثل
1 _ابجي _ لان بجي كلش مفيد ( يطلع طاقة سلبية + يطلع شكو سموم بل جسم)
2_ اشكي ربك_ شكوة لرب شي يحل كل مشاكلك
تخيل انتة شخص كدامك كاعد يبجي ومقهور ويناجيك وانت تكدر تساعدة وتعرفة خوش ادمي
مو حساعدة وتشفق علي؟!
كيف لعد اذا الرب هوة يلي تشكيلة وتبجي كدامة وهوة خالقك؟
