حب بعد عمر الـ25 سنة

البارت الخمسون

علي: صعدت فوك بسرعه وصاير نار طلعت رقمها  واتصلت عليه هي فتحت خط واني مانطيتها مجال كبل نزلت عليه
لج اسمعيني زين انتي شكد وحده حقيره  ومامربايه وطايحة حظ  وماتستحين ماتوقعتج هيج ادبسز وحياله عبالي وحده فقيره وماتعرف شي وبريئه طلعتي داهيه يامينا والله اعلم شنو انتي لج فهميني شلون كدرتي هيج تسوين وشلون وصلتي اله والله عمي انتن البنات كلشي اسوون لج فهميني ليش ليش بصياح لج هيج اطعنيني لج ماصار النه شهر م̷ـــِْن انفصلنا بسرعه ركضتي وحبيتي ولج ماصبرتي ومنو اقرب الناس الي لْـۆ واحد غريب اكول ميخالف بس والله يامينا لْـۆ تموتين مااخليج توصلين للي تردي نجوم السماء اقرب الج وشوفي شلون راح ادمرج مااطلع اسمي علي اذا مادمرتج متندم شلون هيج حبيتج ووثقت بيج الله كريم الايام بيناتنا وراح اندمج واخليج تبجين دم وتنعلين الساعه الي شفتيني بيهة بس اصبر عليه وسديته ‏​‏​بدون مااسمع كلمه وحده منها
واني صاير نار والاغراض الي ع الميز كلهن كسرتهن وكلبت الغرفه كلاب اشويه وسمعت الباب يتكسر ودخلو عليه اهلي وصار عمر بوجهي
بدون وعي كمز عليه ودك بوكسيات
عمر: فتحنا الباب ودخلنه اشو علي طفر عليه وضل يضرب بيه اتفاجئت شبي بس ماسكتت هم دفعته وضربته بوكسي بوجهه
الكل:  😳😳😳😳😨😨 مصدوم م̷ـــِْن الي كاعد يصير
النسوان ضلن يصارخن
حيدر: جريت علي ولزمته وفهد لزم عمر
علي: لك حيدر هدني خلي اموته الًيَوُمًِ
عمر: شبيك ڵـڱ شنو تخبلت اسويتلك وهيج ضربتني هدني فهد اكولك
علي: لك مالكيت غيرها هااا كولي مالكيت غيرها
عمر: شنو هي شبيك شكاعد تمسلت انت شارب شي
علي: لك منو الي يمسلت وطفرت عليه
عمر: تتعال انت الظاهر جلدك يحكك
الجد: لكم انتم ماتستحون ماتحشمون الكبار تتناكزون كدامي ادبسززيه طالعه عينكم وضربهم راشديين
عمر: جدي هو اتهجم عليه بدون سبب
علي: تعرف كلش زين شسويت انت
عمر: اشسويت بله فهمني ولو انت شاخط
علي: لك هاي عليمن ردت اضربه وجرني حيدر ودخلني للغرفه
ام عمر: يمه وليدي عمر وجرته ونزلوا جوه
الجد: لك علي شبيك تسودنت انت شصاير
علي: جدي سالفه بيناتنا انتم اطلعوا منها
الجد: انت صدك صاير ماتستحي وسفه ونزل
علي: وانتم شكو يلا الكل ينزل مااريد اشوف احد
الكل نزل جوه ولهسه محد عرف شنو الموضوع
عمر: اخذ امه وطلع لبيتهم بدون مايحجي شي

وتحول بيت الشيخ ضاري م̷ـــِْن فرح الي حزن مثل ماتحول فرح مينا لحزن بسبب تهور علي وعصبيته

مينا: بعد مافتحت خط اشو ه̷̷َـَْـُذآ نزل عليه ضليت متفاجئه شبي هذا شكاعد يحجي شصاير وع شنو يقصد منو ه̷̷َـَْـُذآ الي احبه كعدت بالكاع وضليت ابجي. احس كلبي ضل يوجعني م̷ـــِْن الكلام الي سمعته والاهانه

جمانه: شفت مينا تبجي اجيت اركض عليها
مينا حبيبتي شبيج احجي شصاير استوج فرحانه ليش تبجين
مينا: رفعت راسي شفت امير واكف ومبين خطيه ضايج ويريد يبجي
هااا مابيه شي هاي دموع الفرحه حبيبتي يلا حبيبي اموري روح للغرفتك اريد ارتاح
امير: اجه باسني حبيبتي مينو لا تبجين وراح
جمانه: مينا فهميني شبيج ليش تبجين
مينا: لج هسه خابرني علي وسولف الها كلشي كاله
جمانه: استغفر الله ه̷̷َـَْـُذآ شيريد لخاطر الله شنو مانخلص منه
مينا: ماادري شبي ولج ضل يغلط عليه ويحجي بس كلشي مافتهمت
جمانه: كافي حياتي ه̷̷َـَْـُذآ كل ما نفرح الازم ينغص فرحتنا الله ياخذ ونخلص منه
مينا: اسم الله لا تحجين هيج عليه
جمانه: استغفر الله ربي واتوب اليه بعد كل هذا ودافعين عليه
مينا: ميخالف لا تدعين عليه ورحت للفرش ضليت ابجي لحد ماغفيت ماادري بنفسي

علي: بعد ماتعاركت ويه مينا وهنتها وضربة عمر احس نار كلبي ماهدت بالعكس زادت وردت انتقم ‏​‏​منـِْها بس شلون الله كريم يصير خير يامينا اني اعلمج شلون هيج ادكين الناقصه وياي وتفترين ع ابن عمتي بس الي مدوخني شلون عرفته وشلون كدرت توصل اله لآزٍمٍ اعرف
اخخخ يابويه لْـۆ يمي الا اشرب م̷ـــِْن دمها وهم ماارتاح اني هيج اسويه بيه

نور: بعد ماصرت الهوسه وعمتي ام عمر طلعت زعلانه هي وابنها وخطيه ساره ماتهنت بخطبتها وراحت هي واهلها لبيتهم والبيت فرغ اشويه وحجه جدي

الجد: بويه احمد حيدر محد يفهمني شصار شجراله اخوكم
احمد: والله جدي جنا مثل الورد كاعدين ونسولف ونشاقه مصار شي
الجد: ماتكولون ليش تعارك هو عمر
حيدر: جدي والله مانعرف كلنه تفاجئنا بالي صار حتى عمر م̷ـــِْن خابرته كال والله مااعرف شبي علي وليش هيج سوه
فرح: اخاف عمر كال ل علي شي وهيج تخبل
الجد : كومي فرح صيحيلي اخوج
فرح: جدي اخاف مااصعد اخاف يصيح عليه
الجد :كومي صيحي لج بدون حجي زايد
فرح: صعدت اصيح علي واني اقرأ ايات دكيت الباب واجني صوته يرعد
علي: خير شتردون
فرح: علي جدي يكول خلي ينزل يريدك
علي: هسه نازل
فرح: نزلت اركض خفت جدي هسه يكول نازل
حيدر: ههههههه شبيج راح تموتين
فرح: يمه صاح عليه بعصبيه
علي: دخلت سبحت وهديت نفسي لآزٍمٍ اكون هادئ وبدلت ونزلت لكيت الكل وجهه مكلوب ومجتمعين
حيدر: لج فرح اخوج يمكن خبل ع كولت جمانه
فرح:  😒😒 وشذكرك بيها محد خبل اخويه غير اختها
حيدر: انجبي عاد هو خبل م̷ـــِْن كاعه
يحجي ويه نفسه( اووف هو اني شوكت نسيتها حتى اذكرها والله لْـۆ ماسالفة علي جان هسه خطبتها بس اخخخخ )
فرح: 😏😏😏😏
علي: السلام عليكم
الكل: م̷ـــِْن وره خشومهم وعليكم السلام
الجد: شبيك بويه تسودنت وهيج ضربت ابن عمتك لا خجلت واستحيت م̷ـــِْن عمتك
علي: جدي سالفه بيناتنا
الجد: وشنهي السالفه هاي ماتكولي
علي: جدي كتلكم بيناتنا وان شاءالله يومين واحلها
الجده : سوده عليه يمه عمر طلع مكسور خاطره
فرح: اي جده ومو بس هو حتى ساره خطيه نكسرت فرحتها
الجده: اي يمه سوده عليه دومها مكسور خاطرها
علي: لا ياالله شلون نـًسّْيـت سارة عمتني عصبيتي اووف يامينا اسويتي بيه
يلا اني اترخص اروح اخابر ساره اطيب خاطرها

الجده:  وعمر وعمتك مااطيب خاطرهم
علي: جده عمر سالفته يمي يصير خير اودعناكم وصعدت لغرفتي حتى اخابر سارة بس دك تلفوني

يتبع ........