حب بعد عمر الـ25 سنة

البارت الخمسون

سبعة وتسعون وصية،  كان اولها واوسطها واخرها
جرد ثقتك م̷ـــِْن الجميع ،حب ذاتك دائما وابدا

للكاتبه
اديان احمد
user51812396

مينا: كاعدين ودكت عليه دعاء
دعاء: لج مينا الحكي طلعت اسماء الاعتراضات مال التعيينات
مينا: شنو صدك شوكت
دعاء: قبل شويه نزلوهن
مينا: بشري طلع اسمج لْـۆ لا
دعاء: اي لج طلع الحمد لله مامصدك
مينا: الف مبروك حياتي ماشفتي اسمي
دعاء :الله يبارك بيج لا والله نسيت من الفرحه
مينا: عادي حياتي هسه اني اشوفه
دعاء: يلا حبي اني اروح وبشريني
مينا: ان شاءالله حبيبتي سديته منها بس شنو كلبي ضل يدك سريع مدري شبيه
جمانه: هاا مينا شبيج خير وجهج نكلب
مينا: جوجو نزلوا اسماء التعيينات
جمانه: كولي والله واسمج بشري
مينا: والله هسه دعاء كالت الي واسمها طالع
جمانه:  وانتي ولج
مينا: بعدني ماشفته
جمانه: خرررب شمنتظره يحظي شوفي ولو اكولج انتي فكر خلي اني اشوفه لْـۆ ننزل نخلي بابا يشوفه احسن
مينا:  وهي مرتبكه انجبي وامشي ننزل نكول ل بابا احسن
جمانه: نزلت تركض بابا بابا وينك
ابو مينا: ووجع شبيج اصيحين مينا بيها شي
جمانه: بابا طلعن اسماء التعيينات هسه
ام مينا : يااا شوكت ومينا طلع اسمها
جمانه: ماندري هو اجينا لبابا حتى هو يشوفها
مينا: اي بابا حباب انت شوفهن كلبي يوجعني خايفه
ابو مينا: صار باباتي بس انتي هدي نفسج مو زين عليج
مينا: ان شاءالله بابا وفتح الحاسبه ودخل ع الرابط وكلنه واكفين فوك راسه اني وجمانه وماما وامير وكلنه خايفين عبالك اريد استلم شهادة السادس نفس الخوف والارتباك ع وجوهنا اشويه وبابا كال
ابو مينا:  مبروك بنيتي اسمج طالع
مينا:  بهاللحظه كعدت بالكاع وضليت ابجي وامي ضلت تهلهل وبابا وجهه فرحان وجمانه تركص وتكمز هي وامير يمه شلون فرحه ولحظات تحسين ملكتي الدنيا لان التعيين هو سند البنيه بوقتنا الحالي
ام مينا: شبكت مينا الف مبروك حبيبتي والله فرحتلج
جمانه: مبروك ياروحي م̷ـــِْن هسه اول راتب الي
امير: ولي اول راتب الي
مينا: ههههههه تتدللون بس خلي استلم
ابو مينا: كافي ولكم ويلا كل واحد ع غرفته
مينا: صعدنا فوك وجمانه وامير ماهدوا بس يركصون عبالك خطبتي مو تعييني وتهز ههههههه الفرحه ماواسعتني شويه واتصلت دعاء
دعاء: هااا مينا بشري
مينا: الْحٍمَدٍ للـّہ حبيبتي طلع اسمي
دعاء: الف مبروك تستاهلين
مينا: •اللّـہ̣̥ يبارك بيج حياتي
دعاء: صدك الاحد نروح للتربيه علمود نباشر بالمعامله
مينا: ان شاءالله حبيبتي
دعاء: يلا باي
مينا: باي سديته واذكرت يبووو الاحد عندي موعد ويه عمر شلون نسيت
جمانه: شبيج مينا
مينا: لج الاحد لآزٍمٍ اروح للتربيه علمود المعامله والاحد عندي موعد ويه عمر
جمانه : واذا شنو دزي رساله ل عمر وكولي اله مااكدر اجي الاحد وروحي الاثنين عادي
مينا: صدك ولج شلون نسيت طلعت ذكيه وماادري بيج ههههههه
جمانه: عفوا حبيبتي ترى اني م̷ـــِْن زمان ذكيه بس محد مكتشفني
مينا: ايبااااه يانيوتن زمانج
جمانه: اصلا حياتي نيوتن اني دزيته يم الشجره وكوتله اكعد هنا هسه توكع ع صماخك تفاحه م̷ـــِْن احترك يومه مو تفاحه حرك عشيريتنا م̷ـــِْن وراها ههههههه
مينا:  ههههههه. ولي لج مخبله
جمانه: فديتني وين اكو مِڼـّي
مينا: صح بس بالشيشان وكاعد ينش ذبان ههههههه
جمانه: وهسه شنو اضحك مثلا
مينا: ههههههه دولي لا اصيح حظج
جمانه: خلي اكمل ركص شد عيني شد ركصني ياكدع 😂😂💃💃
مينا: اخبال هسه يطيح حظج بابا اباوع عليهم هي وامير شلون فرحانين ويركصون والفرحه ماوسعتنا. ولو اني مامكتوب الي افرح بيوم لآزٍمٍ يصير شي ينغص عليه فرحتي
دزيت رساله ل عمر
هلوو ياحلو مااكدر اجي يوم الاحد ع موعدنا لان صارت عندي شغله ضروريه بعدين اكولك عليها م̷ـــِْن اشوفك ان شاءالله ع يوم الاثنين
ثواني واشوف تلفوني دك وجان رقم اخر واحد افكر بي يتصل عليه علي المتصل معقوله فرحت يجوز عرف طلع اسمي وراد يباركلي يعني لهسه مارحت م̷ـــِْن بالي فتحت خط وياريتني مافتحته اجاني صوته يرعد وعصبي خله كل الفرحه تروح مِڼـّي وصدمني