بنت الشيطان

المشهد التاسع /العاشر

ياجماعه دي مشاهد بس الغرض منها التسليه واني أعرض لمحات من طفولة ابناء الابطال عشان بإذن الله الجزء التاني مش هطول في طفولتهم اوي انا هعرض أجزاء من طفولتهم وبعدين هبدأ في قصتهم لما يكبروا فاللي حابين انهم يعيشوا مع طفوله الأبناء اكتر بإذن الله هذكرها في الجزء التاني بس المشاهد دي مش اقتباس ولا حاجه دي مشاهد اضافيه عشان لما نبدأ الجزء التاني يكون عندنا فكره عن حياه كل عيله وصفه كل طفل منهم
اتمني تكون المشاهد بتعجبكم واني سبت ولو أثر بسيط فيكم وبجد بفرح لما حد يقولي انه ضحك بفرح اني كنت سبب في بسمه ولو صغيره ادام الله السعادة للجميع يارب والضحكة 🌷🌷❤❤🌸
احبكم في الله 😘 😘 😘

المشهد التاسع
بدأت ساره تسرد حكايتها
Flash bake

ساره لزوجها الذي ينافس ابنها في العاب الفيديو / مازن معلش تعالي هات السمنه من الرف عشان عالي اوي
مازن وهو ينظر للشاشه أمامه / لحظه ياساره بس  هخلص الجيم ده وهاجي 
زفرت ساره بضيق وقررت هي التصرف فأخذت مقعد وضعته أمام الخزانة التي تضع بها الطعام ووقفت عليه ومدت يدها ولم تصل له رفعت نفسها اكثر  وتعلقت بالرف وحشرت رإسها في دولاب الأشياء ومسكت العلبه بنصر جاءت لتخرج ولكن علقت في الداخل ولم تستطع
ساره / يا نهاري هخرج ازاي دلوقتي يا مازن يا مراد مااااااازن
مازن وهو يدخل /  اهو جيت عايزه....  انتي بتعملي ايه
ساره ورأسمها محشور ونصف جسدها  في الخزانة وهي معلقه عليها / لا عادي كنت بتشمس انت بتهزر يا مازن خرجنننننني
دخل مراد علي صوت والدته / ايه ده ياماما بتعملي ايه
ساره / طبعا ماهي وراثه خرجوني
مازن وهو ينظر لابنه / تفتكر نخرجها ازاي نشدها انا وانت
مراد بهدوء وتفكير / لا مش هينفع كرشها هيتحشر اكثر
ساره وهي تصرخ عليه / سمعتك علي فكره يا معفن انا هوريك الكرش ده بس اخرج
مازن /عجبك كده اهي  دلوقتي هتخرج تعلقنا مكنها
مراد /معلش هي الحقيقه دايما مره
مازن وكأنه ا كتشف كنز / لقتها احنا نجيب منشار ونقطع النص اللي جوا
ساره / وليه يا حبيبي ما تقطع الجوانب والكرش وخف الحموله وهتعرف تطلعني
مازن وهو يدعي التفكير / فكره برضو ايه رأيك يا مراد
مراد بتفكير / فلنفترض انك نفذت فكرتك مين اللي هيعمل اكل لينا
مازن وهو يجلس علي طاوله المطبخ / صحيح كده موقفنا مش هيبقي كويس مش هنعيش طول حياتنا نأكل من الشارع اي نعم هي بكرش بس مفيده
ساره من وهي مازالت معقد / معلش لو هقاطع المؤتمر اللي عاملينه علي شرف كرشي ده ممكن تطلعوني الأول عشان دقيقه كمان وانا اللي همسك المنشار اقسمكم بيه اتنين زي فلم saw
مازن وهو ينهض بسرعه /لا خلاص اهو تعالي يامراد ساعدني

Back
ساره / ساعتها جاب المنشار ونشر جزء من الخزنه عشان يطلعني ههههههه
سمر بضحك / ههههههههه وانا اقول البت مره واحده اتشفطت ليه
ساره / ذلوني من ساعه ولاده مراد وانا جسمي زاد والصراحه مازن عمره نا حسسني اني قليله ابدا بس قلت كفايه بقي وعملت نظام محترم ونزلت النص
نور بضحك / ههههههههه سمر احكي انتي بقي حاجه
سمر / 😂 😂 😂 هحكيلكم جزء صغير من حياتي اليوميه

Flash back
كانت سمر تقف في المطبخ وهي تقلي بعض البطاطس
وناري وروجي في الخارج يضعون احمر شفاه لبعضهم
ناري / اثبتي يا بت انتي مش عارفه احط الروج. دخل سراج في هذا الوقت واقترب منهم
روجي / اضبطيه كويس ومتقلهوش عشان ميدو مش بيحب الروج التقيل عشان بيغير عليا.
نظر لهم سراج ببلاهه شديده
ناري وهي تتحدث مثل الكبار وليس كفتاه في السادسه / انتي لسه مع الواد ده علي فكره مش حلو خالص
روجي / اهو اي حاجه بقي بدل ما انا قاعده لوحدي
سراج  بصوت منخفض/ ياختي
ناري / بس مش عارفه حساه بخيل خالص
روجي / فعلا تخيلي اخر مره عزمني علي سيناكولا مش بيبسي
سراج / ملوش حق
ناري / يععععع للدرجه دي لا انتي تسيبيه احسن قلته احسن ياختي
روجي / فعلا بفكر اخد الخطوه دي بس لسه محتاره مش عارفة اعمل اية
سراج بسخريه / صلي استخاره يا حبيبتي صلي استخاره يا ضنايا بقي انا بناتي بيصاحبوا اولاد يا معفنين
البنات وهو يصرخون / بابا.
سراج / اه بابا ياختي انتي وهي انتم عارفين انا مش مضايقني في الموضوع السيناكولا دي
روجي / شوفت يابابي
سراج وهو يخلع حزامه / شوفت يا قلب بابي ودلوقتي هنسمع كلنا
صرخت الفتيات فخرجت سمر من المطبخ وهي تحمل طبق البطاطس / فيه ايه يابنات
فزعت من شكل سراج ووضعت الطبق علي الطاوله / استهدي بالله ياسراج فيه ايه
سراج / اتفضلي يا هانم بناتك المحترمين االي الكبيره فيهم ست سنين مصاحبين  والمفعوصه الصغيره دي مصاحبه واحده اسمه ميدو وبتعاني معاه بسبب السيناكولا
سمر وهي تنظر لابنتها / نعم ميدو هو احنا مش كنا قفلنا موضوع ميدو ده خالص وقلتلك ده بخيل ومعفن
سراج وهو يرفع الحزام / حتي انتي يا كلبه طب والله لاوريكم
ركضت سمر وبناتها للاعلي وهم يصرخون وقع نظر سراج علي كب البطاطس اقترب منه وجذب الورقه الموضوعه أسفل البطاطس لتمتص الزيت وجدها ورق الصفق الجديدة صرخ صرخه هزت ارجاء المنزل / سمرررررررررررررررررر

Back
نور بضحك وهي تمسك بطنها / يخربيتك هموتتت بس بجد انتي وبناتك صعبين بنات في السن ده ومصاحبين
سمر /  مش عبدالرحمن برضو كان هيخطب من فتره
نور  بضحك / هههههههه متفكرنيش انا كنت هموت وقتها
ولا دانه
سمر بضحك / ههههه انتي وعيالك عموما ياستي روجي وناري كانوا بيلعبوا وبيقلدوا مسلسل وسراج فهم غلط وانا الصراحه بحب اعصبه فمشيت معاهم في التمثيل ههههههههههههه
ساره/ يخربيتك يعني مفيش ميدو
سمر بضحك / ولا ابو ميدو وحياتك
سراج وهو ينظر لها / ابو ميدو......

يتبع

بإذن الله هخلص المشهد الخاص بالرحلة دي ومش هتنزل مشاهد تاني لاني بحضر في الروايه الجديده وهبدأ انزل اقتباسات ليهم يارب تعجبكم هي مش كوميدي زي دي بس فكرتها بإذن الله تفيدنا جميعا وتكون ممتعه وجديدة
احبكم في الله 😘 😘 😘
دمتم سالمين
رحمة نبيل ♥ 美心
再见