طاري اسمك يبچيني 💔

البارت الثاني

صباح الخير لاحلى قراء ومتابعبن ✨✌

متابعه لحسابي وتصويت smjank

طاري اسمك يبجيني
بقلم الكاتبه سماح ✍
البارت الثاني ،،

وياك الوكت محتار خلاني
اعتب ع الزمان الماجمعني وياك
وبدرب السراب شلون مشاني
بعد كل البنيته وبيه ماظل حيل
اجه بلحظه الزمان وهدم بنياني
وبعد جرح الامس ولك يازمن ماطاب
وصدك كالو تشافيني بجرح ثاني
لا صاحب تركته ولا حبيب وياي
وع صفحه حزن خطيت عنواني
وعموما ياحبيبي واغلى ماحبيت
انت اول محب استحل وجداني
الف مبروك اكولك من كَلب ولسان
مو كلمه واجتني بطارف الساني☄✨

والتفت والكَه نوري ببتسامه مكر وعيونه ناطه كال

نوري : احممم شلونج ام بنان

بلعت ريكي بخوف: حياااك اخويه نورتنه ..ردت اعبرة  وافوت ..هز راسه بمعنى لا لا ورجع اشر على راسه وفر اصبعه بمعنى اتذكري  وراح للمغسله يغسل هوة شطلعه اصلا مدري خفت منه حيل شايفين من واحد ربك يزرع بوجه قبول او رفض هذا الواكف كبالي يختلف جذريا اذا اكول بيوم جان حبيبي يي جان لان بدون اسباب اختفه واني جنت مثل ثوله مأمنه بي وهسه شكله ميطمن ومو راحه معقوله سنين تكشف ع كبر شنو داخل النفوس هذا شكله شراني حيل ..صافنه بحركته طلع ضياء  وكف ورجع رحب بنوري ورة مغسل وفاتو للديوانيه .. نص ساعه وحلن بناتي  من دوامهن وفاتن  بنان خامس اعدادي وبان سادس ابتدائي فاتن وبنان كالعادة لازم لسانها يلعلع

بنان: يالله شكد كرهت هالصخيمه انوار  عليش تنفش ريشها مدري

سألتها: شبيج ماما روحج طافرة شصار

بنان: هاي ست انوار  يكول تكرة يصير عدنه شاغر اله تركع فوك روسنه تحاضير ونوب تنطينه كتابه مرتين مرتين مو جهال والله ترا اعداديه اليوم حاسبتني لان ممجلدة الكتاب

روحو بدلو وصوتكم نصو خطار يمنه بنونه خلصي وتعاي ساعديني عفيه بنيتي ..

راحن ورجع مخي يفكر شبي معاتبني نوري ولا كلف نفسه يبررلي اني شعندي مدوخه نفسي بي عندي ضياء يسواه وممقصر وياي بريشه بس هم ليش مبرر اعتذر وعافني مفكر بيه مفكر اهلي ينطوني لان ميعرف بالبينه شنو اااااخ شكد خايفه من جيتك ينوري

احس بين مخلص اليوم وصبينه غدة وراهه جاي وراح روحت الراح بله ردة مدري ليش كَلبي معمل علي ومن شفت شكله ورة هالسنين الكضن عشرين سنه راحن ونسيته وبالعشرة والايام حبيت ضياء وهوة مقصر ومن شاف امه تعيل وياي طلعني وخلانه نترك ديرة بعظمتها ونجي هين نسكن ابغداد  وصرنه بغداديات بناتي هنه وصغار اخذن طبع بغداد بس اني لساني بي شمرة لديرتنه واخويه المدلل بعد عمري لربيته ع ايد هوة لوحيد يزورنه وكل ما يجي محمل صناديك برتقال وجاي والبنات يحبنه البنات شافو عماتهن وخالاتهن مرة وحدة من جينه لبغداد وراهه بكم سنه جتي خطابه ومشيه لاختي اخر العنكود ورحنه الهم وجانن بوكتها كبار فوك الخمس سنوات اعمارهن وبعدها مرحت عليهم طريق بعيد وضياء بوكتها مجان عندة سيارة جوة ايدة والكروة جبيرة بزمن قبل ورة السقوط كلشي غله  وحته بالاعياد منروح ضياء شلون حب طبع بغداد كام يكرة ديرته مو تبرة من اصله بس امه بعدهي بحيلهه وكل متشوفني تسمم بدني ام البنات لماوراهه غير خلفه تعري لو ام السحورة لفت لابني وخلته يكره اميمته وديرته لو ولوووو فضياء كرة المكان بسبب سوالفهه اجذب واكول مكيفت بس تبقه امه واني بكبرتي رايدة بنواتي يبرني توسلت بي مرتين نروح من جان العيد يجي بس هوة جان يطلعنه للزوراء لو يفررنه ونروح للمصور ونطك صور يعني نتونس  بس تبقه بكلبي اهلي ممنجمعه وياهم وهمه هم تقريبا تعودو وامه نستنه من كامت تسيطر ع اخويه خالد زوج بنتها وحاطته جوة ابطها وعفت كلشي مدور وراهه شلي بدوخه الراس بس اخويه الكعدة لا يزورني هوة كليه عسكريه هسه وشكله يهبل واظل اقرة وراه ايات واطش مي لو راد يطلع من بيتنه البغداد يجينه بالسنه مرتين تلاثه بالاعياد وثالثه حسب طخه اما ضياء  الله فاتحها علينه فتح محل تأسيس مياه وسجله باسمي يكول ضمان خاف اموت امن عليج وع بناتي وجان حنون بشكل اني وياه عودنه بناتنه يحجولنه ميبقون شي بداخلهم حته نتلاحك اذا اكو غلط واذا حبن يكولون ماريدهن يعيدن غلطه امهن واخر المتمه يطعنهن ويلف ظهرة ويدور لا من يحبن خل اعرف واتصرف ويجي يطك بابهن ويتقدم ..