مشاهد سينجل هدايا بره الروايات

مشهد منفصل تابع لابطال رواية شيزوفرينيا (حسن وزوجاته تقى&جميلة&ضحى)

مشهد منفصل تابع لابطال رواية شيزوفرينيا
(حسن وزوجاته تقى&جميلة&ضحى)
💫💫💫
_بتبقي متلّصم و يومك بيعدي بالزّق و الناس تستكترها عليك !
عارفين انك بتعدي بظروف صعبة بس صالب طولك بالعافية و مستكترينها عليك !
شايفين مرضك و رضاك بالابتلاء بس مستكترينها عليك !
لو مُبتلي في صحة حد من ولادك بس مش قالب عيشة غيرك نكد كل ما يقولك عامل ايه فا يقوموا يستكتروها عليك !!
الدنيا عمالة تمطوحك يمين و شمال و تجيبك تحت رجلها و رغم كده راضي و حامد و عشان مش قالبهالهم مناحة يقوموا مستكترينها عليك !
بينكشوا علي اي تفصيلة في حياتك تبانلهم عشان يقنعوا نفسهم انك معندكش مشاكل و يستكتروا عيشتك عليك
بتستكتروا علي الناس انها بتقاوح عشان تفضل واقفة بتعرج علي رجليها !
مستكترين ضحكة وحيدة طلعت في وسط بحر دموع ! و مسكوا فيها و تجاهلو كل الوجع اللي فاضحاه عنينا !
مستكترين اننا بنمثل اننا كويسين ! مستكترين اننا بنقاوح عشان لو وقعنا مفيش حد هيسندنا و لا ياخد بإيدينا نقوم !
مستكترين علينا اننا متلصمين ! ده ايه الجبروت ده !
كان يضع حسن رأسه مستنداً الى راحه يده حتى انتهت مريضته من الحديث عبر _التواصل اون لاين_ كان يعطى جلسه من جلساته ولكن لاسباب الحظر يقوم بها عن طريق الانترنت.
_طيب حاسه ان ايه ممكن يحصل ويسعدك ؟
_بتسألنى انا يا دكتور حسن ؟ انا الل بسأل حضرتك اعمل ايه
_ارجعى للبيست بتاعتك
اتسعت حدقة عينها واكمل حسن حديثه
_هى الل كانت بتهون وبتريح وبتفهمك يا روان ، هى بعدت لاسباب انتِ متعرفيهاش وانتِ كبرتى دماغك
_مكبرتش دماغى يا دكتور ...انا كرامتى وجعتنى
_كرامتك كانت اكبر من حبكم ومودتكم لبعض ؟مع احترامى بس فن العلاقات ميعرفش كرامه
بعدت كان لازم تسأليها ،ومع ذلك دا حوار وعدى من فترة
انا شايف دلوقت انكم اكيد واحشين بعض ، وانك تقوليلها ع كل الل واجعك دا وترجعى ترتاحى فحضنها من تانى
ابتسمت روان ، ف أنهى حسن جلسته بابتسامة كعادته قائلا
_يلا نتقابل اون لاين الجلسه الجاية ياقمر وانتِ بتبلغينى باللى حصل
اغلق حسن الحاسوب ، ونهض من غرفته الى الخارج ف كانت ضحى تتحدث الى الهاتف ومن ثم حينما وجدته اغلقت المكالمه سريعا ،انتبه حسن لهذا الامر.
ومن ثم بعدها رن هاتفها ف اغلقت هى فى وجه المتصل ، مما ازعج حسن فقام بسؤالها
_مين دا الل بتكنسلى عليه ياضحى؟
تصنعت الارتباك وقالت
_ممم لا دى مكالمه مش مهمه
_ايوة مين يعنى
_زينة صاحبتى،هبقى اكلمها بعدين
_وهى زينه برضو الل قفلت معاها اول م خرجت من الاوضه ؟!
_حسن ...فيه ايه يابو على مالك
_مالى برضو
سمعا صوت طرق الباب، ف هم حسن بفتحه نظراً لحركه ضحى الضعيفه وحملها بطفله الجديد
ليجدها تقى زوجته الثالثة!
_سونسونتى! انا نفسي ف شيبسي دلوقت دلوقت دلوقت
_طالعة من تحت يا تكتك عشان شيبسي ؟
_نفسي فيه والنبي والنبي والنبي
_بس يا روحى احنا بعد ميعاد الحظر ، عاوزانى عشان كيس شيبسي ب٧جنيه ادفع ٠٠٠٤جنيه!
اخذت تقى تدب بقدميها ك طفلة لم تتعد ال خمس سنوات ومطت شفتيها السفلى ، ف اقبلت ضحى نحوها تشدق شفتيها قائله
_جرى ايه يا حبيبتي ، عشان كيس شيبسي عاوزة تودى الراجل القسم
انتِ لو مش عايزاه ،احنا بقا نتمنى تراب رجليه
نظر حسن ناحية ضحى مردفا
_نعمة الله ،اهدى شوية
نظر ناحية تقى مرة ثانية بعدما تذكر شيئا
_تقى انتِ سيبتى الولد وطلعتى ؟
_لاء ، انا سيبته ل جميله ،م انت عارف يا سونسون انا بقرف اغيرله
كانت تتحدث وهى تتلاعب بياقه قميصه وتمرر اصبعها على ذقنه وفتحه صدره بدلال ، ف تحدث لها حسن
_وهى جميلة هتعرف تغيرله ي تقى حتستهبلى؟
رن هاتف ضحى ف دلفت تجيب المكالمه بينما كانت تتحدث تقى الى حسن
_اختها ياسونسون وبعدين جميله بتحب تَقّى وبتحب تلاعبه مع جميلة الصغيرة
اقتربت تقى منه اكثر وهى تمرر اصبعها على شفتيه وتنظر له نظرة اغواءها المعهودة
وتتحدث بصوت منخفض
_حسن
_قلبه
_سونسون
_ياعيون سونسون
_حسونتى
_يانحم
_م تخلى يومك عندى انهاردة وافكس ل ضحى
غمزت ب احدى عينيها ضحك هو لينظر الى الداخل ويعود بنظره إليها
_لو ضحى سمعتك هتقطعك
صوت خطوات ضحى حتى انضمت اليهم ثانية
_ايه ياجماعة هتفضلوا كتير عالباب !
دنت تقى من ضحى وقالت ب ابتسامه مصطنعه
_دودو ممكن استاذنك ف حسن الليلادى
ابتسمت ضحى ابتسامه عريضه وقالت
_فور شور يابيبي اتفضليه
نظر حسن ناحية ضحى رافعا حاجبه قائلا بتعجب
_من امتى السماحه دى انى مباتش معاكِ الليلة
_عادى يابو على ،شايفه ان تقى عيونها هتطلع عليك
اوما حسن ب رأسه وطلب من تقى ان تهبط الى شقتها الآن وس يلحقها فيما بعد ودلف مع ضحى واغلق باب الشقه
_انتِ مالك مش طبيعية ،سرحانه وساكته وبتتكلمى وتقفلى لما تشوفينى
وتكنسلى المكالمات ، مالك؟
تلعثمت وبللت شفتيها ،ف امسك حسن بمعصمها بقوة قائلا
_انا مش هقولك ورينى فونك ولا اى هبل ،بس أقسم بالله هتستعبطى كتير هتلاقى نفسك بتاخدى بقفا ايدى على وشك ،سامعه ولالاء
_انت فاكرنى بخونك ياحسن!
_مترسميش وش البراءة دا ،متعرفيش اصلا تخونى كنت قلعت راسك من ع جسمك
_عاوزنى اقولك الحقيقة
_قولى الحقيقة وانتِ بتكدبي ي ضحى
ضحكت ضحى بشدة ،وقفزت رغم اعاقتها تعانقه وتقبله كثيرا اما عنه ف غير مستفهم ماذا يحدث
حتى قالت هى وقد تهللت اساريرها
_انا معرفتش اكمل فاللعبه ، انت بتغير عليا يا حبيبي؟ يعنى حاسس ب وجودى وفارق معاك
_انتٌ عبيطه يابت ،انتِ مراتى وام ابنى فيما بعد يعنى
_بس عشان كدا يابوعلى
_ وانتِ عارفه عشان انك حبيبتي طبعا ،لكن شغل استعباط...
قاطعت حديثه وهى تعلل ماحدث
_انا كنت بعمل فيك مقلب ، الل بترن داليا صاحبتى واتفقت معايا اعمل كدا اخليك تغير شوية
وتفلفل من ناحيتى وترجع تحس بيا
امسكها حسن بقوة واعطاها قبله طويييله بشفتيها ومن بعدها نظر مباشرة الى عينيها قائلا
_انتِ مجنونة وهتموتى وصواميلك مفكوكه كدا ومش عارفه بحبك ازاى ويمكن اكتر منهم كمان
_يعنى مش هتبات عند تقى ؟
قالتها عابسه وجهها مثل الاطفال ف احتضن راسها اليه وهو يضحك
_ هشوفها واطلع لك حاضر ،وبطلى جنان لاحسن كنت هولدك دلوقت
طبعت قبله على وجنته وبعدها اجابته
_احبك ياشرس
هبط الى تقى ودلف إليها ف وجدها فى المطبخ والمكان معبئ بالدخان الكثيف ، لم يستطع التنفس
واخذ يسعل ومن ثم فتح الشبابيك
_تقى بتعملى ايه ؟ بتولعى فينا ولا اييه
_لا ياحبيبي بعمل بسكويت العشر دقايق
_يادى بسكويت العشر دقايق الل خلص على دقيق مصر وخللى نسوانها تتجنن
دلف الى المطبخ وجدها ممسكه ب صحن به مخبوزات متفحمه للغاية وهى تمط شفتيها
_اتحرق منك يا حبيبي؟
اومأت برأسها كالاطفال
_معلس يا مسكر دا من رحمة ربنا ليا
_طب انا عاوزة شيبسي
_يا حبيبتى لو نزلت هتحبس
_ماليش دعوة هاه هاه
_طب تعالى نعمل اختراع تانى ونعمل شيبسي فالبيت وبلاش انزل
_لاااااااااء
امسك بجسده من اليمين يتصنع الالم ف ظهر ع وجهها الخوف واقتربت منه واحتضنته
_ايه ياقلبي انا ،جنبك واجعك ياروحى
اقترب منها والصق ظهرها بحائط المطبخ وهو يتحدث اليها بهيام
_قلقت عليا ياتكتوكه
_وانا ليا مين ياروح تكتوكه ، انا قولت كليتى مش قايمه بالواجب كنت هديك التانية والله
_سلامتك يا حبيبي وانت تعيش ب ايه ي مسكر
_مش مهم انا المهم سونة
الصق جبهته بجبهتها وتحدث مصوب عينه عليها
_طب عشان كلامك الحلو دا،هننزل نلف بالعربية وقت الحظر وزى ماتيجى تيجى
هبطا سويا واخرج سيارته وادار المقود ووقفت تقى بنافذة السقف بالسيارة وشعرها يتطاير وحسن يدير صوت مشغل الموسيقى بصوت عالِ ويغنى معه.
على هذا الحال حتى رأتهما دورية الشرطه فتتبعتهما ولاحقتهما ، كانا يهربا منها وهما يضحكا غير خائفين
_تعالو بالحضن ، حلال عليكم ال٠٠٠٨ جنيه ي حكوماااه ،اهو بدل م البس ف٠٠٠٤عشان كيس شيبسي ياست تكتك هدفع ٠٠٠٨
وعلى هذا الحال يستقبلا الوباء يتضاحكان حتى تمر الايام وينجلى هذا البلاء..
{مشهد منفصل}
حسن وزوجاته ابطال رواية شيزوفرينيا
#نورإسماعيل