هلو شلونكم....
علاء،،اؤؤف زينب ترى مليت وطكت روحي اريد اجي اخطبج وما تقبلين شنو سبب غير اعرف
زينب،، ماكو سبب بس مو هسه
علاء،، كولي ما ترديني وحاطه عينج ع غير واحد
زينب،،شنو هاذ الحجي علاء،،اؤؤف زينب براحتج براحتج وفصل الخط
ضليت اتصل عليه ماكو ضل اسبوع ما يحجي وياي
ورا اسبوع اتصلت عليه وحجيت ويا وراضيته وكتله بس ارتب وضعي واشوف اهلي يقبلون يزوجوني لولا واني ارجعلك خبر
ورا فترة بده الدوام وداومنه وشفت علاء حبيبي ونطلع ونتونس ويوم عن يوم يزيد حبنه
ورا شهرين كالو راح نروح سفرة ورحنه سفره بالطريق نضحك ونسولف. وشباب يغنون ويركصون وعلاء يغني(الشوك الشوك كاتلني يزنوبة)وصلنه وصعدنه بالالعاب علاء راح ويا اصدقاء واني رحت ويا صديقاتي وجاي نلعب طوبة اجه علاء شفته خزرني اجه علينه
علاء،،،زينب تعاي
زينب،،ي حبيبي جاية
ها حبي شبيك
علاء،،،شنو جاي اسوين
زينب،،،حبي جاي نلعب طوبة
علاء،،،عفتج نص ساعه اجيت لكيتج تلعبين طوبة وتركضين وصوت الضحك مالتج واصل الاخر الدنيا
زينب،،حبيبي يعني اني لمن جايه غير اتونس
علاء،،،بعصبيه جاي حتى اطفرين وتلعبين طووبة
اني صدك ضجت عفته ورحت هوا صاح عليه مو جاي احجي وياج
اجه وراية ولزمني من ايدي
علاء، من احجي وياج لا ادورين وجهج وترحين
زينب،،علاء ترى مليت تريد بس سي حتى تحجي عليه
علاء،،،حبيبي اسف والله بس تدرين بيه اغار عليج
زينب،،بس مو هيج تفشلني كدام البنات
علاء،،حبيبي كتلج اسف خلاص لا تكبرين الموضوع
زينب،،،،اوك
علاء،،شو من ورا خشمج
زينب،،اوك حبي يلا خلي نروح
رحنه كال تعاي نصعدبالعبه(المكص)لا حبيبي اخاف والله
علاء،،،حبي اني وياج امشي
زينب،،،حاولت ويا علاء لان اني اخاف من هاي لالعاب
صعدنا واني ميته خوف شغلو لعبه وصارت قوية واني ضليت اصرخ من الخوف ولازمه ايد علاء وهوا يضحك عليه اخير شي صاح بصوت عالي احببببج زينب
هاذ صديقة ويانه بالكلية اسمه مخلد
مخلد،،،والله خبصتنه ب زينب
علاء،،،لك هاي تاج راسك
وخلصت لعبه ونزلنه واني شالي خربان وكحلتي خربانه من البجي شافني علاء ضل يضحك عليه
يكلي طلعتي اشبهين جبار هههههه
عفته ورحت للحمامات عدلت نفسي ورجعت لتمينه كلحنه بنات وشباب وحطينه غدا جاي نتغده ونضحك ونسولف
مخلد وحسنين يضحكون واني اشاقة وياهم وحسنين بالشقة كلساع وطكني
علاء،،باوعلي ورفع حاجبه😠شنو هاي الميانه ست زينب ويا حسنين
زينب،،، ي عادي حبيبي نشاقة
حسنين،،،اهوو علاء خلي البنيه خطية حسرة عليها تحجي كلمه اذا ما حاسبتها
علاء،،،وانته منو مخليك محامي عليها
زينب،،ي عفيه حسنين دافعلي
علاء،، لا والله كليله بعد احبك وكومي حضني
زينب،،اوك كايمه
وضلينه نضحك هههههههه
بعدين كتله حبيبي اموت عليك والله
رجعنه من السفرة واجت عطلة نص السنة وعلاء قرر يخطبني
علاء راح اكل لامه ع حبنه وكلها اريدج تخطبيلياها
خابرلي علاء،،هلو حبي حجيت ويا امي والجمعه تجي الكم
زينب،،،اوك حبي
علاء،،شبيج اشو ما فرحانه
زينب،،،لا حبي بالعكس فرحانه بس خايفة
علاء،،ليش حبي خايفة واني موجود
زينب،،خايفة خاف اهلي ما يقبلون
علاء،،،حبي حتى لو ماقبلووو اخطبج مره و مرتين وعشرة
المهم اجه يوم الجمعه واني خايفة كلش بعدين كلت المرت اخوية كتلها خلود راح يجي علاء يخطبني
خلود،،صدك والله ي خلي يجي
زينب،،بس خاف ما يقبلون وهسه يكولون وين يعرفني
خلود،، مالج علاقة خليها عليها
زينب،،خلود شنو راح اسوين
خلود،،مالج علاقة
خلود راحت لامي
(طبعا خلود تكل لامي ماما)
خلود،،ماما جوارين اهلي جاي ادور لبن اخوها مره وامي كلتلهم ع زينب تنطونها
لام،، ي يمه ننطيها خلي يجون
خلود،،ي اليوم العصر يجون
لام،، هلا بيهم
خلود،، ولج زينب حليتها روحي خابر ع علاء كليلها اذا سالو من عرفتونه خلي يكلون عن طريق اهل جنتكم
زينب،،حضنت خلود تسلمين يعمري والله ما انسالج هاي وكفتج وياي
خلود،، لايعمري انتي اختي وهسه روحي خابري ع علاء
خابرت ع علاء وكتله واتفقنه العصر اجت ام علاء واخته اني بدلت لبست بدي ماروني واسود وبنطرون اسود وفتحت شعري ومكياج خفيف المهم رحت قدمتلهم واني فرحانه وخجلانه ومتوترة
وكعدن يسولفن وسألني شن ادرسين وشكد عمرج علمود نبين كدام اهلي مايعرفوني وامي هم سألتهم منين عرفتونه وسألتها ع علاء وامي كلتلهم اشوف ابوها وارجعلكم خبر
اجه ابوية
لام،،ابو محمد اليوم اجو ع زنوبة خطابة
لاب،، ي وشنو هذول منين وشنو اصلهن فصلهن
لام،، الولد عمره 24 ومخلص كلية علوم بايلوجي(اهل علاء كلو لاهلي انو علاء متخرج حتى لا يشكون😎)وووووووو سولفتله كلشي
لاب،،خلي يجي الولد ويصير خير
امي خابرت ع ام علاء
لام،،السلام عليكم شلونج ام علاء
ام علاء،، وعليكم السلام هلا بيج خيه الحمد لله انتم شلونكم
لام،،،بخير اذا انتم بخير
ام علاء،،،ي خيه بشري شنو ردتكم
لام،، خيه حاجيت ابوها وكال خلي يجي الولد وان شاء الله خير
ام علاء،،ان شاء الله باجر نجي
لام،، لا لا تجون باجر ابوها باجر بالدوام تعالوا عكب باجر
ام علاء،,, ان شاء الله خير
واجه اليوم الي يجي علاء يشوفني واني حيل خايفة حسبالك اول مره اشوفه واجه حبيبي ونضر عيني لابس بنطرون ازرق وبدي ابيض وحذاء رياضي ابيض طالع يخبل فديته😍اني لبست تنورة ماروني وبدي كريمي كلش حلوات وحطيت مكياج خفيف طلعت اخبشش😇 وكعدو وضل يسولفون تالي صاحولي حتى ادخل بس اني شنو ولا قطرة دم بيه نسيت طلعاتنه ونسيت روحاتنه ورا القاعات😂😂خفت كلش تالي اشجعت ودخلت كتلهم السلام عليكم وكعدت بس شنو كعدت ورا ابوية
و جان يخلص البارت
الكلنات 864 كلمه
