####################
#المطلقة
إسمها #هدي تطلقت من زوجها لأن طلع مدمن مخدرات رفضت تعيش معاه وتتحمل طيشه وبعده عن الدين وقررت تنهي هالارتباط وترجع لبيت أهلها
بس للآسف لقت روحها في غابة وقعدت تصارع لأجل الحفاظ علي نفسها 😢
هدي رأس بنت وعندها زوز خوت شباب وآحد أكبر منها وواحد أصغر وأمها وبوها متوفين
خوها الكبير(هيثم) : اسمعي تطلعي قطع رقبتك مش تخدمي
هدي: شن فيها يا هيثم
هيثم: درتيلنا العار واتطلقتي وروحتي وفوقها بتخدمي
هدي: الطلاق عار؟
هيثم: أيه عار شن يقولوا عليا الناس
هدي: شن بيقولوا مثلا
هيثم: أخته مطلقة
هدي: وشن فيها
هيثم : بالله ترا صكري فمك وموضوع الخدمة انسيه
هدي: كسدت بروحي
هيثم: ان شاء الله تموتي ترا نوضي ديريلي قهوة
هدي: ودموعها علي خدها حاضر😭 وناضت تلاقت مع هشام خوها الصغير
هشام: خيرها تتبكي
هيثم: تبي تخدم
هشام: طيح سعدها هذا ما ناقص
هيثم: كنت مخطط نتزوج ياراجل جت غيرت المخطط
هشام: بالك تو يجي شئ أرمل ولا شيباني يأخذها
هيثم: ياريت
هدي سمعت الحديث وزادت تألمت خوتها عزوتها وسندها قالقين منها😢
آه وخلاص محرها لما أقرب الناس ليك يكسروك ويجرحوك ويزيدوك علي مابيك واعرة💔
#####################
#المتأخرة_في_الزواج
إسمها #رتاج خواتها وخوتها كلهم متزوجين وهي قاعدة مع بوها وأمها متوفيه بوها أسمه #علي
رتاج: صحة صحة يابوي
علي: سلم بنتي
رتاج : خلي نديرلك طويسة خضراء
علي: رتاج خوتك ليهم أسبوع ما شوفتهم حتي الصغار معاش نزلوا
( الحاج علي داير لولاده نظام شقق فوق حوشه وكل وآحد فيهم مشغول بحاله وعياله ولا سالين علي أب ولا أخت)
رتاج: لا لا جو ينشدو عليك لقوك راقد (تكذب تستر علي خوتها) علي: يا توجة مش باهي ليك الكذب وخنقاته العبرة وبكي😢
رتاج جرت حضنت بوها وبكت معاه وقعدت تبوس فيه وتقوله الله يعينهم مشغولين يابوي
علي: مسح دموعه وقال خايف عليك أنا كآن متت شن بيصير فيك
رتاج: بكت وباست رأسه وقالتله بعد عمر طويل يابوي 😢
✒
#عند_أميرة (المتزوجة)
زينب : يا محمد أركب شوفها خيرها غطست فوق 😳
محمد: تو تنزل فوتيها😒
زينب: أهي شرفت الهانم 😏 شني غطستي فوق شن كنتي اديري فوق 😠
أميرة: غسلت البسطات ونشرتهم 😢 طبعا كانت مبلولة وحالتها حالة تسخف💔
زينب: أن شاء الله غير حكيتهم باهي 😕
أميرة: والله لين إيديا وجعوني 😔
زينب: سم الله عليك 😏 هي خشي للمطبخ حطي العشي ع النار وسخني الشاهي وهاتيه بسرعة😏
أميرة: عمتي دقيقه نغير قفطاني بس
زينب: أمشي طيبي العشاء قوتلك ولا غير تعاندي فيا إنتي 😡 أميرة: يا عمتي قفطاني مبلول نغيره وحاضر
زينب: تكسرلي في كلامي 😠 يا قليلة الرباية ترعشي فيا حسبي الله ونعم الوكيل فيك ( طبعا اتدير في شو بيش أميرة تأكل طريحة كبرت الموضوع وخلاص)
محمد: خيرك يا أمي😳
زينب: بنت هالحرام اتطول عليا في لسانها تحسابني ملوحتلها
أميرة: أنا مش بنت حرام 😢 وما قوتلك شئ
زينب: تكذبي فيا😭 (دموع التماسيح بلعاني تشحن في الأجواء)
محمد شدها من شعرها : يا كلبة تردي علي أمي 😠 وشدها اعطها طريحة نباش القبور
زينب: خلاص ما ترعشش روحك وليدي تعالي قعمز جنبي
محمد: حيوانة هذه تطول في لسانها 😠
زينب: أنت دلعتها هلبة ياوليدي هذه تبي الكبس 😏
محمد: تو يبانلها في الجديد 👌
علي خشة مجدي (خو محمد ): السلام عليكم
الجميع: وعليكم السلآم
مجدي : شني مافيش عشاء 😔
زينب: محمد كلمها تحط العشاء ياوليدي خوك جعان
محمد: حاضر وضبح علي أميرة
محمد: أميرة أميرة 😡
أميرة: طلعت من الدار ودموعها علي خذها وجسمها متدقدق في الطريحة وبصوت حزين وتعبان نعم 😞
محمد: خشي ديرلنا العشاء 😠
أميرة : حاضر 😢
مجدي: أميرة بالله فنجان قهوة في طريقك
أميرة: حاضر وخي ومشت للمطبخ
مجدي: ضربتها😡
محمد: أيه 😏
مجدي: عيب عليك ياراجل كل يوم طريحة شن دارتلك مسكينة
محمد: مرتي نضربها وندير فيها شن نبي
مجدي: اتقي الله في نفسك ياراجل تخدم عليك وأنت راقد وقايمة بيك وبينا مفروض تحطها فوق رأسك مش تضربها
زينب: تخدم عليه حتي هي محصلته زين وعين ألف واحدة تتمناه ولدي
مجدي: زيدي إنتي اشحنيه عليها عيب عليك يا أمي مفروض تحسي بيها وتوقفي معاها اللي شيلاتك علي كفوف الراحة وتخدم فيك ليل نهار
محمد: غصبا عنها تخدمها مش بجميلها
مجدي: لا بجميلها مش مجبورة هي
زينب: أنا عارفاتك علاش ناوي لكن النجوم السماء اقربلك يامجدي 😡
مجدى: اللي نبيه ح نوصله يا أمي واللي اتديرو فيه مع أميرة غلط وعيب ولا يرضي ربي ولا عبده
طبعا مجدي حنين هلبة وديمة واقف في صف أميرة لكن مسكين معنداش ليها جهد إلا أن هو يتكلم بس أهو أقل شي يكون صوت الضمير الحي في عائلة زوج أميرة وبالنسبة للي يبيه مجدي ح تعرفوه مع الأيام
هني رن تليفون محمد📱 وناض يجري للجنان يرد 😍
محمد : آلو حبي😘
رغد ( عشيقة محمد من تونس) : وي عزيزي ع السلامة 😍 .
محمد: ع السلامة يا حمامة😍
رغد: اشحالك حبي توحشتك برشا
محمد: حتي ني استاحشتك يا حبي
رغد: حمادي عزيزي نحب علي برتابل ( نقال)
محمد: من عيوني حاضر
رغد: وقتاش تبعثهولي حبي
محمد: أنا نجيبهولك حبي
رغد: ما تبطاش عليا حبي
محمد: كيف تبيه الهاتف ؟
رغد: آخر حاجه هبطت عندكم في ليبيا حبي😍
محمد: تم مايغلاش عليك ياعمري
رغد: أي باي حبي الكارتة بتقص ( قصدها الرصيد بيكمل) وفصل الخط بينهم
ولما محمد خاش تلاقي مع أميرة💔
محمد: 😳 شن اتديري هني؟
أميرة: حطيتلهم قهوة قولت بالك تبي ؟
محمد: اسمعي نبي فلوس ضروري
أميرة:الشيك عندك
محمد: معاشك ما نزلش تسلفيلي
أميرة : من منو؟
محمد: دبري رأسك تصرفي
أميرة: من وين بنجيبلك؟
محمد: عندك لغدوة ما تجبيش فلوس نقتلك
أميرة: 😔 حاضر
محمد: العشاء واتي
أميرة: قريب
محمد: خفي روحك حسني جوعت
أميرة : حاضر
وهكي خلينا أميرة 💔 المجروحة المخدوعة المكسورة المظلومة تعاني في همومها ومشاكلها تفكر كيف بتجيب هالفلوس ومن من بتتسلف ودمعتها علي خدها 😭
هلبة نساوين هكي صاير معاهم تستغربوش 😢 للأسف هذا واقع وجزء كبير من حياة بعض الزوجات في بلادي 💔
#####################
وتوا مشينا لهدي #المطلقة
هشام: أنا طالع بنجيب خضراء للحوش
هيثم: به أهو قاعد لين تجي
هشام: عينك منها 😉
هيثم: برا وما تعطلش عندي ما اندير
هشام: حاضر ومشي
هدي كانت تكلم في صاحبتها ع الهاتف علي خشة هيثم يسمع فيها تهدرز
هيثم: مع من تحكي😠
هدي: نكلم في صاحبتي😍
هيثم: صكري المصيبه اللي في إيديك خير ما نكسرها علي رأسك 😠
هدي: صكرت الخط خافت البنت تسمعها ومشت لهيثم
هدي : خيرك وخي
هيثم: ما خيرنيش تليفون معاش فيه 😠
هدي: علاش شن فيها
هيثم: هكي انتي مطلقة
هدي: شن دخل الطلاق في الهاتف
هيثم: دخله صاحبات ودوة فاضية ما نبيش
هدي: يا وخي خيرك شن هذا عمل لا وطلوع لا هواتف لا وصاحبات لا
هيثم: لأنك مطلقة والناس ح يتكلموا عليك ومش ح يخلونا في حالنا
هدي: الطلاق مش عيب ولا حرام واللي بيتبع كلام الناس مش ح يقدم في حياته الناس لا عاجبهم عجب ولا صيام في رجب مش مخلين حد في حاله ولا سالم حد منهم ومن لسناتهم
هيثم : لكن المرأة المطلقة ديمة عليها العين وأنا ما نبيش حد يتكلم عليك ولا يوصل فيك
هدي: مادامك معاي مش ح يوصل فيا شئ ياعزوتي
هيثم: 😏
هدي: هيثم شن رأيك نخطبولك😍
هيثم: ومن بترضي بواحد أخته مطلقة😏
هدي وجعتها الكلمة وناضت تبكي 😢 شن ذنبها كآن طاحت في وآحد متاع حشيش ومخدرات 24 ساعة مسطول واتطلقت منه
الذنب ذنب خوتها اللي عطوهاله بدون حتي مايسالو عليه ولا يتحروا عنه مش يرموها ولما تروح تطلع غالطة وتعيش في جحيم وسط خوتها اللي مفروض يكونوا سندها 💔
(المرأة المطلقة مراءة شجاعة وقوية لأنها اتخذت قرار الطلاق وواجهت هالمجتمع الظالم )
هدي وغيرها من الضحايا في مجتمعاتنا اللي يعانو من الظلم والقهر ألسنة الناس التافهة (مع احترامي ليكم) رآهو أمك واختك وبنتك معرضين للمواضيع هذه واللي بتقوله في هالنساء بينقال في نسائك سواء أكان خير أم شر
ياريت تخافوا الله فيهم وتخلوهم في حالهم لأن اللي فيهم كافيهم
وهكي خلينا هدي في دموعها وكسرة خاطرها اللي تسبب فيها خوها واقرب الناس ليها خلينها تفكر في نظرة خوتها ليها وفي أسلوبهم معاها 😔 وكيف ح تقدر تتحمل كلامهم اللي زي السم وكيف تقدر تتألقم مع وضعها الجديد 💔
###############
ووصلنا عند رتاج #المتأخرة_في_سن_الزواج
علي: رتاج صنة عصبان يفحفح
رتاج: أي يابوي شكله الكناين يطيبوا
علي: مالا ماتديريش عشاء أكيد أو يبعثولنا
رتاج : به يابوي
وفي حوش رياض (خو رتاج الكبير )
رياض : شني قريب ايطيب العصبان😍
سعاد( زوجته) أي قريب
رياض: الحقيني نبيك شوية
سعاد:مش وقته توا تعبانة
رياض: 😂😂😂 ياودي دماغك مشي لبعيد رآه نبيك في موضوع يخص رتاج أختي
سعاد: خيرها أختك😏
رياض: فيه وآحد كلمني عليها
سعاد: أكيد شيباني😂
رياض: لالا هذا يحبها من زمان وكل مايجي يخطبها رضوان خوي يقول لا😔
سعاد: وشن ذكره فيها ؟
رياض: والله قال نبيها ومانسيتهاش ونبي نتزوجها
سعاد: وأنت شن قوتله؟
رياض: قوتله نكلمها ونرد عليك
سعاد: لا تكلمها ولا شئ كلمه قوله مش موافقة
رياض: علاش😳
سعاد: كان رتاج تزوجت بوك من بيه من بيعانيه ولا تبينا ننزلوا لوطة ولا نلبس ولا نمكيج نقعد غير لاهية بيه
رياض: 😳
سعاد: يارياض في النهاية هي أولي بيه لأنها بنته لكن حني كناينه مش ملزومين بيه خليها تقعد تهنينا عليه ونعيشوا حني حياتنا 😉
رياض: به تو نقوله مافيش نصيب وخلاص
سعاد: هي شوية ونحطلك العصبان 😍😘
رياض: هيا هي
##########
شوفتوا الأنانية لي وين توصل بيخلوا البنت ويوقفوا نصيبها بيش مايتحملوش مسؤولية بوهم😢 قمة النذالة الحق 😡
#يتبع
#ميرو
الحلقة1
ابدأ من البداية
