بنت الشيطان

المشهد الرابع

مسا مسا عليكم يا حلويات مشهد بدل الملل ده 😂😂😂✋
المشهد الرابع

نور وهي تجلس في المطبخ بألم / اه يا كلاب يا ولاد الهبلة انتم كله بسببكم يا جذم
دخلت دانه المطبخ وخلفها عبدالرحمن وهما ينظران لامهم بخوف
دانه / ماما انتي كويسه
نور بسخريه / اوي يا روح ماما هما شويه ورم كده ويروحوا لحالهم
عبدالرحمن ببراءه مصطنعه / ماهو انتي يا ماما ماكنش لازم تكسري لاب بابا
نظرت له بشر
دانه وهي تكمل / خلاص بقي يا عبده اللي فات مات وماما عرفت غلطها
نور وهي تنظر لهم بغيظ شديد / انا فعلا عرفت غلطي اني مربتكمش كويس
ثم نهضت وركضت خلفهم وهم يصرخون
نور / انا بقي هعلقكم يا قرود انتم ما هو ده ذنب سمر وعمر اني يهدلتهم معايا فبيطلع فيا والله لاوريكم
عبدالرحمن وهو يصرخ / كده يا نور مش هقولك شوفت بابا كان بيكلم مين
نور وهي تتوقف / مين ياض خد هنا
عبدالرحمن من بعيد / لا هتضربي
نور / انت هتنضرب فعلا لو مجتش تعالي هنا ياض قولي ابوك بيكلم مين
دانه وهي تتحدث بانبهار / واحده مزه اوي يا ام عبده بس ايه صارووخ
نظرة لها نور بتعجب / صاررروخ
عبدالرحمن مكملا / ارض جو
نور / ارض جو.. هو ابوكم ساب المخابرات وبقي يشتغل في الصاعقه ولا ايه
دانه / منعرفش بس هو كان بيقولها تتجوزيني
نور بصراخ / نعمممممم ياروح امك ت ايه
دانه وهي تختبئ خلف عبدالرحمن الذي يدفعها بعيدا عنه بسبب انه خائف اكثر / اه والله ياماما انا سمعته بيقولها marry
نور بعيون تطلق شرار / ده انا اللي هماري عشيتهم
.. فين مالك؟؟
الطفلان معا بسرعه اشاروا لغرفه المكتب
ركضت نور لغرفه المكتب وفتحتها بسرعه كبيره ونظرت وجدت مالك يتحدث مع احد ويضحك نظرت له بشك واقتربت منه بهدوء نظر هو لها بتعجب ثم اكمل حديثه
مالك بضحك / هي من ناحيه قمر فهي قمر
نور / قمر
مالك / يا عم لا والله اول مره اشوف النوع ده
نور / نوع وماله القديم يابن ام مالك
مالك / لا مش هقدر اشوفها دلوقتي ممكن كمان اسبوع
نور بسخريه / وليه ما خير البر عاجل
مالك / طب يا حبيبي هكلمك بعدين
نور / حبيبي
مالك / في ايه يا نور مالك
نور / كنت بتكلم مين
مالك وهو ينظر لها بحاجب مرفوع / ليه بتسألي
نور / مين دي اللي قمر ومش هتعرف تشوفها دلوقتي
مالك وقد علم انها غارت / حبيبتي
نور وهي توشك علي البكاء / حبيبتك
هز مالك رأسه فسقطت دموع مور ثم نظرت له نظره مؤلمه وركضت لغرفتها
دخلت وأخذت تبكي فسمعت صوته / واخرتها يا نور
نور بدموع / اخرتها ايه بقي ما انت جبت اخرتها
مالك وهو يقترب منها / انتي بتشكي فيا يانور
نور بدموع هزت رأسها بالنفي / عمري يا مالك مهما يحصل ما اشك فيك بس قلبي وجعني انك بتقول علي حد تاني حبيبتك حتي لو هزار يا مالك
مالك وهو يمسح دموعها وقبلها من عيونها / دي مريم بنت أسد
نظرت له بتعجب / هي جميله ولدت هز مالك رأسه / لسه طالعه من العمليات واسد كان بيقولي انه جاب بنوته انتي بقي جبتي الكلام اني بخونك منين
نظرت له / من عيالك
مالك بحاجب مرفوع / عيالي
نور هزت رأسها وحكت له كل شئ شتم مالك أطفاله في سره / مربي جواسيس في البيت عيال معفنه بصحيح اولا البنت اللي كنت بكلمها دي عميله في الشركه وسراج كان مشغول فكلمتها
وماري ده اسمها مش عرض جواز
نظرت له بخجل شديد لما حدث
ضحك مالك عليها / عيالك دول شياطين في يوم هيودونا في داهيه
نور بضحك / مش انت من يومين تقولي عايز أطفال تاني اتنين شويه
ضحك مالك/ لا غيرت رأي مش عايز اعيش اللي حصل في فتره حملك ههههههه ولا يوم ولادتك يا نهار ابيض
ضحكت نور وهي تتذكر يوم ولادتها وفتره حملها

شعر مالك بعطش شديد فنهض ليشرب تحرك للمطبخ ليشرب اخرج الزجاجه ليشرب وكان علي وشك الخروج ولكن شعر بشئ يسقط علي رأسه نظر لاعلي بحذر وجد نور تجلس علي دولاب الأواني في الرف الاعلي وتأكل بسكوت وتشير له نظر برعب وصرخ /عفريييتت
نور وهي تصرخ / فيين فين يا مامي عفريت 👻 نزلني يا مالك بسرعه هياكل دراعي
نظر لها مالك بدقه فذهب ليضئ الانوار وبعدها وجدها ترتدي فستان قصير وبطنها أمامها كبيره مالك وهو ينظر بتعجب /انتي ازاي طلعتي فوق كده
نور وهي تنظر له بتعجب وتأكل بسكوت / معرفش انا كنت جعانه وحسيت بيك قومت من علي السرير فجيت وراك وطلعت هنا
نظر لها بغباء كيف لم يشعر بها
نور / مالك هات النوتيلا اللي عندك دي
مالك وهو يتنهد بتعب فمنذ حملها وهي دائما تقوم بأشياء عجيبه علي المرأه الحامل / طب يا حبيبتي انزلي الأول وبعدين كلي النوتيلا
نور وهي تنظر له نظره طفل / ازاي
مالك انفجر ضحك علي شكلها / حطي رجلك علي الرخامة وانا هلقفك يلا
نور / لا مش هعرف اقولك اطلع انت أسهل
مالك وهو ينظر لها ويضحك ثم وقف علي الرخامة فأصبحت هي جالسه علي الرف وهو يقف أمامها علي الرخامة / اعمل فيكي ايه بس هتجن بسببك انتي وعيالك دول
نور بضحكه خطفت عقله / بنحبك يا مالوكي والله

نظرت له نور بضحك ثواني وسمعوا صوت شئ ينفجر
نور وهي تركض / عيالك فجروا البيت
هبطوا بسرعه ونظروا وجدوا أبناءه يقفون ونظرون للتلفاز وهو محطم كليا نور وهي تشير عليهم / اهو هما والله انت شوفت بعينك مش انا الحمدلله متلبسين وخد البصمات دليل ياباشا
رفع الأطفال ايديهم في الأعلي وتحدثوا بنبره أقرب للبكاء / مش احنا يابابا ده هو وقع لوحده
نور وهي تنظر لهم بحزن وتذهب إليهم وتعانقهم / اه حبايب ماما خلاص فداكم فداكم يا حبايبي
دانه بتمثيل / يعني انتي مش زعلانه صح
نور / صح
عبدالرحمن / ومش هتضربينا صح
نور / صح
دانه / وانتي اللي هتشيلي اليله بدالنا صح
نور بعدم انتباه / صح.... ايه
عبدالرحمن بجديه / سجل دي عندك في المحضر ياباشا اعترفت بنفسها
نور / والله ابدا ياباشا دول هما اللي ضحكوا عليا
دانه / ملناش دعوه يامتهمه انتي شلتي الليله نقيب عبدالرحمن
عبدالرحمن / نعم نقيب دانه
دانه / اتفضل ياباشا نتناقش في بعض القضايا فوق في مكتبنا
عبدالرحمن وهو يشير لها / وراك ياباشا اتفضل
ثواني وكان الأطفال يركضون لاعلي ويتركون نور تقف أمام مالك الذي ينظر لها وكأنه يقول لها (انظري لملائكتك)
نور وهي تضحك بغباء ومسح علي شاشه التلفاز المحطم تماما / ها ممكن اقسط......

انتهي المشهد مش عارفه حلو ولا لا بس هو فراغ بعيد عنكم من الزهق 😂😂😂😂
رأيكم بقي فيه
دمتم سالمين
رحمه نبيل ♥ 美心
再见💋