بنت اليل ( ريمان ) 🔞

أّلَبِأّأّرتّ أّلََّسأّدَِّس

اسامه: اذا بقيتي تبجين راح ارجعج تررة

ريمان: ااخ لك ااخ ماريد اعووفهم مااريد مااريد كله من اخووك كله منه وابچي اني ماريد افارگهم

اسامه: وهسه شني يعني

ريمان: اسامه رجعني فددوة اريد بيبي اريد جدوو ماريد افارگهم مااريد رجعني

اسامه: وگفت السيارة وگتلهاا باعي راح اگلج شي واكيد ارجعج وادري بيج من البدايه مراح تبقين وحدج بغداد سمعيني ريمان اسد مو الج انسيي اهملي اتركي اسد مو الج فهمي عااد شكو موته روحج علي المايحبج شكوو تحبينه باجر عگبه يجيج سيد سيدة اتركي عوفي مع الوقت تكرهينه اسد راح يزوج افهمي عااد افهمي انتي اختي وصديقتي واني انصحج المايحبج لتحبينه اهملي وكرهي وعيشي حياتج شكوو موته نفسج ع منوو ومني يستاهل الراح راح واحنه اولاد اليووم ريمان شغلي عقلج اسد ميحبج يكرهج تعرفين شني يعني يكرهج عووفي ياختي تركي المايحبج ليش تحبينه اصبري وشوفي اذا ماجاج سيد سيدة وكولي اسامه گال هسه راح نرجع اريدج تگليلهم اني ماكدر ع فراگكم وماكدر اعيش بغداد وحدي اريد هنا يمكم ترة جدي وحبوبتي حيل تأثرو من تركتيهم ورحتي انتي جيتي صرتي منه ريمان انتي عرضنه واختنه واني صديقج شتحتاجين تعاي گليلي وشوفيني اذا مانصحج اسمعلج اطلعج اونسج انسيج موبس اسد انسيج ابوو حته ومن اليوم ومن هاي الساعه تصيرين ريمان ثانيه ريمان مستحيل يكسرهاا اسد مستحيل تنزل دمعتهاا گدام شخص ريمان قويه وميهزها شي ترة جدي گلي اقدملج ع جامعتج يعني راح ترجعين تدرسين وتنسين والله هسه راح الوف وارجع ومثل مگتلج دموعج هسه ينمسحن وبعد مينزلن مو كلماا گلولج شبيج جرن دموعج ونخرتج سويه سمعتي وهسه نمر ناخذلج جهاز بمكان ذاك

ريمان: استمع اله صدوگ حجيه وعاني هوواي نطاني حافز قووي من گلي دموعج ونخرتج سويه ضحكت گلي

اسامه: هيج اريدج دووم ضحكين وميهزج شي وضحكة متفارگ وجهج صيري قوويه سمعتي

ريمان: هزيت راسي ومسحت دموعي

اسامه: عفية هيج اريدج خلنرجع يلاا

ريمان: يلا

اسامه: خابرت علي وارشد ورجعنه تقريباا ساعتين وصلنه

ريمان : وصلنه للبيت نزلت طبيت ليجوة كلهم گاعدين بلصاله وبيبي تبجي سودة عليه ياروحي تبجين عمودي طبيت اركض حضنتهاا تفاجأت بيه وكلهم تفاجأوو بيه حضنتهاا وگتلهاا:

ريمان: بيبي اني ماعندي ام هنااك شكوو رايحة وعايفتج غير انتي اامي

لجدة: يبعد امج يحبوبه

ريمان: حضنتني وضلت تبجي حضنت جدوو گلي

الجد: انتي وين تردين تعوفينه وترحين موش تعودنه عليج اني ماكدر بدونج بس ماكدرت اردلج الطلب يبعد جدج

ريمان: ياروحي انت وبسته وحضنته والله ماهان عليه اعوفكم والله خلص ماعوفكم بعد ضليت بحضن جدي وهوة حاضني وبيبي لازمة ايدي والبنات مكيفات وخالتي وخوالي همينه لان رجعت واسد باوعتله شفته يباوعلي شافني دنگ راسة وگام صعد الغرفته

اسد: من راحت حسيت شي راح مني والله مثل الشي التتعود علي ويروح منك نتابني شعوور بلحزن والله ضجت طبيت للبيت صعدت لغرفتي ختنگت حييل والله مادري ليش تعوذت من الشيطان ماگدر شايفين الاخت من تزوج وتجي الزفة تاخذهاا وتروح المعازيم والبيت يصير وحشه شون شعور موحلوو هذا هسه شعوري اني غسلت مااكو مافاد گعدت والله بلگاع تعودنه عليهاا تعوودنه ع جايها تعودت ع صوتهاا تعودت شني اسد جنك حبيتهاا بس لا ضليت ادخن گلت يلا مع الوقت انساها وراح ازوج بلكي انسى ولو شنسا وهيه غرفتهاا بصف غرفتي دخيلك يالله اني ماريد احبهاا گمت نزلت يمهم حبوبتي گالبتهاا مناحة كلها ساكته والحزن عم على جميع يلا بمرور الوقت ينسوهاا جنت مدنگ حسيت وحدة خطفت من يمي وركضت حضنت حبوبتي وتبجي هاي هيه ? اي والله هيه لا ارادي رسمت بتسامه ع وجهي والله معرف ليش بتسمت وكأنوو كيفت من رجعت شني هاي ضلت تحجي ويه بيبي واني مدري شبيه گلبي يركض ركض شجاني يربي خفت شيب هااي لو شني شني حالي حال المراهقين صدك جذب