بنت اليل ( ريمان ) 🔞

البارت الثاني

هوة يضرب واني ازيد بلبجي لحدما شمرني ع جرباية ضل يبوس بيه حيل شگ الفستاان واني اتوسل بي بستر اخوااتك عووفني بستر اخواتك بداعت امك عووفني امشي عليك الحسين بس لاحياة لمن تنادي جاانت اكوو يمي مزهريه دنيت يمهاا سحبتهاا وضربته برااسه حيل هوة فقد فووگي ودمة گام يجري اني ركضت بسرعه طلعت بدون محد ينتبه الي لبست بنطرون وكيموني وجهازي اخذته وفلوس جنت ضامتهن وركضت من الباب الخلفي شردت منهم وركض نهد حيلي وحيل بعدت عن المكاان ادوور مااكو اي شخص بلشارع بليل شفت السيارة مالتهم اجتي وراي اني طبيت بلغابة جانت اكوو شجرات هوواي وحدايق لمهم ضليت اركض اركض وگعت ونجرحت ايدي وكملت رككض وادعي ميلزموني لان اذا لزموني اموت بعدت كلش هوواي عنهم وتيهتم زين هسه وين اروح اني شندل بربيل صار الصبح بدت السيارات تجي اريد واحد عربي احجي ويا ماكو كله كردي ضليت فاهية عليهم شحجي وياهم ذووول كلشي ماعرف اني صح جنت ادرس كردية بس ماعرف گعدت ع رصيف ودموعي تجري حيل وين اروح يربي وين اريد ارجع للبيت دعيت الله يجي واحد الي يرجعني گمت مشيت اشتريت اكل وگعدت اكل جانت اكو مرة يمي سألتني بلعربي گتلها تعرفين تحجين عربي گلتلي ايي اني من بغداد گتلها عليج الله اني همينه من بغداد فددوة اريد واحد يرجعني لبغداد فدوة گلتلي بنتي هذاك زوجيي اكلة يوصلج شكرتهاا حيل اكلت بسرعه وجه هوة هم خوش رجال والله طلعنه من اربيل وساعات اني ارجف حييل ودموعي موكفن ابد وصلنه بغداد وبعدني اررجف دليته بيتنه نزلاني يمه نطيته الفلوس وطبيت للبيت اااخ يابويه ليش ماتجي تشوف بنتك شبيهاا شسوت بيها لدنيا تعال مددت وگمت ابجي حييل هاي لمررة تندل بيتي ماعندي غير حلل بسررعه ركضت نزلت جنطي مال السفر معندي غيرر حل بس هذا لميت كل ملابسي واحذيتي وجنطي وفلوسي وكلشي اخذت كم قطعة لامي ماكدر بدونهاا هيج احسها وياي كملت لم ملاابس وركضت اني وجنطي نزلتهن بسررعه واني الهث ادري بيها هسه تجي وراي واخذت صور امي وصوري يفيدني اكيد مستمسكاتي كلشي يخصني اخذته وياي ودعت البيت وقفلت البيبان والغرف وسديت الكهربااء والمي وطلعت قفلت الباب بلقفل واخذته وياي وجنطي وياي تقريباا بيهن 4 جنط ككلش كبارر جان بيتنه بي باب ع الجيران يعني اكدر ادخل منه ف شفت جكسارات اجن لبيتنه اني رككضت حيل والجنط وياي لباب جيرانه طبيت وطببت الجنط وقفلته اسمعهم يحجون عليه وهيه دكلهم وين تروح قابل نلگاها نلگاها والله نهايتها ع ايدي هذا الباشا موحي الله واحد وهيج سوي بي اني اعلمهاا لك شفته شون گلب الملهى علينه يريدهاا وگال راح ارجع لهلي والمرة الجاية اريدها زين شون وين نلگاهاا ويين اني اسمع وكل جزء بيه يختض وابجي لمهم شاافني ابن جيرانه راد يحجي اشرتله سكت هووة جانت عدهم سيارات جيرانه لان خير من الله عدهم وعدهم 3 شباب ف اجه گلي بهمس شسوين هناا اشرتله سمعت ذوولة راحوو باوعت مااكو احد همزين حطيت ايدي ع گلبي گتله فددوة ابوس ايدك الگيلي تكسي يوديني للبصراا فددوة الله يخليك گلي خيتي احجي شكوو گتله مااكو وقت للحجي اروح بيهاا والله فدوة اخذني للبصرا گلي صدوگ جذب خيتي تعااي واني اوديج من شاربي تشكرته وطب للبيت اجتني امهم ضلت تحجي وياي وطلعوو كلهم همينه ضلو يحجون وياي واني ارجف وابجي وجنطي وياي نسيت شلابسة حته والله گلتلي امهم جاا وين امج اني نهضمت حييل وگتلهاا خاله امي ماتت صارلها سنه وشهرين شتحجين انتي هيه لطمت ع صدرها وگالت ولج جاليش ماگلتي ماحجيت ضليت سااكته اجه هذا الولد گلي يلا ابو گله دير بالك وليدي گله ماشي بويه ثيمالا طلعنه تأكدنه محد بلشارع صعدنه الجنط وصعدت اني بلصدر ونطلقنه للبصراا واني الطريق كله ارجف وابجي وصلنه تقريباا ب5 الصبح گلي وصلنه گتله بس سألي عن بيت شيخ حمزة المطوري فددوة گلي مااشي بس موهسه العالم كلها نايمة خل نرتاح شويه تعبت ونتريگ ودللي گتله مااشي هم هوة غفة بلسيارة واني عيني مترضة تاخذ نوم من الخوف وهل ياترى رح يستقبلوني لو يطردوني يربي وين اروح اذا طردوني لا انشاءالله ميطردوني ياارب صارت ب8 گعد گلي صباح الخير گتله صباح النور گلي منمتي گتله لاا فدوة يلا گالي ماشي نزل غسل وصحصح وصلنه للمطعم نزلنه ناكل تريگنه وصعدنه هم رجع نزل يسأل عليهم دلوو وين وصعد مشينه تقريباا ربع ساعه وصلنه لمنطقة كولها زرع وتخبل وبيت شبه القصر وبي ناس هواي طابين طالعين ويمه حرس واكفين ملثمين وبيدهم سلااح اني شون انزل هيج يربي دخيلك گتله علي اوگف بس لحضه وگف هوة گتله انزل من السيارة گلي ليش گتله انزل نزل سيارته جانت عاليه مضللة لمهم طلعت من الجنطة سترة سودة وياها تران شوز اسوي والبنطرون ازرگ جان ولفيت شعري كباية وحطيت عطر وعدلت وجهي وغسلت همينه وشربت مي وطلعت كلنس دگيت الجامه گتله يلاا صعد هووة گلي عم يريد يكمل سكت يباوعلي ويشم بلعطر گلي هاي انتي لو غيرج گتله ديلاا فددوة گلي يبة ايي شبيج لمهم وصلنه نزلنه يم الباب اجونه الحرس گلونه تفضلو حجيت ويا اني گتله اريد جدي حمزة المطوري مو هذا،بيته گلي يي هسه راحوو واني ادعي القوة صح بس راح گلبي يووگف من الخووف وركبي يقصفن قصف لزمت ايد علي عصرهاا هووة حيل وگلي صيري قوويه هداها جمعت كل القوة العندي وقررت اواجهة لمهم شويه واجوو گالو تفضلوو طبينه للبيت فهيت ع الجكسارات والسيارات يعني بناتت صددوگ يخبل يخبل البيت والتصميم لگيت رياجيل واكفين بلباب وياهم رجال گاعد ع الكرسي مالته ويمه عكازة حاط ايدة عليهاا عرفته هذا جددي لان جنه امي والله فولة ونگسمت بنص نفس لون العيون ونفس الخشم ونفس الحلگ والله جنه امي وانيهم اشبة امي هم عيوني خضر طووخ وشعري اشقرر فاتح وبيضة گطن حمراوية بس اني حلگي مدبدب وعندي رصعاات كلش واضحة ف ضل صافن عليه وانيهم بقيت صافنه علي گلي مني انتي گتله جدي ماعرفتني گلي احجي مني انتي طلعتله صورة بجهازي لامي اني وياها گتله ماتعرف هاي هوة ضل لازم جهازي ويباوعلي ويرجع يباوع گلي انتي بت سمر هزيت رااسي وگعن دموعي حجه واحد منهم گلي وشسوين جايه هاا وامج وين گتله خالو اممي ماتت صارلها سنة وشهرين ومحد الي اني ابوي عافني وراح وبقيت وحدي محد يريدني دخيلك جددي اني دخيلة عندك مالي غيركم فددوة وضليت حاطة راسي بحضنه وابجي گلي ارفعي راسج بت سمر ماتبجي سمعتي لو لاا اني گمت افرفح گتله جدي اري ااميي حضني وضل يبجي وياي وگلي ولج امج نستنه عافتنه وراحت ويه ابوج اني صارت بيه جلطة من وراها گتلها ولج يسميرة ابن بغداد مايفيدج ولج بس هيه حبته يجدي اني بس اشهگ بحضنه وهوة يمسح بشعري افيييش بي ريحة اامي وعلي گمت گعدت گدامة وگعن دموعي مسحهن اخذت ايدة بستهاا وگكت حضنت اخوالي وهمه هم حضنوني ويبجون اولادهم واكفين بعيد ويباوعولي ف جدي گال مني هذا الولد گتله جدي هذا الي جابني لهناا اله يكثر خيرة لو مو هوة جا هسه اني ميته من زمان گاله ونعم منك وليدي تفضل ليجوة تفضل طب علي ويه الولد جاابو الحرس جنطي گلي جدي تعاي وياي گام وورحت ويا وطبو اخوالي همينه ويانه طبيت للبيت دخيل الله شني من ترتيب ونضافة اويلي فخم حيل فخم شفت مرة جبيرة وياها مرة بعدهاا بحيلها وياها بناتت 5 واكفات ويمهم مرة همينه ضلن صافنات عليه گالت المرة الجبيرة ها يحمزة مني هاي الفرخة گاللها يبة هااي بت الغالية العافت اهلها وراحت لبغداد اني بجيت طلعت هاي بيببتي گالت عمت عيني عليج يحبوبه وين امج وين عافت اميمتها وراحت وين ليش ماتسأل ماتگول هلي وينهم وين صارو اني بجيت وركضت حضنتهاا گتلها بيبي امي ماتت مااتت ضلت هيه سووي سوودة صخاام گصتي يييمه وولج ييمه يسميرة سلج ابن بغداد ومووتج وولج ييمه عفتي بنيتج وحدهاا ولج يسميرة يم سوالف الحللوة وتبجي واني افرفح وذني النسوان والبنات هم يبجن وجدي مات بجي وخوالي همينه يبجون اني گتلها بيبي عافتني وحدي ورااحت گتلها مالي غيرج وج بيبي بيدي اني طميتهاا وج بيبي حته فاتحة مسويت الهااا كلشي مسويت محد النه هنااك وابوي عافني ورااح ماگال بتي وين تروح من بعدي وج بيبي جيت امووت والله هيه گامت تلطم ولج يسمرة ولج يسميرة يبعد اممج وولجج واني ابجي بحرگان رووح واحجي رجعت ضمتني لصدرهاا وگامت تصيح لا يحبوبه الرححماان على گلبج اسم الله عليج من الموت اجيتي انتي بعد هناا صرتي قطعة من رووحي ماخليج تنجاسين يبعد حبوبتج وطوايفهااا يريحة الغالية اني حضنتهاا شويه هدأت وغفيت وعلي بسرعه غفيت گعدت اني بغرفة حلوة مرتبه تركيه ع الجربايه ومغطايه والجنط يمي وجهازي همينه ع الكومدي گعدت لميت شعري وطبيت سبحت جان بيهاا حمام داخلي وولبست ورتبت هدومي والعطور وكلشي تم لبست تراك طويل وعريض فشلة منهم ولبست شال همينه الوضع مو مال توربان وجازي عفته ع الشحن وطلعت ادور منين انزل شفت درج نزلت منه جاانو هواي عالم گاعدة وبنات همينه وزلم ونسوان وشباب نزلت اني كلها تباوعلي بيبي اشرتلي اجي يمها رحت يمها وگعدت بينها لبين جدي وگالت تعرفين ذولة يجدة گتلها بيبي ولاصغراا بيهم كلشي ماعرف والله بدت تعرفني عليهم واني گمت اسلم البنات يسلمن عليه وكأنو يعرفني من سنين ويحضنن بيه ونسوان همينه وسلمت ع شباب مديت ايدي اصافح ضحكو اني رفعت حاجبي وبتسمت بطرف واحد بحيث طلعت رصعتي صافحوني بس متفاجأين من حركتي هيه هاي طبيعتي ماتصنع لمهم كملت سلام ورجعت يم بيبي وجدو ضلوو يسولفون بسرعه تأقلمت وياهم اني طبعي مرحة وجتماعيه قررو يوم الجمعه يسوون مجلس عزاء لامي اني من ذكرو امي دنگت وللگاع وطاحن دموعي وبيبي تنگبت وگامت تنعه يمه اني فحطت من لبجي وشون حسهاا خشن شويه وحنين گمت اشهگ وايدي ع حلگي علا اطلع صووت جدي بس متونه يتحركن كلهاا گام تبجي حته شباب گتلها بيبي اريد اممي حطت راسي بحضنها واني ابجي حييل ضليت اشهگ واني مغمضه لمن غفيت حسيت بيهم يحجون بس مبيه افتح عيوني خالي گال عمت عيني عليها غفت بحضن جدتهاا جاوبته مرة گلتله دشووف شون حلووة جنها سمررة نسخه منهاا ضلو يحجون عليه حسيت روحي نشاليت وبعدين غفيت من صدووگ گعدت ثاني يوم ب10 الصبح شبعانه نووم ومرتاحة جنت مصلي همزين لمهم بدلت لبست ترااك بنفسجي هم طويل وعريض ويا شال اسود وحفايات سود همينه وحطيت عطر ومزلت لگيت بيبي وحدها صبحت عليها وبست راسها گالت گومي تريگي يحبوبه اني گمت للمطبخ يم البنات ضلينه نسولف ونضحك حطلي ريووگ فددوة شگد حبابات وياهن مرة هم اسمها ام سلام هاي تشتغل عدهم حبابه فدوة جتي خالتي زوجة خالي تحجي وياي وكأنهم ييعرفوني مو صالي يومين من جيت عززة علي وين طلعت لبيبي گتلها بيبي لعد هذا الولد الجابني وينه گالت مشة ييمه گال امانتكم وصلت وهاي هيه گتلهاا ها خوش زين شسوة جدي گالت نطاا هدية قطعة ارض هين يمنه گتلها صدوگ والله همزين گالت اي لو شمانسوي قليل بحقة جابنه بت الغالية بعد گتلها يابعد عمري وبستها وگمت يم البنات اشتغل وياهن خل اعرفكم علي اخوالي ( سمر ورشا وسالي ونور وحور) بنات خالي ابو حمزة واخوانهن ( حمزة واسد وكرار وعباس واسامه ) وامهن اسمها ( الاء وابوهم خالي اسمه محسن) نجي لخالي علي ( عنده محمد واحمد وحسين وتقى ورفقة امهن اسمها نور ام علي) نجي لخالي حسن ابو فهد ( عنده فهد وكاضم وعلي معنده بنات امهم اسمها علياء ام فهد) نجي لخالي حسين ابو ازهر ( عنده ازهر ومصطفى وامجد وكريم وعنده بنيه وحدة اسمها شهلاء امهم اسمها تقية ام ازهر ) هذولة اخوالي كلهم شيوخ ولدهم شيوخ طبعا ولد اخوالي كلهم مزوجين باقي قليل منهم ممزوجين وكلهم عدهم شغل وكلمن رتبته بلجيش اوو هواي الله يستر عليهم لمهم كملنه شغل وصار وقت الصلاة كلها راحت تصلي اني بقيت بلمطبخ اكل رگي وخبز جوعانه واحد گلي نطيني وياج شويه اني جفلت وگفت الگمة بلعومي هذا صووت مو غريب عليه مني هذا اريد احجي مااكدر للساني نربط صوته هوة ييي والله هووة ولحسن هووة دخيلك ياعلي دخيلك بقيت اررجف حيل وشردت حته ماباوعتله صعدت لغرفتي وقفلت الباب وگعدت دخيلك يااعلي كرفصت وحطيت راسي بين رجلية وابجي ..