#كسرت گلب
للكاتبة ضوء القمر
اعشق صوتك لدرجه الادمان
وحتى تلك البحــهﮭ الممزوجه بصوتك
تااخذني لعالم خياليي بدون وصف
اتعمد السكوت عند محادثتك!!
حتى اسرح بخيالي بين نبرات
صوتك¡
قالت : بصوت خافت (أحــبــك)
قال لهآ : إصــرخي حين تقولينهــآ
~فقالت : بهـــدوء أخاف أن أرد بـصـوت مرتفع فيعيـدها الصدئ
ﯠيشآرِگــنـﯥ فـي حُــبَــڪ .. ~
فانت لي وَحـډي ولا ٵلاحَد غيري
صهيب: اني محافظ عليج كل هاي السنين اجي هسه اخربها اطمني جاي اوصلج رسالة بس هاي المره بنفسي شخصيا
.. يبت روحي وگلبي ااي اخذتي الروح وصرتي ويه النفس تمشين وكل دكت گلب باسمج
اسمحيلي اگلج اني وهلي وكل شيوخنه جايج نخطبج وتصيرين حليلتي
باوعت عليها جانت منزله رأسها بخجل ابتسمت عليها ودعتها ورحت اووف اشكد ارتاحيت هسه تذكرت قبل يومين من خبرني سامر
..انت شجاي تكول سامر
سامر:قابل اجدب عليك صهيب تره اهواي طولت والبنيه العين عليها متكلي شمنتظر هاا
صهيب: خوفي عليها واريد كلشي بالحلال المهم ان شاءالله انهي كلشي
وفعلا قررت احجي وياها بعد مابيه صبر اريدها يمي قبل يومين من نهاية السنه اتفقت ويه سامر على مكان اشوفها بي وهم استغليت فرصه اغلب الطلاب ماكو امتحانات بعد رحت على مكان هي دائما تكعد بي اخذت عقلي كاعدة وسط حديقة من الورود حجيت وياها اوويلي گلبي طلع من صدري وصار بين اديها اعشق كل شبر بيها احبها لا وصلت مرحلة الجنون كوة سيطرت على نفسي ماافضح روحي بقيت انتظرها لحد ماراحت يله طلعت وطول الطريق اني سارح بخجلها وصوتها الي متت بي مو صوت لا تغريد اوويلي يابه شيصبرني لحد ماتصير بحضني يابه متحلف ببها شهر مااطلعها دخلت للبيت واني ادندن ويه نفسي باغنية كاظم
قولي احبك
قولي احبك
كي تزيد وسامتي
فبغير حبكِ لا اكون جميلا
قولي احبك كي تصير اصابعي ذهبي
وتصير جبهتي قنديلا
واني على صفنتي مااحس الا قتيبة يدكلي
قتيبة: هلا والله بكاظم يوول خير اليوم تغني
صهيب: ههه نزلت راسي واضحك عليه
.. ماكو شي هيج سمعتها وبقت بلساني
حسام: لا صدك يوول مشيها على غيرنه هي مال دروب هاا
صهيب: خااب انجبو لا اكسر روسكم تعبان اريد اسبح وانام وراي امتحان
قتيبة: يوول ليش متاخرهاا مو طلعنه سوه وين وليت تحجه
صهيب: واني اشرب مي.. مارحت جنت بشغلة وبعدين انت شكو يولو لا تحشرون نفسكم بشي ميخصكم
عفتيهم يصحون وراي واني اضحك عليهم دخلت غرفتي واخذت ملابس ودخلت سبحت واني افكر بيها وانتظر اشوكت انزل علمود احاجي الشيخ اجه الوكت الي اوسدها بحضني طلعت ونشفت شعري ونمت
جوري: خجلت اهواي من حجيه احس دگات گلبي سمعهن غززا اشكد عيب وانوب صوته ورزانته كولها هيبة اتصل بيه عمي وطلعت سلمت وساق وطول الطريق افكر بكلامه وابتسم
ضاري :عسى دوم البسمه يحلو
جوري: خجلت من عمو عززا يسلموا
ضاري: أي كوليلي اشلونج الامتحانات
جوري: تمام الحمدلله
ضاري: مكتلج ايهاب اليوم خابرني فرحان مرته حامل
جوري صددوك عموو الله يسهل عليهم والله فرحتلهم
سولفنه اشويه طبعا من صارت المشكله هناك محد دره بس همه حسو اكو شي بس اني محجيت شي وهم طويت ذيج السالفة وصلنه للبيت بدلت ونزلت تغدينه وبقيت اشويه خابرت ابرار
.. الوو
ابرار: ياهلا وغلا
جوري: لج ابرار اجه
ابرار: هاا منو؟
جوري: اوو اشبيج يمعوده يعني منو
ابرار: جذذذذب والله لحظه خللي اغيرمكاني
جوري: ليش سامر راح
ابرار: اي قبل اشويه خطية تعبان المهم اي احجيلي كولشي بتفصيييل
جوري: هههه وكمت احجيها كولشي وهاي متخبلة
ابرار: الله الله الله لك شنو هذا يمه گلبي اااخ لواني يمج جان وثقت هالموعد اي عاد حلو
جوري: هه ابرار شنو فايدة الجمال واخلاق ماكو هاا تره الجمال موكولشي
ابرار: ارردي يروحي بس هم من حقنه الجمال
جوري: ايي حللو وكافي اخلاقه الي محليته اكثر لج ابرار گلبي يدك قوي وخدودي حمر لج لسه الرجفه بجسمي ممصدكه انو بعد كل هالسنوات كشف عن نفسه ولج تذكرين بيوم حفل التخرج الطفلة الي شلتها واجه شاب
ابرار: هو الطفلة اي بس هه الشاب مداتذكر لان جنت اصور يله باجر اشووفه اوووي وللج متشوقه اشوف رجل اختي
جوري: هوب هوب عمي شبسرعة صار رجل اختج هاا وبعدين ماكو شي واصلا عندي خوف گلبي خايف
ابرار : اوو هاي صدوك تحجين جوري ولج انيلو منج اشد وصله وارگص هسه اي ليش خايفه هاا
جوري: اهلي همه السبب يعني الناس من تجي تخطب مراح يسألون عن امي شكلهم امي متريدني ها بله بابا تغير مو مثل گبل بس اووف ذيج الي العمر كله متتغير وهم خايفه عمو جدو ميقبلون واني كولشي مااعرف عنه
ابرار: اهوو انتي اشكد تفكرين هاا ولج بابا فكري بنفسج وبس وامج عادي كليلهم امي هي بيبتج شنو يعني هو راح يتزوجج انتي مو امج وبعدين كاافي طيبة گلب ولج الى متى تشوفين الناس
