كبرياء أنثى وغرور رجل

الجزء الرابع

مرحبا ❤️

(( كبرياء انثى وغرور رجل ))

هاجر بقيت صافنه بوجهه من حجه مامصدكه ديضحك عليه اكيد وين اكو هيج حجي جدو مبي شي بلعكس صحته كولش زينه حتى ممتمرض كوه جليت صوتي وكتله

هاجر . انته شكاعد تكول شبي شششنو هوه حتى مو مريض لاتضحك عليه

زيد.للاسف جدي مريض ومحد يعرف بي بس اني وانتي هسه عرفتي

هاجر اختنك صوتي ودموعي مستمرات ينزلن . لاعفيه كول غيرها شون يعني مريض شبي

زيد جر حسره شكبرها وحجه . جدي عنده انسداد بشرايين القلب وعمليته كلش خطره ونسبة النجاح ١%

هاجر لطمت على وجهي . عزززززززه العزاني لعد شمنتظرين خل يسوي العمليه

زيد . نصحونه نسفره للخارج لان ماكو هنا جراح شاطر وخاصه عمر جدي  يخوف ويعتبر مجازفه بس كالو بلبنان لو تركيا نحصل دكتور تواصلت وياهم وكدرت احصل حجز  وكالو اله عمليه من شافوا تحاليله وكل اوراقه

هاجر مسحت دموعي محاوله اسيطر على نفسي حتى افهم وضع جدي . يعني شوكت سافرون عفيه استعجلوا

زيد . هوه واتفقنه نسافر بعد سبوع علمود العمليه بس فاجئني جدي من كال بس اني وانتي نروح وياه وشرط لانعقد يلا يسوي العمليه

هاجر . اكيد اروح ويا بس جنه نكدر نرفض بدون هاي الهوسه كلها

زيد . عبالج مافكرت بيها بس هوه شرطه الاساسي العقد واذا رفضنه راح يمتنع عن العلاج كله ويخلي الذنب علينه

هاجر.بس جنه نكدر نسافر وياه بدون عقد ليش هيج ربطنه هاي شغله مو لعبه هوه جدنا ونكدر نسافر ويا بدون هاي التعقيدات

زيد بهدوء . مااعرف شنو غايته من هذا الموضوع ومن سالته كال اخر اثنين ارد اشوفهم قبل لا ادخل العمليه انتم بس وهيه على ذمتك يلا

هاجر.زين هسه شنو شوكت يبلش جدو وشكد حيبقى هناك وين قررت تاخذه

زيد. لازم نبقى هناك اقل شي اربع شهور ولتركيا عمليته

هاجر.شهكت وحجيت بسررعه . ومنو يكول بابا وخواني يقبلون اسافر وحدي وجدو اغلب الوقت راح يكون مخدر من اثر العمليه بنهاية دوله غريبه شعرف بيها

زيد بنتر .ليش مو بعينج ولججج

هاجر ضحكت بستهزاء . هههه هيه هنا المصيبه أنته هناك يعني مااكدر حتى اتنفس غير الحجي الراح يطلع علينه وتعال يعمي شيل بعد شيفضها

زيد.وشنو هذا الحجي بالله اخخخخ منك جدي اني كلت من اول شكو ماخذج بس اخ جدي لو ايدي بهذا الشرط ولا انتي مو شكول سفر ابددددد تنطمين وتكعدين هنااااااااا احسسسسن

هاجر انتفضت من حجه هيج ونسيت المكان الااحنه بي نترت بصوت عالي  . هييييبي انته شلون تحجي وياي بهاي الطريقه شنو نسيت نفسك