مليكة گلبي

الفصل الثاني

جابولي معارفي العصابچية اللي يشتغلون عندي  تقرير كامل علة حياتهم  وعرفت عندهم بنية وحيدة وهنا اجتني افكار شيطانية وقررت اخذهة منهم لان هي وحيدتهم واكيد ما يتحملون فراگهة

انطيتهم عطوة عشرة ايام وگلتلهم القرار الكم خلال هاذن العشرة ايام لو الفصلية يمي لو حجي فراس يمي  اريدن الجواب همة ضلوا يماطلون وانه عند رايي

عمامي محد فك حلگه شنو اگول همة وياي يعرفون انه شني منشي ومايتجادلون وياي ابد  ضليت اشتغل واكرب طول هالايام بس افتقدت مرتي لان چانت مونستني شني اريد تسويليا   بس ماهتميت رحت لبيت الدعارة وطلبت منهم مرة وانطوني ياهة طبعا هي نفس الحالة چانت تبچي بدم مو بس دموع قسيت وياهة اكثر من مرتي وماهتميت الهة لان هي مجرد وحدة ساق** بايعه شرفهة وماتهتم لشي

گعدت  الصبح اگوم بيهة ماتگعد عرفت بيهة ماتت ماهتميت خابرت زلمتي يجون يشيلوهة من شقتي وهمة صدگ اخذوهة ومادري وين ودوهة المهم خلصت منهة  ومديرة الدعارة سكتت ماحچت شي لان تخاف مني

مرت ايام ووصلني جوابهم...

حچيتلكم قصة قائد حته تتعرفون علي

____________________________

... بابا  ليش تبچي

بابا چانت الدموع  بعيونه ويباوعلي بانكسار  ... بنيتي شگولچ 

... حبيبتي ماماتي ابوچ  راح يموت

... شنووو

حضنت بابا وابچي واصرخ... لا بابا فدوة لتعوفني ما اگدر بدونك اصلا اني مرضت لان فارقتكم

ماما وبابا گاموا يبچون علية ويحضنوني واني هنا تهسترت واصيح... لتعوفني بابا حباب لتعوفني اني بنوتك دلولتك ليش تعوفني

... بنيتي انطوني خيارين لو انطيچ الهم لو اموت واني اختاريت اموت

هنا تخبلت وگمت اصيح... ماكو ممنوع يقتلوك ممنوووووووع

تخربطت عليهم وماشوف شي بس ظلام گعدت لگيت روحي بالمستشفه وماما وبابا واگفين فوگ راسي

حچيت بصوت تعبان مشحرج... بابا وينك

... هياتني بنيتي شلون صرتي

من شفته گمت ابچي لان اني احب بابا كولش ومتعلقة بي لدرجة فضيعه... بابا نام يمي حباب

باوعتلة واني ابچي وهو تمدد يمي وحضني ويبچي وياي... خلص حبيبتي لتبچين ارتاحي

نمت علة صدر بابا  وگعدت الصبح لگيت ماما تباوعلي وعيونهة حمر ووجهة تعبان

... ماما  ين بابا

... هسة راح يسوي ورقه الخروج ويجي

اطمنت لان عبالي عافني وراح اجة بابا وطلعوني من المستشفه ورجعت للبيت وبقت علة العطوة يومين