اني انحرجت لان صدوگ هواي اشتريت وكولشي من الغالي والراقي... اي بابا والله عجبني الملابس وردتهن ومامه اشترتهن اني شعلية
ماما ضحكت وبابا هم ضحك
.... اي شعليچ مووو لو انتي الي تفضحيني اذا ما اشتريلچ شي تگعدين تبچين بنص المحل لان ما اشتريتلچ الشغلة
يبوووو شلون فشلة وين انطي وجهي واني انتبهت علة نفسي صدوگ شگد طفلة اني ابچي اذا ميشترولي الشغلات
.... ههه عوفيهة خجلتيهة يالله كولشي يهون لملوكة
ابتسمت البابا وحظنته وباوعت لماما ببرائة وماما تهز راسهة بقلة حيلة
اخذت غراضي وطفرت بغرفتي طلع شغلاتي واني متونسة واخذلهن صور وانشرهن ستوري علة الانستا واشوف الناس يكتبولي بالعافية واشكال من الكلمات
بدلت ملابسي ولبست برمودة رصاصية وكيمونه صفرة وشلت شعري ذيل حصان ونزلت جوة اساعد ماما بالعشة
... ها ماما تردين اساعدچ بشي
... اي تعالي گشري البطاطا
اخذت المكشارة واقشر البطاطا وبعدين قطعتهن وانطيتهة لماما.... هاچ ماما وقطعتهة همات بعد شتردين 😜
باوعتلي بهاي النظرة 😒... ديالله هو منو ياكول البطاطا غيرچ
اني خجلت لان صدوگ اني الاكولهة كولهة
خلصت ماما العشة وگعدنه ناكول وبابا يباوع تيڤي واني اباوع ويا
المهم خلصنه ورحت غسلت الماعين وكملتهن وفرشت اسناني وگعدت اگلب بالنت شكو ماكو
شفت واحد داخلي علة الخاص كاتبلي شعر فد سخيف عود هو يحاول يكون رومانسي ظربته ببلوك وطفيت فوني ونمت
مرت الايام بنفس الشي كولة روتين بروتين وملل بس ابد ماتوقعت يجي هاذة اليوم اللي راح يجي ويكسر روتيني وتمنيت اضل علة حياتي افضل الي
.... بابا مليكا حنرورح لسامره نزور تجين ويانه اني وامچ لو تبقين ببيت عمتچ
اني فكرت... لا بابا اني حضل يم عمه سناء روحوا انتوا
... ليش ماما حصليلچ زيارة
.... لا ماما طريق بعيد واشعر بغثيان ماريد
... براحتچ
ودوني لبيت عمتي وماما وبابا طلعوا لسامره
... هلااااااو شلونچ جوجة
.... هههه هلة بملوكة شلونچ ولچ
... تمام ، هلو عمه شلونچ
بوست عمتي وگعدنه نسولف ونضحك وبتت يمهم لان ماما وبابا باتوا بسامراء
عمتي سناء هي اخت بابا الوحيدة عمرهة ٣٨ سنه كولش احبهة ومتعلقة بيهة وعندهة بنية وحدة واللي هي صديقة عمري'جنات' عمرهة ١٩ سنه ثاني سنه كلية " تربية علوم صرفه" اختصاصهة كيمياء
أنت تقرأ
مليكة گلبي
Romanceباوعتلة بقهر _ شنو تريد مني صرخ بية: انه اعشگج ليش ما تسمعين گمت ابچي : ماريدك اني ما احبك لزمني بقوة ويباوعلي بحدة: غصبا اعليچ تحبيني دفعته من صدرة: ابتعد عني ماريدك ليش متتركني بحالي باوعلي بنظرة كولهة الم وخيبة وندم حظني وهو يعصرني :...
الفصل الاول
ابدأ من البداية
