❎ تنويه ❎
الرواية غير لائقة للبعض وبليز تعليقات محلوة ما اريد لان الرواية جدا جدا عنيفة من هسة گلت يعني اي شي يصير بالرواية لتتفاجئون بيهة
🔸🔸🔸🔸🔸🔸🔸🔸🔸🔸
طلعنه اني وماما للزيارة زرنه الامام الحسين عليه السلام وبعدين رحنه لابو الفضل العباس عليه السلام
چنت گاعدة بالصحن وماما دخلت تبوس الشباك وتزور الحظرة
اني صافنه علة الناس والجهال اللي يلعبون
.... بلا زحمة انطيني تربة
ابتسمتلهة... تفضلي خالة
.... رحمة الله والديچ
دنگت راسي العب بالمحبس مالتي والمرة راحت اني انتظرت ماما وشفتهة جاية وعيونهة حمر اظاهر چانت تبچي
... يالله گومي خلي نروح بعد
... اوك يالله
طلعنه من الصحن واخذنه احذيتنه تكرمون من الكيشوانية ومشينه خارج بين الحرمين
... ماما عفية اريد اشتري ايس كريم
... ششش سكتي تردين تفضحينه تاكلين ايس كريم وعمچ وولد عمامچ هنا خاف يشوفوچ ويسوهة قصة علينه
اني طنگرت وماعاجبني
... ماما منو حيرجعنه للبيت
... مراح نرجع هسة اريد اروح للسناتر افتر اشتريلي كم شغلة
... اوك بعد احسن
طلعنه وركبنه تكسي للسناتر وصلنه هناك ونزلنه دخلنه نفتر المهم اشترينه كووومه شغلات
.... هههه موعلساس نشتري كم شغلة دشوفي العلاليگ رايح يوگعن من ايدي
... دمشي عيني امشي غير انتي تقطين بية تردين هاذة وذاك
..... اي مامه شبيچ غير اني بنتچ الوحيدة
... هو اني شمحصلة منچ بس تاخذين فلوس
ضحكت عليهة لان صدوگ اني كولش مبذرة واشتري كولشي يعجبني
رجعنه للبيت بعد فترة وشفنه بابا جاي من الدوام
رحت بست بابا بخدة... شلونك بابا اشتاقيتلك هواي
.... ههههه واني هم مشتاقلچ وين صرتن شو تاخرتن
... اي غير بتك تريد تشتري شسويلهة
... اي لعد اني كم بنوتة عندي خليهة تشتري
... يااا خلصت فلوسي كولهن ذاك الاسبوع استلمت راتبي وخلصتليا علة السوالف التعبانه
.... ههههه گولي والله خلصت راتبچ
أنت تقرأ
مليكة گلبي
Romanceباوعتلة بقهر _ شنو تريد مني صرخ بية: انه اعشگج ليش ما تسمعين گمت ابچي : ماريدك اني ما احبك لزمني بقوة ويباوعلي بحدة: غصبا اعليچ تحبيني دفعته من صدرة: ابتعد عني ماريدك ليش متتركني بحالي باوعلي بنظرة كولهة الم وخيبة وندم حظني وهو يعصرني :...
