ذوبني عشك الضباط

part12

هلاوووووو شلونكم 

قريت تعليقاتكم ع البارتات السابقه والاكثر يكلي طولي البارت طبعا دريتو انتو انو مو اني الي جنت انشر بس اني جنت كاتبتهن ومكملتهن  بس نشرتهن بنت خالي انشالله منا وهيج البارتات راح تكون طويله بس احب اكللكم راح اختصر بلاحداث بسبب التفاعل لان كلش قليل فمراح اطول عليكم القصه راح اختمها باسرع وقت 

يلا هسه استمتعو بلبارت 

الكاتبه :قمر 

سيف. عمي اني اريد اطلب ايد أليا ع سنه الله ورسوله وانت تدري اني شكد احب اليا واعزها واحترمها وهيه اكيد تبادلني هاذا الشيء ولذالك اني قررت اطلبها منك عمي انت شتكول ها عمي ومثل ما تعرف اني دكتور وحالتي تمام واكدر اصرف ع أليا واني موافق تكمل دراستها بلي هيه تريدة وشتئمرون اني حاضر بس اتمنه ما تردني

الكل 😱😱😱😱😱 مصدوم من طلب سيف بس نورهان عيونها دمعت لان ما جانت تتوقع انو سيف ايحب أليا ورايد يتزوجها

ابو أليا. والله يا عمي ماادري شكلك وانت تعرف أليا تحب ابن عمها وابن عمها رايدها

أليا. لا بابه ماكو هيج حجي اني ما احب شهم اني جنت احب اهتمامه وبس ما جنت احبه واذا هوة يحبني فهاذا الشي راجع اله اني ما احبه

سيف . ها عمي هاي أليا كدامك هيه تكول اني ما احبه ومتريدة عمي اذا انت ماتريدني اتزوج أليا كول لا تتحجج بأليا واسف لان طولت لساني عليك

ابو أليا. لا عمي صدك تحجي انت تدري اني شكد اعزك واحترمك بس اني ما ادري أليا ما تحب شهم ومتريد ترتبط بي اني ادري بنتي تحب شهم بس هيه مقهورة منه ومنزعجه فداتحجي هيج ابني اني اعرفها هيه تحب شهم واني متأكد انت تدري هيه تحب شهم

سيف .عمي شنو قصدك اني استقلالي وانتهازي ودا استقل أليا لان منزعجه من شهم واتقدمتلها هاااا عمي

ابو أليا. لا ابني لا تفهم قصدي غلط اني مو هيج اقصد بس دا اكلك اليا تحب شهم وانت اذا اتزوجت اليا ماراح تنسعد وياها لان كلبها مو وياك كلبها ويه واحد ثاني

أليا. بابه اني كلت وراح ارجع اكول اني ما احب شهممم ليشش ما داتفهموني شبيكم اني ما احبه وليش حته ما انسعد ويه سيف اصلا اني وسيف متفاهمين واحد يعرف الثاني بس انت ليش ما دا توافق ع سيف مادري مع انو سيف ما عايزه شي

ابو أليا. بنيتي متأكدة مت قرارج

أليا. اي بابه متاكدة

ابو أليا. بيها الخير انشالله وليدي سيف احنه موافقين بعد شور عمامها

ابو شهم . يا ابو أليا شهم احق بيها من غيرة مثل ما تدري شهم يحب أليا ورايدها واحنه لو ما المشكله الي اليوم صارت جنه مقررين اليوم من تخلص الحفله نجي نخطب أليا منك اعذرني اخوي اني ما موافق ع خطبت أليا