احببت ظابط

الفصل العاشر _ احببت ظابط

فى المستشفى قسم الطوارئ واقفه نور اللى بتبكى فى حضن اخوها على امها اللى بقالها اكتر من ساعه ومحدش عايز يخرج يطمنهم وفاجاه اتفتح الباب وخرج منه الدكتور وعلامات  الحزن على وشه جرى عليه نور ومالك
مالك : طمنى يادكتور ماما كويسه ؟
الدكتور : انا اسف البقاء لله
صرخه  خرجت من نور هزت المستشفى كلها  مالك اخدها فى حضنه وبكى هو كمان على امه اللى ماتت بسببه
تمت مراسم الدفن والعزا
وصل الخبر لشهاب اللى اتأثر جدا بموت والده نور وحس بالحزن عليها وانه لازم يكون جنبها بس شيطانه اتغلب عليه وبغضب
شهاب : كدا احسن هعرف انتقم منهم كويس قوى ومن غير مااحس بتأنيب ضمير اللى كانت ممكن توقفنى ماتت واستنوا جحيمى يانور ومالك الرفاعى
وبأبتسامه خبيثه بس لازم برضو اعمل الواجب اخدت مفاتيح عربيته وخرج
وبعد شويه وقت نور نايمه فى حضن مالك فى اوضه امهم وبيبكوا على فراقها
نور : انا مش مصدقه ان مش هشوف ماما تانى
مالك : انا السبب ربنا عاقبنى واخدها مننا بسبب اللى عملته بس العقاب دا صعب اوى يانور
نور خرجت من حضنه ومسحت دموعه ولسه هتتكلم الباب خبط قام مالك فتح لاقى شاب هو ميعرفهوش
مالك : افندم
اسر : انا اسر زميل نور فى الشغل ولسه عارف الخبر البقاء لله
مالك : ونعم بالله اتفضل ثوانى ونور هتيجى
دخل اسر وقفل الباب ودخله مالك الصالون وخرجت نور على الصوت
نور : اسر
اسر وهو بيمد ايه لنور : البقاء لله يانور انا لسه عارف الخبر
نور : ولايهمك يااسر اتفضل
وقعدوا وبعد شويه الباب خبط قام مالك يفتح
مالك اتفاجأ بوجود شهاب اللى هو ميعرفوش لسه بس كان معاه قوه من الشرطه
مالك وهو بيبلع ريقه : خير
شهاب بخبث : كل خير ياحبيبى ان شاء الله انت مقبوض عليك
خرجت نور واسر من الصالون لما مالك اتأخر
نور : فيه ايه م.....
مكملتش الكلمه اول ماشافت شهاب ووقفت مكانها والدموع اتجمعت فى عنيها 
عند شهاب اول ماشافها ضعف وحزن اوى واتمنى لو يجرى عليها ياخدها فى حضنه ويقولها انا جنبك بس كل دا اتبدل فى لحظه اول ماشاف اسر جبها قور ايده فى غضب وجز على اسنانه
شهاب بغل : مالك مصطفى الرفاعى انت مطلوب القبض عليك بتهمه الاغتصاب
شهقت نور بصدمه واسر اللى طلع يجرى ووقف جنب مالك ودا اللى زود كره وحقد شهاب ليهم
اسر : حضرتك بتقول ايه ؟
شهاب : ايه مسمعتش فى وحده عامله محضر بتتهمه بالاغتصاب ونظر لمالك ايه هتنكر يامالك
مالك : لا مش هنكر انا جاى معاك
شهاب : الكلبشات ياعسكرى
نور : لالا اخويا معملش حاجه حرام عليكم زقها العسكرى وكانت هتقع  جرى عليها اسر وشهاب لكن اسر كان اسرع 
وشهاب مسك العسكرى من هدومه وبغضب انت اتجننت ازاى تزقها كدا ياحيوان وزق العسكرى
شهاب بحنيه : نور انتى كويسه
نور وهى مسنوده على اسر بصتله بصه معرفش يفسرها ومرديتش
شهاب اضايق واخد مالك ونزل
عند اسر ونور
نور : انا لازم اشوف محامى امى ضاعت مش هقدر اضيع اخويا كمان انا مليش غيره
اسره : انا هتصل بمحامى صحبى وهو شاطر اوى وهنروح لمالك وهنخرجه بس بلاش عياط عشان خاطرى اهدى
نور وهى بتمسح دموعها : طيب كلمه بسرعه يااسر والنبى
اسر وهو بيطلع تلفونه : حاضر
طلب رقم واستنى يرد
اسر : الووووو فريد كنت عايزك فى قضيه مهمه انت فين
فريد........
اسر : مفيش مشكله انا هجى اخدك بعربيتى
وقفل معاه
نور : هااا قالك ايه
اسر : متقلقيش هيجى بس انا هروح اجيبه لان عربيته فى التوكيل بتتصلح
نور بسرعه: تمام وانا هروح لمالك وانت حصلنا
اسر : اتفقنا
خرج اسر من عند نور وراح للمحامى يجيبه ونور وصلت القسم
نور للعسكرى اللى واقف : مكتب الرائد شهاب الدين لو سمحت
العسكرى شاورلها عليه نور شكرته ومشيت
وقفت شويه قدام الباب بتحاول تستجمع قوتها وخبطت واستنت لما تأذن ليها بالدخول
شهاب وهو مكانه بكل برود  :  ايه دا خلصتوا بسرعه كدا دا انا حتى فضتلكم الجو ع الاخر
نور باستغراب : قصدك ايه
شهاب بغضب مكتوم : جايه ليه
نور بغضب : جاى لاخويا عايزه اشوفه اخويا برئ
شهاب ضحك بصوت عالى : ب ايه ياحبيبتى برئ دا معترف على نفسك ياشاطره يعنى القضيه لبساه  لبساه
نور ببكاء : هو مش فاكر ايه اللى حصل معاه
شهاب : مش قصتنا دى احنا عندنا اعتراف واثبات حاله
نور : حرام عليك ياشهاب انا مفضلش ليا غيره
شهاب بخبث : امممممم انا ممكن اخرجه منها بسهوله بس بشرط
نور بسرعه : موافقه
شهاب : مش لما تسمعيه الاول
نور : مش مهم المهم اخويا يخرج
شهاب : بس انا مصمم تسمعيه والقرار ليكى لتخرجى اخوكى ويرجع لحضنك لاما تودعيه وتدفنيه جنب ماما
نور بشهقه : لا بعد الشر.... ايه شرطك؟
شهاب بخبث : نتجوز ..........
يتبع
_ _ _ _ _ _ _ _ _ _ _ _ _ _ _ _ _ _
ياترى شهاب ناوى على ايه لنور ؟
اسفه على التاخير بتمنى البارت يعجبكم ومستنيه رأيكم فى كومنت وفوووت 😘